Kəmwetə 11:17 - The New Testament in the Babanki language

¹⁷ gàʼà la, “Bobo ə Nyìngòŋ àdyoʼ ətsèm wù yì a wu diʼì luwèn, mu wù ə̀ ndìʼ yès ə ku kəzòŋ à wù ando wù ə diʼì li kədyòʼ kə ghoʼokə kì a wù ə kiʼi ə̀ nzìtə̀ sə soʼo viʼi.

Kəmwetə 11:17 ပူးပေါင်းရင်းမြစ်များ

Matìyò 11:25

A zhʉ ayì Yesò lù ə̀ jɨ̀m à Tìʼ wen la, “Tìʼ ghom, Bobo a wù soʼo kaŋ nə̀ nse, mà ku kəzòŋ à wù byìʼàndo wu lyomtə li nyʉ̀ venə fa viʼi vyì a vəwenə kwòʼtə la vəwenə tofə alì ə dìʼ à viʼi a və dìʼì anə̀ vunə və bwaʼvə.

Ŋwàʼlə̀ Luk 10:21

Tò a zhʉ ayì, kəzhwì kəŋwoʼəkə nè Yesò sə saŋlə mù jɨ̀m la,“Tìʼ ghom, Bobo yì a ghə̀ soʼo kaŋ bènə̀ nse, mà ku kəzòŋ à wù byìʼàndo wù lyomtəli nyʉ̀ venə fà viʼi a və kwòʼtə̀ la vəwenə tofə ə ndìʼ à ndzɨ̀ŋtə. Nəmwèʼè a Tìʼ, à tə kòŋ tò wù ənè alə̀.”

Joyn 11:41

Ghə̀ gàʼ ali, və mu lyisə ngùʼ ayì. Ghə̀ ki kuʼsə nə̀ kaŋə ə gàʼ la, “Ma ku kəzòŋ à wu a Tìʼ byìʼàndo wù nə̀ zhʉtə mò,

2 Kolìntyàns 2:14

Alì, ma ku kəzòŋ kə Nyìngòŋ. Ghə̀ tisə yès to məzhʉ̀ ə tsèm, yès ə ndzɨ̀mtə̀ fa bàm ə Yesò zhɨ no gho na yì a yes ə nè. Ghə̀ ne yès ə gətə ntɨm ə Yesò, viʼi kɨ wen, ntɨm ayi saykə dyʉ̀ to shì ə tsèm to nə̀ kəlemtəkə kələŋkə.

2 Kolìntyàns 9:15

Kəzòŋ kə Nyìngòŋ byìʼì Wàyn wen yì a ghə̀ nku a vəghəŋ. A diʼ kəku kə kaynə kə.

1 Timotì 1:12

Mà ku kəzòŋ à Bobo vəghəŋ Yesò Klistò ando ghə̀ ku kədyòʼ la mà ə nè shwèʼ a ghenə, bè choʼsə mò, mbe tsuʼ mò la ma nshwèʼè a wen.

Kəmwetə 1:4

A tɨmə mò ə Joyn tɨmə̀ toŋtə à ghə̀ŋ ə ntsèntə̀sə viʼi və byɨməvə vi sòmbo a mbʉ̀ʼ Asìyà. Boŋə tyɨm bènə̀ mbwaʼmə̀ a ndiʼ à ghə̀ŋ fà Nyìngòŋ yì a ghə̀ diʼ, mu ghə̀ ndìʼ, be diʼ əlù ndiʼ, bènə̀ mbwaʼmə̀ à ghə̀ŋ fà əzhwi vi ə sòmbo a və diʼ a mbì kəfòyn kə̀ Nyìngòŋ.

Kəmwetə 1:8

Bobo Nyìngòŋ ə Tìʼ àdyoʼ ə̀ tsèm yì a ghə̀ ə̀ ndìʼ, diʼ be diʼ ə lu ndiʼ gàʼ la, “Mà dìʼ ə mbì be diʼ əbam.”

