Kəmwetə 12:1 - The New Testament in the Babanki language

¹ Kəchwitə kə kaynəkə kətsenkə fʉ̀ a kàŋ, mà yen wùwì mu ghə̀ mòʼ ndisə à diʼ əchʉzhʉ, aghʉ ə wen ti a kwi əsàŋ, ə̀sòʼ ə təfòyn ə diʼ à wen kətʉ kiʼ mədzɨ̀ŋ njʉ̀sə̀ bò.

Kəmwetə 12:1 ပူးပေါင်းရင်းမြစ်များ

Matìyò 12:38

Ndìʼsə̀sə təsoʼ sətsensə bènə̀ viʼi Falàsi vətsenvə gàʼ à Yesò la, “Ndìʼsə̀, dìʼi nchwi à yès ədìʼ la wù lù fà Nyìngòŋ.”

Matìyò 24:30

Fa yi a bàm, chwitə məvì Wàyn Wìʼ fʉ a kàŋ. Viʼi təloʼ tə mbi no tətsèm nlyuŋlyuŋ dì. A zhʉ aghèn vəwenə mu yèn Wàyn Wìʼ shiʼi vì a tì mboʼsə kiʼ kədyòʼ nə̀ baynə ghoʼoghə.

Ŋwàʼlə̀ Mak 13:25

Mədzɨ̀ŋ a mə diʼ a kàŋ lu fəŋkə, fo tsenəvə vi a və bè dìʼ a kàŋ be shènkə.

Ŋwàʼlə̀ Luk 21:11

Pfensə nlù shenkə, nse nə̀ʼə̀, jɨ̀ŋ be kù a shi a shi. Təkwaʼa a tə dyàŋə̀ bè fʉ̀, chwitə faynsə və a nfʉ̀ fa kaŋ baŋsə viʼi.

Ŋwàʼlə̀ Luk 21:25

“Tʉʼ ayi ku kwʉʼ, chwitə dìʼ a chʉzhʉ, a sàŋ bènə̀ a mədzɨ̀ŋ. Mu mə ghoʼmə lu nəʼə bè fùʼù, vì nə̀ zhuŋsə a təloʼ tə mbyi. A tʉʼ ayì viʼi vətsèm kəŋ jì ə nyɨŋ.

Joyn 3:29

Wùwì ə lam nə̀ dyʉ̀ to a lɨmə wùwì. Wùndoŋ ə lɨmə wùwì yì a ghə̀ gyàmtə̀ wen nə̀ jèʼè to a wen a ntɨm, saŋlə no nànto a zhʉ a ghə̀ zhʉ ando lɨmə wùwì ə gàʼà. A lə ndə̀ŋndəŋ ji yì a ma saŋlə fa tsu luwen. Saŋlə ə ghomə ə diʼ luwen, mu ghə̀ lwin li nkwʉʼ.

Shwèʼ 2:19

Mà lu ne nyʉ̀ kanəvə a kàŋ ə be dìʼ chwitə a nse. Viʼi lu yen mənlyuŋ nə̀ zhiʼ bènə̀ mbòʼ fələʼ.

Lumans 13:14

Ghə̀ŋ boŋsə ghaʼ to ntsìnə̀ ə fi yì a Bobo Yesò Klistò ə ku li a ghə̀ŋ a fo ghòŋ. Kə vəghəŋ na kù ji la njòsə əwen ə vəghəŋ sə tisə vəghəŋ, kwetə tèbe ghò ando sə kòŋ, vəghəŋ ə ne to ne.

Lumans 3:22

Nyìngòŋ ə ne lyɨ no ndo a wù kənyʉ̀ kətɨməkə chò fa wen a əbyɨmə a Yesò Klistò, nəkwoŋ ko be lu ndiʼ a wu ə tsen.

2 Kolìntyàns 11:2

Ghə̀ŋ ə̀ kɨ la ma shɨmtə ghə̀ŋ no nànto ndə̀ŋndəŋ to ando Nyìngòŋ ə shɨmtə. Mà sə diʼ mù ma fas li ə ku ghə̀ŋ a lɨm, a diʼ Yesò, kəŋ la kə ghə̀ŋ ne nkiʼ əmbyɨ no fa mpfen azhʉ̀ a ma kù ghə̀ŋ a wen.

