Kəmwetə 1:18 - The New Testament in the Babanki language

¹⁸ be diʼ ə̀ wen yì a ghə̀ diʼi to (tsi). Mà ə mpfʉ li ə̀ bè lù fa pfʉ sə diʼ to ə zaʼa no fa ze. Mà kiʼi àdyoʼ a kətʉ ə pfʉ be a aloʼ viʼi və pfʉkəvə.

Kəmwetə 1:18 ပူးပေါင်းရင်းမြစ်များ

Matìyò 11:23

A ghə̀ŋ viʼi Kabanùm, ghə̀ŋ ə kwòʼtə̀ la Nyìngòŋ lu kuʼsə ghə̀ŋ, ə ghə̀ŋ kuʼ zaʼa a kàŋ mu? Kə ko diʼ a lì. Ghə̀ lu mòʼ ghə̀ŋ a sem zhìʼ byɨghə. A tu ndiʼ la nyʉ̀ kaynə venə a mà nè à ghə̀ŋ lə, la mà ə nè à viʼi ntə̀ʼ Sodòm, mu vəwenə bù dìʼ əzaʼa fa layn.

Matìyò 16:19

Ma ku nzàs kə soʼo fòyn Nyìngòŋ à wù. No ghò a wù byɨmə a kwi nse mu Nyìngòŋ a byɨmə a kàŋ, wù be tyen no ghò a kwi nse mu Nyìngòŋ be a tyen a kàŋ.”

Ŋwàʼlə̀ Luk 24:5

Ki vyì sə fwaynə mu shisə tʉ vəwenə a nsè, ali lʉmə a vyi bèm a vəwenə la “Byiʼi ghò a ghə̀ŋ kəŋ wìʼ a ghə̀ diʼ to fa ti viʼi vəpfʉkəvə a?

Joyn 11:25

Yesò ə gàʼ a wen la, “A lusə mò lusə viʼi fa pfʉ̀, ku kədyòʼ la və tsi. A byɨmə no ndò a mò, pfʉ tèbe pfʉ, ghə̀ ne bwensə lù ntsi.

Joyn 14:19

A laʼtə to lə, ko viʼi mbyi be yen mo, ali ghə̀ŋ yenə. Byìʼàndo ma tsi, ghə̀ŋ be boŋ tsi.

Lumans 6:9

Vəghəŋ ə kɨ la pfʉ ə ko be kiʼi kədyòʼ a kətʉ ə Yesò. Ghə̀ mpfʉ li, Nyìngòŋ ə lùsə wen fa pfʉ, ko ghə̀ ə be diʼ lu pfʉ.

2 Kolìntyàns 13:4

Kə diʼ nəmwèʼè la ghə̀ ko kiʼ tebè kədyòʼ azhʉ̀ a və mbàyntə wen a kəntò ali, ə bwensə lu sə tsi byìʼì kədyòʼ kə Nyìngòŋ. Kə le diʼi la à diʼ ə ntsìnə̀ yi a yès ə̀ tsì və ghə̀ŋ, yès gho kədyòʼ to nə̀ wen ali be boŋ tsi to tsi byìʼì kədyòʼ kì a Nyìngòŋ ə nkù li a wen.

Gàlesìyà 2:20

Və bayntə li mò a kəntò yo Klistò. Mà sə diʼ luwen, ko ma be tsi fa mo a ngeŋ, à sə tsi Yesò a mò tyɨm. Ə ntsìnə̀ yì a ma tsi luwen diʼ byìʼì əbyɨmə yì a ma kiʼi a Wàyn Nyìngòŋ yi a ghə̀ nkòŋ mo ə pfʉ byìʼì mò.

Kòlòsyàns 3:3

byìʼì ando ghə̀ŋ sə diʼ mù ghə̀ŋ pfʉ li, və lyomtə ə ntsìnə̀ ghə̀ŋ vye və Yesò yi a ghə̀ diʼi wenə Nyìngòŋ amuʼ.

Hibùlù 1:3

Wàyn wen na ghèn ə baynə, diʼi əghoʼ ə kaynə ghə̀ Nyìngòŋ, fɨsə Nyìngòŋ to nyʉ̀ ə tsèm. Əgàʼ ə wenə ə kiʼi kədyòʼ, ghə̀ ghaʼa mbyi ghèn no tsèm nə̀ wenə ghə̀. Ghə̀ ə mpfʉ li ə shʉ lyisə mbyɨsə viʼi ə bwensə kuʼ nyʉ̀ʼmə a kwoŋ ə toghə Nyìngòŋ yi a ghə̀ kiʼi kədyòʼ to akwi əfo ə tsèm.

Hibùlù 12:2

Vəghəŋ tom a shɨ ə vəghəŋ to wen Yesò. A diʼi wen a ghə̀ bʉ̀ʼ ji əbyɨmə ə vəghəŋ, a be diʼ to wen a ghə̀ tisə əbyɨmə na yi dyʉ̀ zàʼa a kəmwètə. Ghə̀ mbyɨmə li ə pfʉ a kəntò kò kətʉ kə wen ndiʼi byìʼì nki pfʉ na ghèn byìʼì ando ghə̀ nkɨ li la à na diʼ fa yi bàm, a ghə̀ nsaŋlə̀. Ghə̀ diʼ luwen, nyʉ̀ʼ a kwoŋ ə toghə a benə kəkɨ kə təfòyn yi a Nyìngòŋ ə nyʉ̀ʼ tsu.

