Kəmwetə 1:11 - The New Testament in the Babanki language

¹¹ ə gaʼa la, “Nyòʼo ənyʉ̀ venə a wù yenə lə̀ a tì ŋwàʼlə̀ ə̀ tɨ̀m à ntsèntə̀sə viʼi və byɨməvə shì sòmbo: tɨm a Efesùs, ne Smylna, nə̀ Belgamum, a Tatiliyà, nə̀ Saldìs, nə̀ Fìlàdefìyà bènə̀ a Ladesiyà.”

Kəmwetə 1:11 ပူးပေါင်းရင်းမြစ်များ

Shwèʼ 16:14

Andìʼ a tì ki avenə a və mvì zhùŋtə̀ və sə zhʉtə̀ ando Bol gàʼà lì, wùwì tsen diʼ tsu, a zhiʼ wen ndìʼ Lydiyà mu ghə̀ lù fa ntə̀ʼ Tatiliyà. Ghə̀ nè mbaʼlə̀ nə̀ ndisə a ko yi nto no nànto, a be diʼ wùwì a ghə̀ ngumlə̀ Nyìngòŋ. Bobo bòʼtə̀ kwòʼtə̀ wen la ghə̀ ntùʼù zhʉtə̀ nyʉ̀ vyi a Bol ngàʼà lì ə̀ byɨmə nyʉ̀ a vyi.

Shwèʼ 18:24

Wu Jus tsen lù vì a Efesùs mu ghə̀ kwì a Alèksandìliyà, zhiʼ wen diʼ Abolòs. Ghə̀ nkɨ əgàʼ a ji a no ndò nkòŋ əzhʉtə. Ghə̀ nkɨ nyʉ̀ fa tì Ŋwàʼlə̀ Nyìngòŋ no ghoʼo.

Shwèʼ 20:17

Andìʼ ando Bol ndìʼ a Miletùs, ghə̀ tɨm ntɨm à vəchəʼ və viʼi vəbyɨməvə a Efesùs la vəwenə vì ə̀ yenə wen.

1 Kolìntyàns 15:32

Əse ghomə le ndiʼ no ghò? Ando mà tə nsoynə yo və viʼi a Efesùs a və ndiʼi to nə̀ nyamsə ətòʼ, azhʉ̀ a ghə̀ŋ sətsen nghʉ no nəmwèʼè la viʼi ko lu lù fa pfʉ a? Kə sətsen ə ndiʼ alə, a kə a ndiʼi la viʼi vətsevə ngàʼa to no nəmwèʼè la, “vəghəŋ nzhɨ̀ to zhɨ̀ be nyʉ byìʼì ando à lu ndiʼ a boʼòngə̀ŋ ə vəghəŋ phɨkə ə lè.”

1 Kolìntyàns 16:8

Ma kwòʼtə ali, diʼ ə tsi a Efesùs ashen ə zàʼa fa kətsi a Bentikòs,

Efisyàns 1:1

A nyòʼò mò Bol nyòʼò ŋwàʼlə̀ ghèn a ghə̀ŋ viʼi Nyìngòŋ vyi a ghə̀ŋ ti a ghə̀ŋ əbyɨmə a Yesò Klistò, tsi a Efesùs. Ma diʼ wù ə ntɨm ə Yesò Klistò mu à tsuʼ Nyìngòŋ fa wenə kòŋ.

Kòlòsyàns 2:1

Ma kəŋ la ghə̀ŋ kɨ ando ma ntaŋkə li ne shwèʼè no nə̀ kədyoʼkə a ghə̀ŋ viʼi və byɨməvə və, ə be ə shwèʼè a viʼi vyi a və tsi a loʼ Làdisìyà no vətsèm nə̀ vi a nkàyntə̀ vəwenə ko tɨmə yen mò.

1 Timotì 1:3

A ndiʼ ando ma lu sə dyʉ̀ a əloʼ ə Macedonia, mà gaʼa a wù la wù faŋ tò a ntə̀ʼ Efesùs. Mà ə kəŋ la wu faŋ tò tsu ə kàyn la viʼi vətsenvə vi ghʉsə əziʼi ə kənwam yi a vəwenə ə ziʼi tsu lì.

Kəmwetə 1:17

Mà ə̀ nyèn ə wen no a zhʉ̀ kò ə̀ fə̀ŋ à wen a shɨ sə̀ diʼ to nə̀ ə mpfʉ nse. Ghə̀ ghʉ kəvu kəkwoŋ ə toghə wen à mò a kətʉ ə̀ gàʼ la, “Kə a fàyn! mà dìʼi ə mbì be diʼ ə bàm,

Kəmwetə 1:19

Luwèn, nyòʼo ənyʉ̀ a wù yenə, ə̀vi a və fʉ̀ luwèn bènə̀ vi a və ne ə mfʉ̀ ə zìtə̀ fa luwèn.

Kəmwetə 1:2

Joyn ə nshə̀ʼtə̀ li ənyʉ̀ no tsèm ando ghə̀ ə̀ yenə. Ghə̀ nə̀ diʼ əgàʼ ə wen ə kùm ə ntɨm yì fà Nyìngòŋ bènə̀ nəmwèʼè yì a Yesò Klistò ndìʼi à wen a ndayn.

