Kəmwetə 1:2 - The New Testament in the Babanki language

² Joyn ə nshə̀ʼtə̀ li ənyʉ̀ no tsèm ando ghə̀ ə̀ yenə. Ghə̀ nə̀ diʼ əgàʼ ə wen ə kùm ə ntɨm yì fà Nyìngòŋ bènə̀ nəmwèʼè yì a Yesò Klistò ndìʼi à wen a ndayn.

Kəmwetə 1:2 ပူးပေါင်းရင်းမြစ်များ

Joyn 1:32

Joyn mu gaʼa la, “Ma tə yen to ando kəzhwì kə Ŋwoʼkə shiʼi vi fa kàŋ to nə̀ kəlàto kə, ə vi nyʉ̀ʼmə faŋ a wen a kətʉ.

Joyn 12:17

A ndiʼ ali, mu nòynə ə viʼi vyi a və ndiʼ wenə vəwenə faŋ li sə shə̀ʼtə̀ dyʉ̀ a viʼi la ghə̀ tə dyʉ̀ dzàŋ Lazalùs achʉ̀ əsè, ghə̀ lù fa pfʉ.

Joyn 19:35

Kənyʉ̀ kènkə shə̀ʼtə wìʼ ə yi a ghə̀ yen ando kə nfʉ. Ghə̀ kɨ la ghə̀ gàʼa to nəmwèʼè, shə̀ʼtə̀ nyʉ̀ na venə ndi wù zhʉ̀ ə boŋ byɨmə.

Joyn 21:24

Ndzɨ̀mtə̀ əbam ə Yesò na ghèn diʼ yi a ghə̀ shə̀ʼtə̀ nyʉ̀ na venə, a diʼ to wen yi a ghə̀ nyoʼ nyʉ̀ a vyi. Yès ə kɨ la kənyʉ̀ a ghə̀ gàʼà diʼ to nəmwèʼè.

Joyn 3:11

Ma gaʼa a wù no nəmwèʼè la, yès ə gàʼ nyʉ̀ kɨ, mu yès yen li, ali ko ghə̀ŋ byɨmə ə gàʼà ə yesə,

Shwèʼ 22:15

byìʼ ando wù a nti a nə̀ wuyenə à wen, be nshə̀ʼtə̀ nyʉ̀ vyi a wù zhʉ li be nyen fa wu a ngə̀ŋ à viʼi vətsèm.

Shwèʼ 26:16

Lù tɨmə a kàŋ. Mà fʉ̀ à wù a kə̀ʼ ə tsuʼ wù a nə̀ wù shyèʼ mò. Wù ne nti a nə̀ wu yenə à mò byìʼì nyʉ̀ venə a wù yenə lan bènə̀ tsenəvə a mà ne dìʼ à wù.

Shwèʼ 4:20

Yès zì ko yès lu faŋ ke gàʼ tò kənyʉ̀ kì a yès ə nyenə be zhʉ.”

1 Kolìntyàns 1:6

Kənyʉ̀ ki a ghə̀ŋ zhʉ̀ kumə Yesò kiʼi li aghaŋ ghə̀ nto a ghə̀ŋ a ntìntìn

1 Kolìntyàns 2:1

A ndiʼ to ando mà nvi ə yen ghə̀ŋ a vəlemə vwomə ə shə̀ʼtə̀ kənyʉ̀ kì a kə diʼ nəmwèʼè kumə Nyìngòŋ, ma nko ngàʼà ə gàʼà ə jùŋə ghə̀, ko andiʼ la ma ngàʼà tebè to nə̀ wù ə ŋwàʼlə̀.

1 Joyn 1:1

Yès ə nyòʼò à ghə̀ŋ bìʼì ə̀ ntɨm yì a ghə̀ ku əbwòŋ. Ə ntɨm a ghèn ə ndìʼ fa kənzìtə. Yès ə nzhʉ li, ə yèn nə̀ ashɨ a yes sə, ə bè lye əkùmsə̀ nə̀ avu à yes sə.

1 Joyn 4:14

Vəghəŋ ə yen li be sə shə̀ʼtə̀ à viʼi vətsenvə la Tìʼ ə ntɨm li wàyn wen a nə̀ mbwòŋsə̀ viʼi mbyi.

