Kəmwetə 13:17 - The New Testament in the Babanki language

¹⁷ Wìʼ ə nko diʼ ə baʼlə ko ə zen kəfo a bwen la ghə̀ kìʼ kəchwitə kə diʼì əzhiʼ ko ətaŋ əzhiʼ ə wen.

Kəmwetə 13:17 ပူးပေါင်းရင်းမြစ်များ

Gàlesìyà 6:17

Ə mwetə, ma sə gàʼa la, kə wìʼ be ku ngəʼ a mò, byìʼì ando əlas diʼ a mo wèn a və diʼi la ma diʼ wù Yesò.

Kəmwetə 13:16

Nyàm ətoʼ yì a ghə̀ mfʉ fa nse lì bè kàyn la və ghʉ kəchwitə a əkwoŋ ə toghə ko a chʉ kətʉ no ndò; wuto ko wàyndyə, wu ə ko, ko wù kənfem, kəkòs ko wìʼ a ghə̀ diʼì fà wen ə ngə̀ŋ.

Kəmwetə 13:18

Kènkə diʼ ə wù ə nkiʼ ətof kwòʼtə̀ ə kɨ. No ndò a ghə̀ ə kiʼ ətof ghə̀ shwèʼ əkɨ ətaŋ ə nyàm aghenə byìʼàndo ətaŋ ayi diʼ əzhiʼ wìʼ. Ətaŋ ayi ə̀ ndìʼ əghɨ ntʉfə nə̀ njʉ̀sə̀ ntʉfə a məwum ə̀ ntʉfə.

Kəmwetə 14:11

Fələʼ fəzhiʼ fì a vəwenə a yen ə ngəʼ tsu ə kuʼu tò kuʼu a kàŋ əzaʼa no fa ze. Viʼi avenə a və ghoʼsə̀ nyàm ə̀ toʼ yì nə̀ kənshyə̀ʼsə̀ kə wen mu və ku li kəchwitə kəzhiʼ wen ko lu kiʼi ənzhʉ̀tə tè nə̀nchwì ko nəntʉʼʉ.”

Kəmwetə 14:9

Ntsɨ̀ŋ ngə̀ŋ ə̀ Nyìngòŋ tsen bè dzɨ̀mtə̀ fʉ̀ nə̀ və mbì vi ə və ndiʼ vətaʼ, ə̀ bè sə̀ zɨmə̀ gàʼà a gɨ̀ ə to la, “No ndò a ghə̀ ə ghoʼsə̀ nyàm ə̀ toʼ yì nə̀ kənshyə̀ʼsə̀ kə wen kì, və nku kəchwitə à wen əchʉ kətʉ ko à wen əkwoŋ,

Kəmwetə 15:2

Mà mbe ə̀ nyèn kəfo kə kə̀ʼə̀ to nə̀ ə̀mu mə ghoʼomə̀, baynə lyəŋsə̀ to nə̀ kənki kə ashɨ a və fə̀ŋə̀ nə̀ əzhiʼ. Mà mbe yèn viʼi a və soyn ə̀ nzhɨ nyàm ətoʼ yì a ghə̀ fʉ̀ ə̀ kuʼ ə̀ vì fa ə̀mu lì wenə̀ kənshyə̀ʼsə̀ kə wen əboʼsə nə̀ ətaŋ ə zhiʼ wen, və ti a mbyɨ̀ ə̀mu mə ghoʼomə̀ mì kiʼ təlyuŋ tə Nyìngòŋ à vəwenə avu.

Kəmwetə 17:5

Və̀ nyòʼò li əzhiʼ ə̀ kanəghə tsenghə à wen əchʉ kətʉ la, “Babilòyn, ntə̀ʼ ə ghoʼo. Wù dìʼ əmpfì njèʼtə̀sə sə̀tsèm be diʼ əmpfì ənyʉ̀ byɨvə fansəvə a nse.”

Kəmwetə 20:4

Fà yi bàm, mà yen Əfwoyn, bè nə̀ Viʼi a və̀ ŋwʉʼ a Əfwoyn avenə, ndìʼ mu və ku li kədyòʼ à vəwenə la vəwenə nsoʼo viʼi vətsenvə. Mà bè yèn əzhwi ə viʼi vyi a və tin tə tʉ vəwenə byìʼàndo vəwenə nshə̀ʼtə̀ əgàʼ ə Nyìngòŋ be dìʼì nəmwèʼè yì a Yesò ə̀ ndìʼsə̀. A ə̀ ndìʼ viʼi a və̀ ntyenə la vəwenə ko a ə̀ nghoʼsə̀ nyàm ətoʼ yì ko kənshyə̀ʼsə̀ kə wen kì ə̀ mù sə̀ diʼ kènla vəwenə shi li kəchwitə kə nyàm ətoʼ kì à vəwenə təchʉ̀ tətʉ ko à vəwenə a kwoŋ. Vəwenə bwènsə̀ lù fa pfʉ ə̀ sə̀ soʼo wenə̀ və Klistò a ngʉ̀ʼsə nkam.

Kəmwetə 22:4

Vəwenə lu yenə əkɨ ə Nyìngòŋ, a və nyòʼ əzhiʼ ə Nyìngòŋ achʉ̀ kətʉ nə̀ vəwenə.

Kəmwetə 3:12

A lù soyn ə̀ zhɨ̀ tè ndò ə̀ zhɨ ə mbyɨ, mà lù nè ghə̀ ə ndiʼ a nə̀ ntom a ngə̀ŋ ə̀ Nyìngòŋ ghom ko ndiʼ la ghə̀ be a fʉ̀ fa tsu. Mà lu nyòʼ əzhiʼ ə Nyìngòŋ ghom à wen ə wèn ə be nyòʼ əzhiʼ ə ntə̀ʼ ə ghoʼo ə̀ Nyìngòŋ ə̀ ghom à diʼ kəshi a viʼi və byɨmə və no vətsèm ə lu ntsi a kə shiʼi vì fà Nyìngòŋ ə̀ ghom a kàŋ. Mà be lu nyòʼ əzhiʼ ghomə fighə à wen ə wèn.

Kəmwetə 7:3

Gàʼà la “Kə ghə̀ŋ à byɨ̀sə nse, ko mu, ko ə̀ nkòʼ, ə zaʼa fa zhʉ a yès a ku ə chwitə a təchʉ̀, ə viʼi shyèʼ ə̀ Nyìngòŋ vəghəŋ ə myetə.”