Kəmwetə 1:20

Əvenə diʼ ənyʉ̀ lyomtəvə a və diʼì byìʼì mədzɨ̀ŋ mèn sòmbo a wù yenə à mo kəvu kəkwoŋ ə toghə bènə̀ əfo venə sòmbo a və tomtə̀ ə̀ nkàʼtə̀ tsu lə̀: Mədzɨ̀ŋ mèn sòmbo dìʼi ntsɨ̀ŋsə ngə̀ŋ Nyìngòŋ a aloʼ ntsèntə̀sə viʼi və byɨməvə yi sòmbo, ə̀fo venə sòmbo a və tomtə̀ ə̀ nkàʼtə̀ tsu diʼ aloʼ ntsèntə̀sə viʼi və byɨməvə yi sòmbo.”

Kəmwetə 1:4

A tɨmə mò ə Joyn tɨmə̀ toŋtə à ghə̀ŋ ə ntsèntə̀sə viʼi və byɨməvə vi sòmbo a mbʉ̀ʼ Asìyà. Boŋə tyɨm bènə̀ mbwaʼmə̀ a ndiʼ à ghə̀ŋ fà Nyìngòŋ yì a ghə̀ diʼ, mu ghə̀ ndìʼ, be diʼ əlù ndiʼ, bènə̀ mbwaʼmə̀ à ghə̀ŋ fà əzhwi vi ə sòmbo a və diʼ a mbì kəfòyn kə̀ Nyìngòŋ.

Kəmwetə 1:8

Bobo Nyìngòŋ ə Tìʼ àdyoʼ ə̀ tsèm yì a ghə̀ ə̀ ndìʼ, diʼ be diʼ ə lu ndiʼ gàʼ la, “Mà dìʼ ə mbì be diʼ əbam.”

Kəmwetə 10:4

A ndìʼ ando əghʉ aghenə mbwankə, mà sə̀ kəŋ ənyòʼ kənyʉ̀ a ghə̀ ngaʼà alì ə̀ zhʉ̀ gɨ̀ ghə̀ gàʼà shiʼi fa kàŋ la, “Lyòmtə̀ nyʉ̀ vyi a əghʉ bwankəghə ghenə gaʼà aghayn ə sòmbo lə̀, kə a nyòʼ.”

Kəmwetə 14:13

Mà bè zhʉ̀ gɨ̀ ghə̀ fʉ vì fa kàŋ gàʼà la, “Nyoʼo kènkə: Əzìtə̀ fa luwèn ə dyʉ̀ nə̀ mbì, əsaŋlə diʼ à no ndò a ghə̀ pfʉ shyèʼè əshwèʼ ə Bobo.” Kəzhwì kəŋwoʼəkə bwènsə̀ gàʼ la, “Nəmwèʼè, əsaŋlə a lutə̀ diʼ à vəwenə. Vəwenə ne zhʉ̀tə̀ fà vəwenə ngəʼsə byìʼàndo əshyèʼ jùŋə ghə̀ vəwenə ne dzɨ̀mtə vəwenə gàʼ à vəwenə.”

Kəmwetə 19:9

Ntsɨ̀ŋ ngə̀ŋ Nyìngòŋ mù gàʼ à mò la, “Nyoʼo kənyʉ̀ kènkə la, ‘Njùŋ dìʼ à viʼi vyi a və laʼà la vəwenə vi ə̀ zhɨ əlam ə wàyn bi ənjɨ̀.’” Ghə̀ bè gàʼ à mò la, “əgàʼ ghenə lù fà Nyìngòŋ, diʼ nəmwèʼè.”

Kəmwetə 2:1

Ghə̀ gàʼ la, “Nyoʼo à ntsɨ̀ŋ ngə̀ŋ Nyìngòŋ a ngə̀ŋ ntsèntə̀ viʼi və byɨməvə a Efesùs la, Ghèn diʼi ntɨm fà wìʼ yì a ghə̀ ghaʼà mədzɨ̀ŋ mì sòmbo à wen ə kəvu kə kwoŋ ə toghə sə jèʼè kaʼa fa tì ə̀fo vi sòmbo a və tomtə̀ ə̀ nkàʼtə̀ tsu mu və shɨ̀tə̀ nə̀ gul lì.

Kəmwetə 2:12

Ghə̀ bè gàʼ à mò la, Nyoʼo à ntsɨ̀ŋ ngə̀ŋ Nyìngòŋ yì a ghə̀ diʼì a ntsèntə̀ viʼi və byɨməvə a Belgamum la: Ntɨm ghèn lù fà wìʼ yì a ghə̀ ə kiʼì nyì ngwoləŋ ə lyɨmə lì.