Hibùlù 7:16

Və ko ghʉ̀ wen a pfèm ngə̀ŋ Nyìngòŋ byìʼì təsoʼ tə ngwaʼ ngə̀ŋ ə wen. Ali Və nghʉ̀ pfèm byìʼì ghə̀ nkiʼi kədyòʼ ntsi to ghayn əmùʼ

Hibùlù 7:25

A lə kənyʉ̀ ki a Yesò diʼ no zhʉ̀ko mu ghə̀ zizi a ghə̀ bwoŋsə viʼi vyi a və vì a Nyìngòŋ chò fa wen a kəvu byìʼì ando ghə̀ tsi, jɨ̀mə̀ to jɨ̀mə̀, sensə Nyìngòŋ a vəwenə kəshi.

Kəmwetə 10:6

ə̀ kàyn a əzhiʼ ə̀ Nyìngòŋ yì a ghə̀ diʼì no məzhʉ ntsèm, à diʼ wen a ghə̀ ə̀ nshɨ̀tə̀ kaŋ, nə̀ nse bènə̀ ə̀mu mə nghoʼomə̀ bè shɨ̀tə̀ no ə̀fo ətsèm a və diʼì a shi avenə la kə və be à zhwi əzhʉ,

Kəmwetə 15:7

Kəfo kə mùʼ fa tì ə̀fo zhwisəvə vi ə̀ kàʼ ku əkaŋ sòmbo mu və shɨ̀tə̀ nə̀ gul à ntsɨ̀ŋsə ngə̀ŋ ə̀ Nyìngòŋ shì. Əkaŋ a vyi ə̀ ndìʼ mu və lwin li nə̀ ənyʉ̀ vyi a və dìʼì tin ə fwi ə̀ Nyìngòŋ yì a ghə̀ ə faŋə̀ to tò əghayn əmùʼ.

Kəmwetə 2:8

Ghə̀ bè gàʼ la, “Nyoʼo à ntsɨ̀ŋ ngə̀ŋ Nyìngòŋ a ngə̀ŋ ntsèntə̀ viʼi və byɨməvə a Smylna la: Ghèn dìʼ ntɨm fà wìʼ yì a ghə̀ dìʼ ə mbì be diʼ ə̀ bàm, wìʼ yì a ghə̀ mpfʉ ə̀ bè bwènsə̀ lù fa pfʉ.

Kəmwetə 20:13

Luwen, viʼi a və npfʉkə li a mù ə fʉli ə tɨmə Nyìngòŋ be soʼo vəwenə, ndə̀ŋndəŋ ando əpfʉ nə̀ loʼ vəmpfʉvə nse mbe ku viʼi a və npfʉkə li la Nyìngòŋ soʼo vəwenə a nyʉ̀ a vəwenə ə nè.

Kəmwetə 20:14

Luwen və mu moʼ əpfʉ nə̀ loʼ və mpfʉvənsə a nkwoŋ zhiʼ. Nkwoŋ ə zhiʼ a ghèn ndiʼ kənkùmtə̀ kəpfʉ.

Kəmwetə 3:7

“Nyòʼo à ntsɨ̀ŋ ə̀ ngə̀ŋ Nyìngòŋ yì a ghə̀ diʼì a Fìlàdefìyà la: ənyʉ̀ venə gàʼ wìʼ yì a ghə̀ ŋwòʼə̀, diʼ nəmwèʼè be kiʼ kənzàs kə ngə̀ŋ fòyn Devìt a ghə̀ sətsen ə bòʼò kò ndiʼ la wìʼ zi ghə̀ shwìnə̀, be shwìnə̀ ko ndiʼ la zi ghə̀ bòʼò.

Kəmwetə 4:9

Ə̀fo zhwisəvə avenə nzhɨmə ndzàŋsə ku əghoʼsə, nə̀ gumlə bènə̀ kəzòŋ à wìʼ yì a ghə̀ ŋwʉʼ a kəfwoyn yì, ə̀wen yì a ghə̀ diʼì no məzhʉ ə̀ ntsèm.

Kəmwetə 5:14

Ə̀fo zhwisəvə vi ə̀ kàʼ gàʼ la, “Amèyn” Vəchəʼ vi fəŋkə a nse ə̀ ghoʼsə Nyìngòŋ wenə̀ wàyn bi ənjɨ̀ a ndiʼ Yesò Klistò lì.

Kəmwetə 6:8

Mà sə ki ə̀ yèn əlyəŋ tsenghə ghə̀ lyìʼlə̀ kə̀ʼə̀, əzhiʼ wìʼ a ghə̀ ə̀ ndìʼ à yi kətʉ ə̀ ndìʼ Əpfʉ. A ə̀ ndìʼ a lì, əloʼ vəmpfʉvə nse dzɨ̀mtə̀ vì fa bàm. Və ku kədyòʼ la ə̀fo avenə gətə nse məshyə̀ ə̀ nkàʼ, ə̀ lyɨ̀ əshyə̀ mùʼ zhwilə viʼi vyi a və diʼ tsu nə̀ nyì ngwələŋ, nə̀ jɨ̀ŋ ə byɨ, nə̀ təkwaʼa tə fansətə. Nyamsə tətoʼ be zhwilə̀ vətsenvə.

Kəmwetə 9:1

Ntsɨ̀ŋ ngə̀ŋ ə̀ Nyìngòŋ tsen toŋ ə̀soŋ ə wen ə və ndiʼ vətàyn, mà yen fədzɨ̀ŋ fə lù fa kàŋ ə̀ fə̀ŋ a nse ə̀ və ku kənzàs kəchʉ̀ ə nkwòŋ tsen a ghə̀ shwemə shiʼi dyʉ̀ tò dyʉ̀ à wen.