Kəmwetə 10:5 - The New Testament in the Babanki language

⁵ Fà yi bàm, mà yen ando ntsɨ̀ŋ ngə̀ŋ ə̀ Nyìngòŋ yì a mà yì yen ghə̀ ti a mu be ti a nse ə kuʼsə̀ kəvu kəkwoŋ ə toghə wen a kàŋ

Kəmwetə 10:5 ပူးပေါင်းရင်းမြစ်များ

Shwèʼ 14:15

“Viʼi ndoŋsə yès, ghə̀ŋ ə nè ghò lə̀? Yès dìʼ viʼi tò nə̀ ghə̀ŋ. Yès ə vì nə̀ ntɨm ə jùŋ à ghə̀ŋ ənè la ghə̀ŋ ghʉsə vənyìngòŋ və ndzɨ̀ŋsə venə ə̀ bwènə̀ vì à Nyìngòŋ a ghə̀ faŋə̀ to ghan ə̀ mùʼ, àdìʼ Nyìngòŋ ghèn a ghə̀ bwomə kàŋ wenə̀ nse, nə̀ mu mə nghoʼo mə̀, bènə̀ no ghò a ghə̀ diʼì a shi avenə.

Shwèʼ 17:23

byìʼàndo mà sə njèʼè kaʼa fa ntə̀ʼ ashə̀ ə̀ yen shi a ghə̀ŋ ghoʼsə vənyìngòŋ a vi tsu no ghoʼo. Ma be yèn kəshi kə kəku kətsen mu və nyòʼ li tsu la, ‘kèn dìʼ à Nyìngòŋ tsen a wìʼ ko kɨ.’ Nyìngòŋ aghèn a ghə̀ŋ gumlə̀ a ghə̀ŋ, ko kɨ̀ tè kɨ lə̀ dìʼ Nyìngòŋ yì a no nkàntə̀ mò shə̀ʼtə̀ nyʉ̀ venə luwèn byìʼì wen.

Lumans 1:20

Viʼi sə diʼ mù və yen li la kədyòʼ kə ə Nyìngòŋ kə zizi ko lu ə mè, be yen la ghə̀ diʼ to no Nyìngòŋ nəmwèʼè fa chʉʼ a ghə̀ ə nshɨtə mbi. Na venə ə diʼ nyʉ̀, a və ko yenə nə̀ ashɨ, ali kɨ byìʼì əfo vi a ghə̀ shɨtə li. A lə kənyʉ̀ ki a wìʼ zizi ko ghə̀ lu be taŋ laynə fa nsòʼ ando ghə̀ gàʼ la yi ə ko ə kɨ kənyʉ̀ kùm Nyìngòŋ.

Hibùlù 6:13

A ndiʼ to ando Nyìngòŋ ə ghʉ̀ kənyʉ̀ a Ablaham, ghə̀ bwensə kàyn to əzhiʼ wen la ghə̀ lu ne kənyʉ̀ a kì byìʼì ando wìʼ ətsen nko be ndiʼ a ghə̀ chò wenə Nyìngòŋ.

Kəmwetə 1:18

be diʼ ə̀ wen yì a ghə̀ diʼi to (tsi). Mà ə mpfʉ li ə̀ bè lù fa pfʉ sə diʼ to ə zaʼa no fa ze. Mà kiʼi àdyoʼ a kətʉ ə pfʉ be a aloʼ viʼi və pfʉkəvə.

Kəmwetə 10:2

Ghə̀ ə̀ nkìʼ fəbʉʼ fə ŋwàʼlə̀ ə lemtə à wen kəvu mu və bòʼò li. Ghə̀ tom kəghʉ kəkwoŋ ə toghə wen a ə̀mu mə nghoʼomə̀ ə̀ tòm kəghʉ kəkwoŋ ə nənkwè a nse.

Kəmwetə 14:7

Ntsɨ̀ŋ ngə̀ŋ ə̀ Nyìngòŋ ayì ə̀ nzɨmə̀ gàʼà no a gɨ̀ to la, “Ghə̀ŋ ə̀ nghoʼsə̀ Nyìngòŋ byìʼe əzhʉ kwʉʼ li ə ghə̀ soʼ viʼi. Ghə̀ŋ ghoʼsə̀ wen yì a ghə̀ ə̀ nshɨ̀tə̀ kaŋ nə̀ nse nə̀ ə̀mu mə ghoʼomə̀ bènə̀ ashɨ a mu nfʉ fa tsu.”

Kəmwetə 16:17

Ntsɨ̀ŋ ngə̀ŋ ə̀ Nyìngòŋ tsen ə sə ndiʼ sòmbo, bè fʉ̀ ə̀ chès kəkaŋ kə wen a kàŋ, mà zhʉ əgɨ̀ to gàʼ ə̀ fʉ̀ fa kəfwoyn a tì ngə̀ŋ ə̀ Nyìngòŋ ə ghoʼo la, “Ənyʉ̀ tsèm ə me li!”

Kəmwetə 4:11

“Bobo ə Nyìngòŋ ə̀ yes, wù kwʉʼ li ə və əghoʼsə nə̀ gumlə be bwomsə̀ wù a kədyòʼ a wu kiʼì, byìʼàndo wù ə̀ nshɨtə fò tsèm ə̀ bè ə̀ nè la və ndiʼ ə̀ to.”

Kəmwetə 4:9

Ə̀fo zhwisəvə avenə nzhɨmə ndzàŋsə ku əghoʼsə, nə̀ gumlə bènə̀ kəzòŋ à wìʼ yì a ghə̀ ŋwʉʼ a kəfwoyn yì, ə̀wen yì a ghə̀ diʼì no məzhʉ ə̀ ntsèm.