Kəmwetə 2:18

Nyòʼo à ntsɨŋ ngə̀ŋ Nyìngòŋ a ghə̀ ə diʼì ntsèntə̀ viʼi və byɨməvə a Tatiliyà la: Ghèn dìʼ ə ntɨm a ghə̀ lù fà wàyn Nyìngòŋ yì a ashɨ wen ə bàŋə̀ to nə̀ kəlwàŋ kə zhìʼ, aghʉ wen ə so to nə̀ kəkas a və buŋsə̀ a chɨ.

Kəmwetə 2:24

Ghə̀ŋ vətsenvə diʼ a Tatiliyà a ghə̀ŋ tyen li təziʼi tə byɨtə a tèntə, ghə̀ŋ ko ziʼi ənyʉ̀ vyi a viʼi vətsenvə dzàŋə̀ nə̀ ənyʉ̀ lyomtəvə Satan. Mà sə gàʼà à ghə̀ŋ la mà ko be a ku kəbyèʼè kətsenkə à ghə̀ŋ.

Kəmwetə 2:8

Ghə̀ bè gàʼ la, “Nyoʼo à ntsɨ̀ŋ ngə̀ŋ Nyìngòŋ a ngə̀ŋ ntsèntə̀ viʼi və byɨməvə a Smylna la: Ghèn dìʼ ntɨm fà wìʼ yì a ghə̀ dìʼ ə mbì be diʼ ə̀ bàm, wìʼ yì a ghə̀ mpfʉ ə̀ bè bwènsə̀ lù fa pfʉ.

Kəmwetə 21:5

Wìʼ yi a ghə̀ nyʉ̀ʼ a kəkɨ ə fòyn na yi ə mu gàʼ la, “Ghə̀ŋ yen a! Ma na nè ə nyʉ̀ ə tsèm ə bwensə ndiʼ to a fi.” Ghə̀ gàʼa a mò Joyn la, “Nyoʼo nyʉ̀ na venə. Və diʼ to no nəmwèʼè, kwʉ̀ʼʉ̀ ndiʼ no ndo byɨmə.”

Kəmwetə 22:10

Ntsɨŋ Nyìngòŋ na yì ə be gàʼ a mò la, “kə wù lyomtə nyʉ̀ vyi a və gàʼa la və fʉ̀ a ŋwàʼlə̀ ashə a viʼi byìʼì ando zhʉ̀ na yi sə boʼsə.

Kəmwetə 22:16

“Nò mò Yesò tɨm li Ntsɨŋ ghom a ghə̀ŋ nə̀ nyʉ̀ venə la ghə̀ŋ shə̀ʼtə̀ a ənoyn ə viʼi və byɨməvə. Ma diʼ mu mà fʉ̀ fa ngwaʼ ə ngə̀ŋ nə̀ Devìt be diʼ fədzɨ̀ŋ fə boʼòngə̀ŋ boʼòngə̀ŋ fifə a fə baynə no nànto.”

Kəmwetə 3:1

Nyòʼo à ntsɨ̀ŋ ə̀ ngə̀ŋ Nyìngòŋ a ghə̀ diʼì a ntsèntə̀ viʼi və byɨməvə a Saldìs la: Wìʼ yì a ghə̀ kiʼì əzhwi ə Nyìngòŋ vi sòmbo be kiʼ mədzɨ̀ŋ mì sòmbo gàʼ la, Mà kɨ əshwèʼ ghəŋə. Viʼi ə yenə ghə̀ŋ la ghə̀ŋ dìʼ vəto, alì mu ghə̀ŋ ə pfʉkə li kəzhwì.

Kəmwetə 3:14

Ghə̀ bè gàʼ à mò la, “Nyòʼo à ntsɨ̀ŋ ə̀ ngə̀ŋ ə̀ Nyìngòŋ yì a ghə̀ ə diʼì a ntsèntə̀ viʼi və byɨməvə a Ladesiyà la: Ghèn diʼ ə ntɨm a ghə̀ lu fà wìʼ yì a dzàŋə̀ nə̀ Amèyn, à diʼ ə̀ wen diʼ wu jùŋ yì a diʼì wu yen nəmwèʼè byìʼì Nyìngòŋ. Nyìngòŋ ə̀ nshɨ̀tə no ghò a mbi ə chò fà wen.

Kəmwetə 3:4

Alì viʼi vətsenvə bù dìʼ tò və tyetə a Saldìs a vəwenə ghʉ ə̀ ndisə vəwenə sə̀ laynə. Vəwenə lu mòʼ ə ndisə fəfəsə yo vəwenə njèʼè a muʼu byìʼàndo vəwenə layn li ə nkwʉʼ.

Kəmwetə 3:7

“Nyòʼo à ntsɨ̀ŋ ə̀ ngə̀ŋ Nyìngòŋ yì a ghə̀ diʼì a Fìlàdefìyà la: ənyʉ̀ venə gàʼ wìʼ yì a ghə̀ ŋwòʼə̀, diʼ nəmwèʼè be kiʼ kənzàs kə ngə̀ŋ fòyn Devìt a ghə̀ sətsen ə bòʼò kò ndiʼ la wìʼ zi ghə̀ shwìnə̀, be shwìnə̀ ko ndiʼ la zi ghə̀ bòʼò.