Kəmwetə 10:1 - The New Testament in the Babanki language

¹ Kənyʉ̀ kə bè fʉ̀ à mò a əkə̀ʼ a nə̀ jòm, mà yen ntsɨ̀ŋ ngə̀ŋ ə̀ Nyìngòŋ ghoʼo ə tsen ghə̀ shiʼi vì fa kàŋ mu mbòʼsə lem li wen, kəmpfembiʼ kə diʼ à wen kətʉ, əkə̀ʼ ə we baynə tò nə̀ chʉzhʉ, afwen ə wen be diʼ tò nə̀ əlwàŋ əzhiʼ.

Kəmwetə 10:1 ပူးပေါင်းရင်းမြစ်များ

Matìyò 17:2

Vəwenə nè kuʼ zaʼa tsu kə̀ʼ ə Yesò bvʉ̀tə̀ kwìtə sə̀ baynə to nə̀ chʉzhʉ. Ndisə wen sə kaʼsə sə̀ fəfə alə̀ ŋwàŋtə̀.

Ŋwàʼlə̀ Luk 21:27

A bàm a tsu vəwenə yen wàyn wìʼ ghə̀ shiʼi a tyì mbòʼ kiʼ kədyòʼ nə̀ bayn ghoʼ ghə̀.

Shwèʼ 26:13

mà nè fʉ̀ zaʼa a ji a ntìntìn nə̀nchwì, a mbe, bàyn tsenghə fʉ̀ fa kàŋ to chò chʉzhʉ ə bayn a kəshi yì a mò yo viʼi a və njèʼè fà mò a bàm ə̀ ndìʼ tsu.

Kəmwetə 1:7

Ghə̀ŋ yen a! ghə̀ yì a ghə̀ vì a tì mbòʼsə. No viʼi vətsèm lu yen ə wen ə boʼsə nə̀ viʼi vyi a və nsù wen nə̀ ghoŋə lì. No viʼi vətsèm a kwi nse lu dì byìʼì wen. A dìʼ ə jì a kə lu ndiʼ.

Kəmwetə 18:1

Andìʼ ando ənyʉ̀ venə̀ ncho, mà yen ntsɨ̀ŋ ngə̀ŋ ə̀ Nyìngòŋ tsen ghə̀ shiʼi vì fa kàŋ. Ghə̀ ə̀ nkìʼ kədyòʼ nə̀ ə̀soʼ ghoʼoghə, əbayn ə wen ə chiʼtə nse no tsèm.

Kəmwetə 18:21

Ntsɨ̀ŋ ngə̀ŋ ə̀ Nyìngòŋ ghoʼo tsen mù lyɨ̀ ə ngùʼ ghoʼo tsen ə̀ tem a tì ə̀mu ə̀ gàʼ la, “A lè ando və lu lyɨ̀ Babilòyn ə ntə̀ʼ ə ghoʼo ghèn ə tem ə shiʼsə no nə̀ kədyoʼkə kèn la və be lu yenə wen.

Kəmwetə 20:1

Fa bàm ənyʉ̀ venə, mà yen ntsɨ̀ŋ ngə̀ŋ ə̀ Nyìngòŋ tsen ghə̀ shiʼì vì fa kàŋ. Ghə̀ ə̀ nkìʼ kənzàs kə nkwòŋ yì a ghə̀ ə shwemə shiʼi dyʉ̀ tò dyʉ̀ lì be kiʼ mfɨŋ ghoʼo à wen kəvu.

Kəmwetə 4:3

əkə̀ʼ ə wìʼ ayì so to nə̀ ngùʼ jaspa nə̀ ngùʼ kaneyan. Kəmpfembiʼ kə ndiʼ mu kə nyɨŋ li ə̀ kaʼ kəfwoyn a kì, be so to nə̀ ngùʼ emelald.

Kəmwetə 5:2

Mà yen ə ntsɨ̀ŋ ə̀ ngə̀ŋ Nyìngòŋ ə ghoʼo tsen ghə̀ kiʼ àdyoʼ no ghoʼo, ghə̀ zɨmə̀ gàʼà la, “A kwʉ̀ʼ ndò ə me əbə̀ytə mɨ̀ŋ ghèn ə bòʼ ŋwàʼlə̀ ghèn a?”

Kəmwetə 8:13

Mà mù sə ki ə̀ yèn bole ghə̀ tànə̀ chò fa kàŋ dì no a gɨ̀ to gàʼà la, “Ndòyn, ndòyn, ndòyn dìʼ à viʼi vyi a və diʼì a nse a zhʉ a təsoŋ tə gàʼà a ntsɨ̀ŋsə sènsə sətaʼ sə̀ diʼ a mətoŋ lə̀.”