Kəmwetə 13:1 - The New Testament in the Babanki language

¹ Fà yì a bàm, mà yen nyàm ghə̀ fʉ̀ ə̀ kuʼ ə̀ vì fa tì ə̀mu mə nghoʼomə̀, kiʼ ətʉ sòmbo. Nə̀ ndoŋsə la əwùm. No ə̀ ndoŋ kò ə̀ nkìʼ ə̀sòʼ ə təfòyn, no kətʉ kə kò kə kiʼ əzhiʼ a ghə̀ telə̀ Nyìngòŋ.

Kəmwetə 13:1 ပူးပေါင်းရင်းမြစ်များ

Kəmwetə 11:7

A ne ə ndiʼ a zhʉ a vəwenə shəʼtə̀ li ntɨm ayì ə mwetə nyàm ə fànsə yì ghə̀ fʉ̀ fa nkwòŋ yì a ghə̀ shwemə shiʼi dyʉ̀ tò dyʉ̀ lì ə soyn ə zhɨ vəwenə be a zhwilə vəwenə.

Kəmwetə 12:3

Kəchwitə kə kanəkə kətsenkə bè fʉ̀ a kàŋ, nyàm ə fàynsə ghoʼo tsen fʉ̀ kə̀ʼə̀ bàŋə̀baŋə, kiʼ ətʉ sòmbo nə̀ ndoŋsə wum. No kətʉ kə kò kə kiʼ ə̀sòʼ ə təfòyn.

Kəmwetə 13:11

Mà bè yèn nyàm ə toʼ ə tsen ghə̀ fʉ̀ kuʼ ə̀ vì fa nse, kiʼ əndoŋsə sə bò to nə̀ wàyn bi ənjɨ̀. Ghə̀ ə̀ ngàʼà tò nə̀ əzhù ə byɨ.

Kəmwetə 13:14

Byìʼì ənyʉ̀ kanəvə avenə a Nyìngòŋ ə nghʉsə nyàm ətoʼ aghèn sə̀ nè a shɨ nyàm ətoʼ ə̀ mbì yì lì lobtə viʼi vətsèm a və̀ ntsi a nse ə̀ gàʼ la vəwenə shɨtə kənshyə̀ʼsə̀ kə nyàm ətoʼ kì a ghə̀ ə̀ nkìʼ əlyom ə toghə mu və bvàʼ nə̀ nyì ə ngwoləŋ alì ghə̀ bu sə diʼ tò to lì.

Kəmwetə 13:15

Və ku kədyòʼ à kənkùmtə̀ kə nyàm ətoʼ kì la ghə̀ fwof kəzhwì a əchʉ̀ kənshyə̀ʼsə̀ kə nyàm ətoʼ ə lyomə yì ndi kənshyə̀ʼsə̀ kə nyàm akì gàʼ ə̀ nè və shyə no ndò yì a ghə̀ ə tyenə ghoʼsə kəwenkə.

Kəmwetə 15:2

Mà mbe ə̀ nyèn kəfo kə kə̀ʼə̀ to nə̀ ə̀mu mə ghoʼomə̀, baynə lyəŋsə̀ to nə̀ kənki kə ashɨ a və fə̀ŋə̀ nə̀ əzhiʼ. Mà mbe yèn viʼi a və soyn ə̀ nzhɨ nyàm ətoʼ yì a ghə̀ fʉ̀ ə̀ kuʼ ə̀ vì fa ə̀mu lì wenə̀ kənshyə̀ʼsə̀ kə wen əboʼsə nə̀ ətaŋ ə zhiʼ wen, və ti a mbyɨ̀ ə̀mu mə ghoʼomə̀ mì kiʼ təlyuŋ tə Nyìngòŋ à vəwenə avu.

Kəmwetə 16:13

Mà yen əzhwi byɨvə tsenəvə taʼ a və kə̀ʼə̀ to nə̀ təsenətə fʉ̀ ə̀ vì fa əchʉ ə̀ əzhù ə byɨ nə̀ fa əchʉ ə nyàm ətoʼ bènə̀ fa əchʉ nshə̀ʼtə̀ kənlobtə.

Kəmwetə 17:16

Ntsɨ̀ŋ ngə̀ŋ ə̀ Nyìngòŋ ə be gàʼ la ndoŋsə shì əwùm a mà yì yen lì ne tsèntə̀ wenə̀ nyàm yì ə mbàynə̀ njèʼtə̀ yì. Vəwenə ne shi no ghò a ghə̀ kiʼì ə ghʉsə wen tò kənàʼ ntsuʼ, vəwenə ne pfiʼ njò əwen ə wen ə nyùʼ kəbyəʼ ki nə̀ əzhiʼ.

Kəmwetə 17:3

Kəzhwì kə Nyìngòŋ kə shi əkwoʼtə ghomə, ntsɨ̀ŋ ngə̀ŋ ə̀ Nyìngòŋ yì lyɨ̀ mò ə̀ dyʉ̀ nə̀ mò a nse zɨm, mà yen wùwì ə tsen tsu ghə̀ ŋwʉʼ a kwi nyàm ə bàŋə̀ tsen mu və nyòʼò li təzhiʼ à wen əwen. Təzhiʼ atì tə diʼ mbàʼsə a sə telə̀ Nyìngòŋ. Nyàm ayì ə̀ nkìʼ ətʉ sòmbo nə̀ əndoŋsə tsu əwùm.

Kəmwetə 17:5

Və̀ nyòʼò li əzhiʼ ə̀ kanəghə tsenghə à wen əchʉ kətʉ la, “Babilòyn, ntə̀ʼ ə ghoʼo. Wù dìʼ əmpfì njèʼtə̀sə sə̀tsèm be diʼ əmpfì ənyʉ̀ byɨvə fansəvə a nse.”

Kəmwetə 19:19

Mà mù yèn mu nyàm ətoʼ yì wenə̀ təfòyn tə mbi tə zhùŋtə̀ li nə̀ vəsugyèʼ və vəwenə soyn wìʼ yì a ghə̀ ə̀ ŋwʉʼ a kwi əlyəŋ yi wenə̀ vəsugyèʼ və wen.