Kəmwetə 13:16 - The New Testament in the Babanki language

¹⁶ Nyàm ətoʼ yì a ghə̀ mfʉ fa nse lì bè kàyn la və ghʉ kəchwitə a əkwoŋ ə toghə ko a chʉ kətʉ no ndò; wuto ko wàyndyə, wu ə ko, ko wù kənfem, kəkòs ko wìʼ a ghə̀ diʼì fà wen ə ngə̀ŋ.

Kəmwetə 13:16 ပူးပေါင်းရင်းမြစ်များ

Shwèʼ 26:22

alì Nyìngòŋ ngyàmtə̀ mò ə kuʼ ə zaʼa lan, mà sə ti a shə̀ luwèn a nə̀ wu yenə əshə̀ʼtə̀ nyʉ̀ venə à viʼi vətsèm, a viʼi vətyetəvə nə̀ vəghoʼkəvə. Kənyʉ̀ a ma gàʼà bè dìʼ tò ndə̀ŋndəŋ kənyʉ̀ a Mosìs bènə̀ nshə̀ʼtə̀sə səghoʼkəsə ndìʼ mu vəwenə shə̀ʼtə̀ li la kə lu chò.

1 Kolìntyàns 12:13

Vəghəŋ nkaʼkə li ə sə diʼ to əwèn ə mùʼ a tʉʼ a kəzhwì kə Ŋwoʼkə nku mu a vəghəŋ, kò a ndiʼ la, vəghəŋ diʼ viʼi Jus, kò vəghəŋ ə ndiʼ viʼi ətɨm, kò vəghəŋ ə ndiʼ əkòs a wìʼ, ko vəghəŋ ndiʼi fa vəghəŋ a ngeŋsə. Nyìngòŋ ə ku li Kəzhwì na kènkə kə mùʼ, to a vəghəŋ vətsèm.

Gàlesìyà 3:28

Nəkwoŋ ko be diʼ fa wù ə Jus wenə wìʼ yi a ko diʼ wù Jus. Nəkwoŋ ko be diʼ fa wìʼ yi a ghə̀ diʼi fa ngeŋ wenə wìʼ yi a ghə̀ diʼi kəkòs, ko ghə̀ diʼ a wùlɨm nə̀ wùwì, byìʼì ando ghə̀ŋ və tsèm sə tsèntə diʼ to kənyʉ̀ kə mùʼ vye və Yesò Klistò.

Gàlesìyà 6:17

Ə mwetə, ma sə gàʼa la, kə wìʼ be ku ngəʼ a mò, byìʼì ando əlas diʼ a mo wèn a və diʼi la ma diʼ wù Yesò.

Efisyàns 6:8

Ghə̀ŋ kɨli la wìʼ ə sətsen nè no tèbe jùŋ ə kò, kò ghə̀ diʼ kəkòs kò ghə̀ ko diʼ, Nyìngòŋ ə lù ku əmòʼtə wen.

Kòlòsyàns 3:11

Ali, ə nəkwoŋ ko diʼ ko ghə̀ lu ndiʼ a wìʼ, kò à diʼ wù ə Jus kò à diʼ wù ə Glek, kò və shɨtə li wen kò və ko shɨtə, kò à diʼ wù kətɨm. Ə nəkwoŋ kodiʼ a viʼi vi a diʼi əkos nə̀ viʼi vyi a və diʼ fa ngəŋ, ali kənyʉ̀ kə tokə diʼ to Yesò. Ghə̀ diʼ a ntìntìn viʼi wen və tsèm.

2 Timotì 3:8

Viʼi a venə ə taʼsə əziʼi yi a ghə̀ diʼì nəmwèʼè tò ndə̀ŋndəŋ ando Janès wenə̀ Jambles ə nlu sə taʼsə əziʼi ə Mosìs. Vəwenə ə nkiʼ təkwòʼtə̀ tə byɨtə, ko və mbe kwʉ̀ʼmə̀ a kənyʉ̀ kətsenkə a ntìntìn byɨmə.

Kəmwetə 11:18

Tinsə viʼi vyi a və ko kɨ̀ wù tə mfwi, alì əzhʉ kwʉʼ li ə wù diʼ ətoŋ fwi ghə̀ wù, əzhʉ mbè nkwʉʼ ə soʼ viʼi vəpfʉkəvə. Zhʉ be nkwʉʼ ə wù taʼ viʼi shyèʼ ə̀ wù, andiʼ nshə̀ʼtə̀sə sə̀ ghoʼokəsə wù, nə̀ viʼi vyə no vətsèm a və ghoʼsə̀ əzhiʼ ə̀ wu, vətovə nə̀ vəbwaʼvə tò ndə̀ŋndəŋ. Əzhʉ̀ be kwʉ̀ʼ ə wù byɨsə viʼi vyi a və byɨsə viʼi ə nse.”

