Kəmwetə 11:13 - The New Testament in the Babanki language

¹³ Nse shen no mwèʼè mwèʼè, tò a zhʉ ayì ə̀ bə̀ytə̀ əshyə ntə̀ʼ muʼ fa tì təshyə wum ə̀ zhwilə viʼi nkamsə sòmbo. Əfàyn ə vì a tətyɨm ə̀ viʼi vyi a və mfaŋə̀ tsu lì no nànto vəwenə mù sə ku əghoʼsə à Nyìngòŋ yì a ghə̀ diʼì a kàŋ.

Kəmwetə 11:13 ပူးပေါင်းရင်းမြစ်များ

Joyn 9:24

Vəwenə na be nkumtə dzàŋ wen ə gàʼ a wen la, “Kàynə li zhiʼ ə Nyìngòŋ la wù gàʼa to nəmwèʼè. Yès ə kɨ la wìʼ ghèn diʼ wu nyʉ̀ ə byɨvə.”

Shwèʼ 1:15

Mətsi chò tò nshə̀ʼ alə̀, viʼi və byɨməvə ə zaʼa ghɨ nə̀ məwum mbò be sə ŋwʉʼ tò kəshi kə mùʼ, Bità lù tɨmə əgàʼ à vəwenə ə̀ gàʼ la,

Kəmwetə 11:11

Alì à sə ndiʼ a bàm ə mətsi ayì ntaʼ nə̀ kəbyəʼkə Nyìngòŋ ku kəzhwì kì a kə nè viʼi tsi à vəwenə, kə nè vəwenə lùkə̀ ə̀ tɨ̀mə à vəwenə afwen, viʼi vyi a və̀ nyenə vəwenə sə̀ fànə̀ no nànto.

Kəmwetə 11:19

Fa bàm ənyʉ̀ venə, əchʉ ngə̀ŋ ə̀ ghoʼo ə̀ Nyìngòŋ fa kàŋ ə bòʼmə̀, mà yen əkum ə məkàyn ə̀ Nyìngòŋ à wen ə ngə̀ŋ ə ghoʼo. Əghʉ sə̀ mwàntə̀ bwankə̀, fa kəshi ayì, gɨsə fʉ̀ fa tsu, nse nə̀ʼə̀, awoŋ bè shiʼi no à ghoʼo.

Kəmwetə 14:7

Ntsɨ̀ŋ ngə̀ŋ ə̀ Nyìngòŋ ayì ə̀ nzɨmə̀ gàʼà no a gɨ̀ to la, “Ghə̀ŋ ə̀ nghoʼsə̀ Nyìngòŋ byìʼe əzhʉ kwʉʼ li ə ghə̀ soʼ viʼi. Ghə̀ŋ ghoʼsə̀ wen yì a ghə̀ ə̀ nshɨ̀tə̀ kaŋ nə̀ nse nə̀ ə̀mu mə ghoʼomə̀ bènə̀ ashɨ a mu nfʉ fa tsu.”

Kəmwetə 15:4

Tìʼ, a lè à faŋ ndo ke mfànə̀ be ghoʼsə̀ əzhiʼ ə̀ wu a? Adìʼ tò wunyɨŋ diʼ wu ŋwòʼə. Viʼi təloʼ tə tsèm ə lù vi ghoʼsə̀ wù byìʼàndo viʼi vətsèm ə yen li a ndayn la əshyèʼ wu diʼ əshwèʼ ə tɨməghə.”

Kəmwetə 19:7

Vəghəŋ ə nsaŋlə̀, kuʼsə̀ Klistò be ghoʼsə̀ wen byìʼàndo əzhʉ kwʉʼ li ə wàyn bi ənjɨ̀ lam. Wì wen a diʼ ntsèntə̀sə diʼ mu ghə̀ shɨtə̀ li ə̀wen ə wen.

Kəmwetə 3:4

Alì viʼi vətsenvə bù dìʼ tò və tyetə a Saldìs a vəwenə ghʉ ə̀ ndisə vəwenə sə̀ laynə. Vəwenə lu mòʼ ə ndisə fəfəsə yo vəwenə njèʼè a muʼu byìʼàndo vəwenə layn li ə nkwʉʼ.

Kəmwetə 6:12

A ə̀ ndìʼ ando ghə̀ ə̀ mbə̀ytə̀ mɨ̀ŋ ə tsen ə və ndiʼ ə̀ ntʉfə, mà sə ki ə̀ yèn ando pfèn ə fànsə shenə ə̀ bè yèn ando chʉzhʉ ə kaʼkə̀ sə fenə to nə̀ fənchì fə di əpfʉ, sàŋ bè kaʼkə sə bàŋə̀ to nə̀ mənlyuŋ,

Kəmwetə 8:5

Ntsɨ̀ŋ ngə̀ŋ ə̀ Nyìngòŋ ayì mù lyɨ̀ kəkaŋ kə kələŋ kì ə̀ tsə̀f ə zhiʼ fa kəchiʼ kə kəku ə̀ lwinsə tsu ə̀ mòʼ shìʼsə a nse no a zhʉ̀ kò əghʉ sə̀ mwàntə̀, bwankə̀, gɨsə gàʼà, ə̀ nse be tsɨŋtə̀ bə̀ykə̀.