Kəmwetə 11:1 - The New Testament in the Babanki language

¹ Və mù ku mbàŋ shəʼ ə̀fo à mò ə̀ gàʼ à mò la, “Lu ə̀ shyə̀ʼ ngə̀ŋ Nyìngòŋ ə ghoʼo nə̀ kəchiʼ kə kəku bè tàŋ viʼi a və ghoʼsə̀ Nyìngòŋ tsu,

Kəmwetə 11:1 ပူးပေါင်းရင်းမြစ်များ

2 Kolìntyàns 6:16

Ngə̀ŋ Nyìngòŋ ə ko kiʼi kənyʉ̀ ə nè wenə nshəʼsə. Ghə̀ŋ kɨli la vəghəŋ diʼ tò nə̀ ngə̀ŋ Nyìngòŋ yi a ghə̀ tsi, to ndə̀ŋndəŋ ando ghə̀ ngàʼa li la: “Mà ne ntsi a vəwenə a ntìntìn, diʼ yo vəwenə; Mà na diʼ Nyìngòŋ ə vəwenə, vəwenə diʼ viʼi vwomə.”

1 Bità 2:5

Ghə̀ŋ be boŋsə diʼ to nə̀ nguʼsə a sə tsi. Kə le diʼi la və diʼ ə lyɨ̀ ghə̀ŋ ə bwòm ngə̀ŋ Nyìngòŋ tsu, la ghə̀ŋ ə diʼ vəpfèm ngə̀ŋ Nyìngòŋ və laynəvə, ku kəku kə kəzhwì a Nyìngòŋ a kə kʉʼʉ, chò fa a Yesò Klistò.

1 Bità 2:9

Alì, fa ghə̀ŋ, ghə̀ŋ diʼ viʼi a Nyìngòŋ ə tsuʼ li. Ghə̀ŋ diʼi a nə̀ vəpfèm və ngə̀ŋ Nyìngòŋ, shyèʼè a fòyn. Ghə̀ŋ diʼ viʼi və laynəvə mu Nyìngòŋ ə lyɨ̀ li ghə̀ŋ a viʼi wen ndiʼ ghə̀ŋ ə shə̀ʼtə̀ nyʉ̀ ə kaynəvə vi a ghə̀ nè. Ghə̀ dzàŋə li ə shisə ghə̀ŋ fa a ntìntìn kəbəŋ kəfenəkə ə kwensə ghə̀ŋ a ntìntìn əbayn ə kaynəghə ə wen.

Kəmwetə 10:11

Ntsɨ̀ŋ ngə̀ŋ ə̀ Nyìngòŋ bè gàʼ à mò la mà diʼi ə shə̀ʼtə̀ ətɨm ə̀ Nyìngòŋ à viʼi no vəghoʼo, nə̀ a təloʼ no tə ghoʼo, nə̀ à viʼi a və gàʼà təgàʼ no təghoʼo bènə̀ à təfòyn no tə ghoʼo.

Kəmwetə 21:15

Ntsɨŋ Nyìngòŋ yì a ghə̀ nə̀ gaʼa a mò nə̀ kiʼi fɨ̀mbàŋ fifə və shəʼə əfo tsu mu və shɨtə nə̀ gul. Ghə̀ nə̀ diʼ ə shəʼ ə ntə̀ʼ ayi nə̀ əchʉ yi ə nə̀ mbàyn ntə̀ʼ na yì nə̀ fɨ̀mbàŋ a fenfə.