Kəmwetə 13:3 - The New Testament in the Babanki language

³ Kətʉ kə nyàm akì kətsenkə nkə̀ʼə̀ tò sə kənkiʼi li əlyom ə fansəghə alì mu və nchʉʼ li, viʼi vətsèm a nse sə̀ diʼ nə̀ kaynə mù sə̀ dzɨ̀mtə̀ dyʉ̀ tò nə̀ nyàm ayì.

Kəmwetə 13:3 ပူးပေါင်းရင်းမြစ်များ

Ŋwàʼlə̀ Luk 2:1

A bè ndiʼ a tʉʼ ayì mu fòyn Augustus kuli soʼ la və nyoʼ təzhiʼ tə viʼi no vətsèm a tə̀loʼ tə̀tsèm a ti nə̀ Lum.

Joyn 12:19

Viʼi Falàsi ə sə gàʼa to a vəwenə a ntìntìn la, “Kə le diʼi la kənyʉ̀ kətsen ko be diʼ vəghəŋ nè. Yen to ando mbyi ə tsèm sə dyʉ̀ to fa wen abàm a!”

Shwèʼ 8:13

No tè Simon fà wen a ngeŋ be byɨmə ntɨm jùŋ ayì, ə̀ shì mu ə̀ faŋ sə diʼ tò wenə̀ Filib, be diʼ nə̀ kaynə byìʼì chwitə vi a Filib ndìʼì bènə̀ nyʉ̀ kaynəvə vi a ghə̀ ə̀ nè.

Kəmwetə 13:12

Ghə̀ shi àdyoʼ ə ghoʼoghə yi a nyàm ətoʼ ə̀ mbì yì nkiʼ lì sə̀ soʼo tò wen a shɨ. Ghə̀ nè la nse nə̀ viʼi a və tsi ə ngumlə̀ nyàm ətoʼ ə̀ mbì yì, a ghə̀ ə̀ nkìʼ əlyom ə toghə mu və chʉʼ li lì.

Kəmwetə 13:14

Byìʼì ənyʉ̀ kanəvə avenə a Nyìngòŋ ə nghʉsə nyàm ətoʼ aghèn sə̀ nè a shɨ nyàm ətoʼ ə̀ mbì yì lì lobtə viʼi vətsèm a və̀ ntsi a nse ə̀ gàʼ la vəwenə shɨtə kənshyə̀ʼsə̀ kə nyàm ətoʼ kì a ghə̀ ə̀ nkìʼ əlyom ə toghə mu və bvàʼ nə̀ nyì ə ngwoləŋ alì ghə̀ bu sə diʼ tò to lì.

Kəmwetə 17:10

Ətʉ a vyi diʼ a lì à diʼ təfòyn sòmbo, təfòyn fa tsu ə pfʉkə li tə tàyn. Əmùʼ sə bò soʼo, ghətsen ko təmə̀ vì. Ghə̀ diʼ ne vì no zhʉ̀ kò ə nkiʼ tò kətemə kə zhʉ əsoʼ.

Kəmwetə 17:11

Nyàm yì a ghə̀ ə̀ ndìʼ alì ə sə diʼ mu ghə̀ pfʉ li lə̀ bè dìʼ tò fòyn ə təfòyn tə ndiʼ fwomə diʼ be ne dyʉ̀ ə və byɨsə wen.

Kəmwetə 17:13

Vəwenə vi əwùm tsèntə̀ kìʼ tò əkwòʼtə̀ mùʼ diʼ ne ku kədyòʼ kə vəwenə à nyàm yì ə ghə̀ ə nsoʼo.

Kəmwetə 17:17

Kə diʼ alə̀ byìʼàndo Nyìngòŋ ə ghʉ li à vəwenə tətyɨm la vəwenə tsentə̀ nè tò kənyʉ̀ a ghə̀ kəŋə. Vəwenə ku kədyòʼ à nyàm yì la ghə̀ ə nsoʼo əzaʼa fa zhʉ a ənyʉ̀ no tsèm a Nyìngòŋ ə̀ ngaʼà ə kwʉʼ li.

Kəmwetə 17:6

Mà yen mu wùwì ayì ə nyʉ li mənlyuŋ mə viʼi ə Nyìngòŋ nə̀ mənlyuŋ mə̀ viʼi a və̀ nzhwilə̀ byìʼàndo vəwenə ntɨmə viʼi vəyenəvə a ənyʉ̀ ə Yesò. Mà ə̀ nyenə wen ə̀ sə̀ diʼ nə̀ kanə ghoʼoghə,

Kəmwetə 17:8

Nyàm ghèn a wù ə yenə lə̀ ə̀ ndìʼ to alì ghə̀ sə̀ diʼ mu ghə̀ pfʉ li. Ghə̀ diʼ ne fʉ̀ ə kuʼ fa nkwòŋ yì a ghə̀ ə shwemə shiʼi dyʉ̀ tò dyʉ̀ lì ə dyʉ̀ ə və byɨsə wen. Viʼi vi a və nko nyòʼ təzhiʼ tə vəwenə a ŋwàʼlə̀ ə̀bwòŋ mibu və sə shɨ̀tə mbi ne yen nyàm aghèn ə ndiʼ nə̀ əkaynə byìʼàndo ghə̀ tə̀ ndiʼ, ə̀ pfʉ ə be sə diʼ lu bwènə̀ vì.”