3 Joyn 1:12

Viʼi vətsèm ə gàʼà njùŋ byìʼì Demetyòs, nkàntə̀ nəmwèʼè be diʼi njùŋ a wen a ntsìnə̀, mà be gàʼà, wù kɨ la kənyʉ̀ a mà gàʼà byìʼì wen dìʼ nəmwèʼè.

Kəmwetə 1:11

ə gaʼa la, “Nyòʼo ənyʉ̀ venə a wù yenə lə̀ a tì ŋwàʼlə̀ ə̀ tɨ̀m à ntsèntə̀sə viʼi və byɨməvə shì sòmbo: tɨm a Efesùs, ne Smylna, nə̀ Belgamum, a Tatiliyà, nə̀ Saldìs, nə̀ Fìlàdefìyà bènə̀ a Ladesiyà.”

Kəmwetə 1:19

Luwèn, nyòʼo ənyʉ̀ a wù yenə, ə̀vi a və fʉ̀ luwèn bènə̀ vi a və ne ə mfʉ̀ ə zìtə̀ fa luwèn.

Kəmwetə 1:9

Mà dìʼ Joyn ə lèmə̀ ghə̀ŋ. Vəghəŋ ə viʼi və byɨməvə à Yesò ə tsèntə̀ yenə ngəʼ alì ghaʼa ətyɨm, kə̀ʼtə̀ ə lu ndiʼ a kəshi kə fòyn ə Nyìngòŋ. Və nghʉ̀ mo a fəŋ ə̀ Batmòs byìʼàndo mà ə̀ nshə̀ʼtə̀ ntɨm ə̀ Nyìngòŋ be shə̀ʼtə̀ ənyʉ̀ nəmwèʼè vi a Yesò ə̀ ndiʼi a ndayn.

Kəmwetə 12:11

Vəlèmə̀ avenə soyn li ə̀ nzhɨ wen byìʼ mənlyuŋ mə wàyn bi njɨ̀ nəmwèʼè yì a vəwenə tə̀ nshə̀ʼtə̀ bè kòŋə̀ əku təwen tə vəwenə pfʉ byìʼ wen.

Kəmwetə 12:17

Nyàm ə fànsə ayì fwisə tin à wùwì yì ə̀ lù ə̀ dyʉ̀ əzìtə̀ əghoŋ à viʼi ngwàʼa ngə̀ŋ wùwì ayì, andiʼ viʼi vətsèm vi a və ghʉ təsoʼ tə Nyìngòŋ be shə̀ʼtə̀ ənyʉ̀ a Yesò ə̀ ndiʼi a ndayn.

Kəmwetə 20:4

Fà yi bàm, mà yen Əfwoyn, bè nə̀ Viʼi a və̀ ŋwʉʼ a Əfwoyn avenə, ndìʼ mu və ku li kədyòʼ à vəwenə la vəwenə nsoʼo viʼi vətsenvə. Mà bè yèn əzhwi ə viʼi vyi a və tin tə tʉ vəwenə byìʼàndo vəwenə nshə̀ʼtə̀ əgàʼ ə Nyìngòŋ be dìʼì nəmwèʼè yì a Yesò ə̀ ndìʼsə̀. A ə̀ ndìʼ viʼi a və̀ ntyenə la vəwenə ko a ə̀ nghoʼsə̀ nyàm ətoʼ yì ko kənshyə̀ʼsə̀ kə wen kì ə̀ mù sə̀ diʼ kènla vəwenə shi li kəchwitə kə nyàm ətoʼ kì à vəwenə təchʉ̀ tətʉ ko à vəwenə a kwoŋ. Vəwenə bwènsə̀ lù fa pfʉ ə̀ sə̀ soʼo wenə̀ və Klistò a ngʉ̀ʼsə nkam.

Kəmwetə 22:21

Bobo Yesò ndiʼi ətɨm ə jùŋə ghə̀ nə̀ wen a viʼi Nyìngòŋ və tsèm. Amèyn.

Kəmwetə 6:9

Wàyn bi ənjɨ̀ bè bə̀ytə̀ mɨ̀ŋ tsen ə və ndiʼ vətàyn, mà yen ə̀ zhwì ə viʼi vyi a və̀ nzhwilə̀ byìʼàndo vəwenə nshə̀ʼtə̀ kənyʉ̀ kə Nyìngòŋ be ti a nə̀ viʼi və yenəvə a kənyʉ̀ ə̀ Nyìngòŋ. Vəwenə ndìʼ ati kəchiʼ kə kəku.