Kəmwetə 13:13 - The New Testament in the Babanki language

¹³ Kənkùmtə̀ kə nyàm ətoʼ aghèn ə̀ nè ənyʉ̀ kaynəvə, ə̀ nè tè əzhiʼ ə lù fa kàŋ ə̀ shiʼi vì a nse viʼi vətsèm ə yenə.

Kəmwetə 13:13 ပူးပေါင်းရင်းမြစ်များ

Matìyò 16:1

Viʼi Falàsi bènə̀ Vəsadùsis vətsenvə vì à Yesò sə kəŋə jì əghaʼ wen fa tsu mù gàʼ la ghə̀ ne kənyʉ̀ kə kaynə kə kətsen kə ədìʼ kəchwitə la kədyòʼ kə wen kə lù fà Nyìngòŋ.

Matìyò 24:24

byìʼàndo viʼi vi a Nyìngòŋ ntsuʼ li ə̀ ghʉ və kənlobtə nə̀ nshə̀ʼtə̀sə kənlobtə lu fʉ̀ a tʉʼ ayì, ə nè chwitə fàynsə və be mwòmə̀ nyʉ̀ kaynəvə mwòmsə tò la vəwenə lè zì və lobtə viʼi vi a Nyìngòŋ sə diʼ mu ghə̀ tsuʼ li əbwòŋsə̀ lì lo.

Ŋwàʼlə̀ Mak 13:22

Və Klistò və kənlobtə̀ bènə̀ nshyə̀ʼtə̀ sə kənlobtə̀ lu fʉ̀ a tʉʼ ayì ə ndìʼì chwitə be mwòmə̀ nyʉ̀ kanəvə ndi mwòmsə̀ əyen la vəwenə zì və dzɨŋsə viʼi vi a Nyìngòŋ sə diʼ mu ghə̀ tsuʼ li əbwòŋsə̀ lo.

2 Timotì 3:8

Viʼi a venə ə taʼsə əziʼi yi a ghə̀ diʼì nəmwèʼè tò ndə̀ŋndəŋ ando Janès wenə̀ Jambles ə nlu sə taʼsə əziʼi ə Mosìs. Vəwenə ə nkiʼ təkwòʼtə̀ tə byɨtə, ko və mbe kwʉ̀ʼmə̀ a kənyʉ̀ kətsenkə a ntìntìn byɨmə.

Kəmwetə 11:5

Wìʼ sətsèn ə̀ mwòmsə̀ ə lyomsə vəwenə, əzhiʼ à fʉ̀ fà vəwenə təchʉ̀ ə̀ byɨ̀sə viʼi kəbàyn ə̀ vəwenə a vyi, a ji aghèn ə zhwi no tè ndò a ghə̀ mwòmsə̀ ə lyomsə vəwenə.

Kəmwetə 16:14

Əzhwi byɨvə avenə ndìʼ vədeblə̀ a və̀ njèʼè dìʼì əchwitə kanəvə. Əzhwi a vyi ə̀ njèʼè dyʉ̀ no à təfòyn tə tsèm a mbi ə tsèntə vəwenə a kəshi kə mùʼ ə vəwenə baʼtə̀ soyn a kətsi kə ghoʼokə Nyìngòŋ ə Tìʼ àdyoʼ ə̀ tsèm.

Kəmwetə 19:20

Və ghaʼ nyàm ətoʼ yì wenə̀ nshə̀ʼtə̀ kənlobtə yì a ghə̀ ə̀ ndìʼì əchwitə ndzɨ̀ŋsə lobtə̀ viʼi vyi a və̀ nku əchwitə à vəwenə bènə̀ ə̀vi a və̀ nghoʼsə̀ kənshyə̀ʼsə̀ kə wen à wen ə shɨ lì. Və mòʼ ə̀ shìʼsə vəwenə venə vəbò a nkwòŋ ə̀ zhìʼ mu və we li məkàyn tsu, vəwenə bu diʼ tò vəto.

Kəmwetə 20:9

Mà be yen ando vəwenə fʉ ə̀ vì tò fa təshyə tə nse tə tsèm ə̀ kuʼ ə̀ dyʉ̀ nyɨŋ ə̀ kàʼ ntə̀ʼ ghoʼo yì a viʼi ə Nyìngòŋ ə̀ ntsi tsu alì əzhiʼ ə shiʼi fa kàŋ ə̀ mwès vəwenə no vətsèm.