Gàlesìyà 3:27

Nò ghə̀ŋ və tsèm a ghə̀ŋ nshi mu, ə tsèntə vye və Yesò ə sə diʼ mù ghə̀ŋ lyɨ li ntsìnə̀ wen.

Gàlesìyà 4:26

Sèla lyɨ kəshi kə Jelusalèm yì a ghə̀ diʼi akàŋ, ko ghə̀ diʼ kəkòs. Ghə̀ diʼ lì vəghəŋ.

Gàlesìyà 6:14

Alì fa mò, mà ko na kumə kədyʉ̀ʼ kumə tebè kənyʉ̀ kə tsen kə, a bwen to byìʼì kənyʉ̀ a Bobo vəghəŋ Yesò Klistò nè a mò a kəntò. A diʼ kənyʉ̀ kəwenkə a kə nè, fo ə mbyi ə sə diʼ to a mò to nə̀ əfo ə pfʉkəvə, no tèbe nkàyntə̀ mò diʼ to nə̀ kəfo kə pfʉkə kùmə̀ fo ə mbyi.

Efisyàns 5:32

Əziʼi ə kaynə ghə ə diʼ a kənyʉ̀ a ghèn a wìʼ zi ko ghə̀ lə kɨ. Alì, ənyʉ̀ venə a ma gaʼa akəshi ghèn diʼi byìʼì Klistò wenə ntsèntə̀ viʼi və byɨməvə,

Kəmwetə 1:20

Əvenə diʼ ənyʉ̀ lyomtəvə a və diʼì byìʼì mədzɨ̀ŋ mèn sòmbo a wù yenə à mo kəvu kəkwoŋ ə toghə bènə̀ əfo venə sòmbo a və tomtə̀ ə̀ nkàʼtə̀ tsu lə̀: Mədzɨ̀ŋ mèn sòmbo dìʼi ntsɨ̀ŋsə ngə̀ŋ Nyìngòŋ a aloʼ ntsèntə̀sə viʼi və byɨməvə yi sòmbo, ə̀fo venə sòmbo a və tomtə̀ ə̀ nkàʼtə̀ tsu diʼ aloʼ ntsèntə̀sə viʼi və byɨməvə yi sòmbo.”

Kəmwetə 11:19

Fa bàm ənyʉ̀ venə, əchʉ ngə̀ŋ ə̀ ghoʼo ə̀ Nyìngòŋ fa kàŋ ə bòʼmə̀, mà yen əkum ə məkàyn ə̀ Nyìngòŋ à wen ə ngə̀ŋ ə ghoʼo. Əghʉ sə̀ mwàntə̀ bwankə̀, fa kəshi ayì, gɨsə fʉ̀ fa tsu, nse nə̀ʼə̀, awoŋ bè shiʼi no à ghoʼo.

Kəmwetə 12:3

Kəchwitə kə kanəkə kətsenkə bè fʉ̀ a kàŋ, nyàm ə fàynsə ghoʼo tsen fʉ̀ kə̀ʼə̀ bàŋə̀baŋə, kiʼ ətʉ sòmbo nə̀ ndoŋsə wum. No kətʉ kə kò kə kiʼ ə̀sòʼ ə təfòyn.

Kəmwetə 15:1

Mà bè yèn kəchwitə kə ghoʼokə kə fànsəkə kətsenkə a kàŋ. Mà ə̀ nyen li ntsɨ̀ŋsə ngə̀ŋ ə̀ Nyìngòŋ la sòmbo, sə kiʼ ngəʼsə sòmbo, andiʼ ngəʼsə shì a sə dìʼì kəmyètə̀ kə tin ə fwi ə̀ Nyìngòŋ.

Kəmwetə 21:14

Ghə̀ ndiʼ mu və bwòm a kwi əkɨ ə ngə̀ŋ njʉ̀sə̀ bò, a diʼ no kəchɨ kə ngə̀ŋ kə kò mu və nyòʼò li zhiʼ ə wù ə ntɨm tsu, a diʼ viʼi vyi a və shyèʼ a We Njɨ̀.

Kəmwetə 21:23

Ntə̀ʼ na yì ko kəŋ tebè la chwìchwì kò sàŋ nə̀ baynə tsu byìʼì ando əbayn ə Nyìngòŋ nə̀ diʼ tsu, We Njɨ̀ ə be diʼ làm tsu.