Kəmwetə 11:15

Ntsɨ̀ŋ ngə̀ŋ ə̀ Nyìngòŋ tsen bè tòŋ ə̀soŋ ə wen à ə̀ ndiʼ ntsɨ̀ŋsə sòmbo a sə toŋ li. Mà zhʉ gɨsə sə̀ tosə fa kàŋ sə gàʼà la, “Bobo vəghəŋ wenə̀ Klistò kìʼ kədyòʼ ə nsoʼo mbi luwèn, be diʼ ne ə nsoʼo tò soʼo no mətsi ntsèm.”

Kəmwetə 15:3

Vəwenə nzhɨmə ndzàŋ ə̀ Mosìs ə wù shyèʼ ə̀ Nyìngòŋ nə̀ ndzàŋ wàyn bi ənjɨ̀ a ghə̀ ə̀ ngàʼà la: “Bobo Nyìngòŋ, Tìʼ àdyoʼ ə̀ tsèm. Wù nè ənyʉ̀ ghoʼkəvə kanəvə! Wù dìʼ fòyn a təloʼ tò tətsèm. Jisə shyə̀sə diʼ jisə sə̀ tɨməsə be diʼ jisə nəmwèʼè!

Kəmwetə 16:14

Əzhwi byɨvə avenə ndìʼ vədeblə̀ a və̀ njèʼè dìʼì əchwitə kanəvə. Əzhwi a vyi ə̀ njèʼè dyʉ̀ no à təfòyn tə tsèm a mbi ə tsèntə vəwenə a kəshi kə mùʼ ə vəwenə baʼtə̀ soyn a kətsi kə ghoʼokə Nyìngòŋ ə Tìʼ àdyoʼ ə̀ tsèm.

Kəmwetə 16:5

Mà zhʉ ntsɨ̀ŋ ngə̀ŋ ə̀ Nyìngòŋ a ghə̀ kiʼì kədyòʼ a ə̀mu gàʼ la, “Wù soʼ li nsoʼsə shyə̀sə ntinə a ji tɨmə, A dìʼ wù yì a wu diʼì, mu wù tə ndiʼ à be diʼ tò wù a wù ə diʼì wu ŋwoʼə.

Kəmwetə 16:7

Mà bè zhʉ ando gɨ̀ ə dì fʉ vì fa əshyə kəchiʼ kə kəku la, “No nəmwèʼè, a Bobo Nyìngòŋ ə̀ Tìʼ àdyoʼ ə̀ tsèm, wù soʼo nsoʼsə shyə̀sə tò nəmwèʼè, be soʼo tò a ji ə tɨmə!”

Kəmwetə 18:8

Kə lè dìʼì la ngəʼsə wen asènsə lu kwe wen tò kətsi kə mùʼ. Təkwaʼa tə byɨtə nə̀ ə kwòʼə mbi nə̀ əjɨ̀ŋ ə fànsə lu tsèntə̀ ə vì à wen tò ghayn ə̀ mùʼ. Və lu nyùʼ wen nə̀ əzhiʼ byìʼàndo Bobo Nyìngòŋ a ghə̀ ə soʼo wen kìʼ kədyòʼ no kə ghoʼo.”

Kəmwetə 19:11

Mà sə kɨ̀blə̀ yen ando əkaŋ ə boʼmə̀, əlyəŋ ə fəfə ghə̀ tsenghə tɨmə à mò a shɨ. Əzhiʼ wìʼ a ghə̀ ə̀ ŋwʉʼ à yi kwì ə̀ ndìʼ, “Wu jùŋ yì a diʼì nəmwèʼè a ndiʼ Yesò Klistò.” Ghə̀ soʼo to ji tɨmə soynə viʼi kəbàyn ə wen.

Kəmwetə 19:6

Mà bè zhʉ ando kəfo kə kù tò sə à kù ə gɨsə nòyn ə viʼi, kù to nə̀ təfwan tə a mù, ko to sə à bwankə̀ əghʉ ghoʼghə gàʼà la, “Vəghəŋ ghoʼsə Nyìngòŋ vəghəŋ! Ghə̀ dìʼ Bobo Nyìngòŋ a ghə̀ ə kìʼ àdyoʼ ətsèm soʼo vəghəŋ.