Kəmwetə 15:2

Mà mbe ə̀ nyèn kəfo kə kə̀ʼə̀ to nə̀ ə̀mu mə ghoʼomə̀, baynə lyəŋsə̀ to nə̀ kənki kə ashɨ a və fə̀ŋə̀ nə̀ əzhiʼ. Mà mbe yèn viʼi a və soyn ə̀ nzhɨ nyàm ətoʼ yì a ghə̀ fʉ̀ ə̀ kuʼ ə̀ vì fa ə̀mu lì wenə̀ kənshyə̀ʼsə̀ kə wen əboʼsə nə̀ ətaŋ ə zhiʼ wen, və ti a mbyɨ̀ ə̀mu mə ghoʼomə̀ mì kiʼ təlyuŋ tə Nyìngòŋ à vəwenə avu.

Kəmwetə 19:18

Ghə̀ŋ vi ə̀ tsèntə̀ ə̀ pfìʼ njòsə wèn ə̀ təfòyntə, njòsə̀wèn ə̀ tʉtʉ vəsugyèʼ, njòsə̀wèn ə̀ viʼi a və kiʼ kədyòʼ nə̀ njòsə̀wèn ə̀ təlyəŋ wenə̀ viʼi a və nyɨŋə à yi ətʉ nə̀ njòsə̀wèn ə̀ viʼi no vətsèm; ə̀vi a və diʼì fa ngə̀ŋ nə̀ ə̀vi a və diʼì əkòs. Ghə̀ŋ vi ə̀ pfiʼ njòsə̀wèn ə̀ viʼi vətokəvə wenə̀ viʼi vəbwaʼvə.

Kəmwetə 19:20

Və ghaʼ nyàm ətoʼ yì wenə̀ nshə̀ʼtə̀ kənlobtə yì a ghə̀ ə̀ ndìʼì əchwitə ndzɨ̀ŋsə lobtə̀ viʼi vyi a və̀ nku əchwitə à vəwenə bènə̀ ə̀vi a və̀ nghoʼsə̀ kənshyə̀ʼsə̀ kə wen à wen ə shɨ lì. Və mòʼ ə̀ shìʼsə vəwenə venə vəbò a nkwòŋ ə̀ zhìʼ mu və we li məkàyn tsu, vəwenə bu diʼ tò vəto.

Kəmwetə 19:5

Fà yi bàm, mà zhʉ əgɨ̀ ghə̀ gàʼ fʉ̀ ə̀ vì fa kəshi kə kəfwoyn kì la, “Vəghəŋ ghoʼsə Nyìngòŋ vəghəŋ! vəghəŋ vətsèm a və diʼì viʼi shyèʼ ə wen, vəghəŋ vətsèm a və fàynə̀ wen ko wù dìʼ wuto ko wù dìʼ wubwaʼ.”

Kəmwetə 20:12

A zhʉ a yi ma mu yen viʼi a və mpfʉ̀kəli, viʼi a ndiʼ ngesə̀ viʼi nə̀ vi a nko diʼ ngesə̀ viʼi ando vəwenə nti a shɨ kəfwoyn. Və nboʼli vəŋwàʼlə̀, ə be jisə boʼ ŋwàʼlə̀ tsen a ndiʼ ŋwàʼlə̀ bwòŋ. Və nsoʼli viʼi a və npfʉ̀ kə li a nyʉ a vəwenə ə ne ando və nyoʼo a ti vəŋwàʼlə̀ a vi.

Kəmwetə 20:4

Fà yi bàm, mà yen Əfwoyn, bè nə̀ Viʼi a və̀ ŋwʉʼ a Əfwoyn avenə, ndìʼ mu və ku li kədyòʼ à vəwenə la vəwenə nsoʼo viʼi vətsenvə. Mà bè yèn əzhwi ə viʼi vyi a və tin tə tʉ vəwenə byìʼàndo vəwenə nshə̀ʼtə̀ əgàʼ ə Nyìngòŋ be dìʼì nəmwèʼè yì a Yesò ə̀ ndìʼsə̀. A ə̀ ndìʼ viʼi a və̀ ntyenə la vəwenə ko a ə̀ nghoʼsə̀ nyàm ətoʼ yì ko kənshyə̀ʼsə̀ kə wen kì ə̀ mù sə̀ diʼ kènla vəwenə shi li kəchwitə kə nyàm ətoʼ kì à vəwenə təchʉ̀ tətʉ ko à vəwenə a kwoŋ. Vəwenə bwènsə̀ lù fa pfʉ ə̀ sə̀ soʼo wenə̀ və Klistò a ngʉ̀ʼsə nkam.

Kəmwetə 6:15

Təfòn tə mbi, nə̀ viʼi vəghoʼkəvə, nə̀ ə tʉtʉ vəsugyèʼ, nə̀ viʼi ə ko, nə̀ viʼi kədyòʼ, no viʼi vətsèm, əkòs nə̀ viʼi vyi a və ko diʼ əkòs ə nyɨŋkə lyòmtə̀ a təfyə̀ nə̀ a ti təghu a pfensə,

Kəmwetə 7:3

Gàʼà la “Kə ghə̀ŋ à byɨ̀sə nse, ko mu, ko ə̀ nkòʼ, ə zaʼa fa zhʉ a yès a ku ə chwitə a təchʉ̀, ə viʼi shyèʼ ə̀ Nyìngòŋ vəghəŋ ə myetə.”