Joyn 9:34 - The New Testament in the Babanki language

³⁴ Viʼi a vi ə gàʼ la, “Wù diʼ alə̀ mu və nə̀ bwi wù a ntìntìn mbyɨsə, wù kwi kuʼ to tsu ə sə kəŋ ə ziʼi yès.” To ando vəwenə gàʼa ali no zhʉ̀ko ə dzɨ̀m shisə wen fa ngə̀ŋ ntsèntə̀.

Joyn 9:34 ပူးပေါင်းရင်းမြစ်များ

Ŋwàʼlə̀ Luk 11:45

Ndìʼsə̀ soʼ tsen gàʼ à Yesò la, “Ndìʼsə̀, wù gaʼa nyʉ̀ vènə alə̀, telə̀ yès.”

Ŋwàʼlə̀ Luk 14:11

No ndo a ghə̀ kuʼsə wenə wen a kàŋ, Nyìngòŋ lu shisə wen, ə no ndo a ghə̀ shiʼsə wenə wen, Nyìngòŋ ne kuʼsə wen a kàŋ.”

Ŋwàʼlə̀ Luk 18:17

Mà gàʼ à ghə̀ŋ nəmwèʼè la, No ndò a ghə̀ fàŋ shisə soʼ fòyn Nyìngòŋ tò nə̀ wàyn bwaʼ, kò ghə̀ lù kwèn a kəshi kə fòyn a kèn.”

Ŋwàʼlə̀ Luk 6:22

“Mbwaʼmə diʼ a ghə̀ŋ vyi a viʼi baynə ghə̀ŋ, dzɨ̀mə̀ ghə̀ŋ fà ntsèntə̀sə, telə̀ ghə̀ŋ bè byɨsə təzhiʼ təŋtə tò byìʼì wàyn Wìʼ.

Joyn 6:37

Viʼi vyi a Tìʼ ə ghom əku li a mò ne vì a mò. Mà ko lu dzɨ̀m wìʼ a ghə̀ vi a mò,

Joyn 8:41

Ghə̀ŋ nè to nyʉ̀ vyi a tìʼ ə ghə̀ŋ ə nè.” Vəwenə bwensə la, “Nyìngòŋ ə diʼ to Tìʼ ə mùʼ yi a yès ə kiʼi, yès diʼ to no nkàyntə̀ vunə Nyìngòŋ.”

Joyn 9:2

Ndzɨ̀mtə̀sə bàm ə wensə toŋtə wen ə bèm a wen la, “Ndìʼsə̀, à nè mbyɨ ndò la wìʼ ghèn fyɨf to fa bwi a, ghə̀ tiʼi wen wenə lì wen mu no to ghə̀ wen lo?”

Joyn 9:22

Tìʼ wen wenə lì wen ə ngàʼa alə byìʼàndo vəwenə ə nfwaynə viʼi Jus venə. Vəwenə ndiʼ mu və ə ghʉ̀ li la no ndò a ghə̀ byɨmə la Yesò diʼ wìʼ ə yi a və tsuʼ li ghʉ̀, mu və a dzɨ̀m ə wen, ko ghə̀ lu be kwen tebè a ngə̀ŋ ntsèntə̀.

Joyn 9:35

Yesò ə zhʉ̀ li la və dzɨ̀m li ə shisə wìʼ yi a ghə̀ tə chʉʼ li fa ngə̀ŋ ntsentə, ə kəŋ ə dyʉ̀ nə̀ wen, ə bèm a wen la, “Wù lə byɨmə li a wàyn Wìʼ a?”

Joyn 9:40

Viʼi Falàsi vətsenvə a və ndiʼ tsu ə bèm a wen la, “Wù gaʼa, kə diʼ la yès be fyɨfkə mu?”

1 Kolìntyàns 5:13

A lu soʼo to Nyìngòŋ soʼo viʼi vyi a və ko diʼ a vəghəŋ a nòyn. Və nyoʼo li a Ŋwàʼlə̀ Nyìngòŋ la, “Ghə̀ŋ dzɨ̀m shisə wu byɨ yì fa ghə̀ŋ a ntìntìn.”

Gàlesìyà 2:15

“Vəghəŋ no fa vəghəŋ a ngeŋ diʼ viʼi Jus to no ando və mbwi vəghəŋ, ko ndiʼ la vəghəŋ diʼ viʼi kətɨm vi a və gàʼà la à diʼ viʼi nyʉ̀ ə byɨvə,

Efisyàns 2:3

Vəghəŋ vətsèm ə ntsi to nə̀ viʼi və byɨvə a venə fa ambì, ne to nyʉ̀ ə byɨvə vyi a njòsə əwen ə vəghəŋ sə kòŋ, a fwomə tèbe ghò a vəghəŋ, vəghəŋ ne to ne ando əkwoʼtə ə̀ vəghəŋ kəŋ. Mbyɨ a sensə ndiʼ nè Nyìngòŋ kù ə ngəʼ a vəghəŋ ando ghə̀ ndiʼ ə kù a viʼi mbyi.

1 Bità 5:5

Mbvòʼò ə wìʼ, ghə̀ŋ ə be zhʉ to fa vəchəʼ və ngə̀ŋ Nyìngòŋ. Ghə̀ŋ nò vətsèm mòʼ gumlə a ghə̀ŋ wèn a nə̀ ndisə ə gumlə təwen ə təŋtə. Ghə̀ŋ kɨli la Nyìngòŋ ə baynə viʼi vyi a və ghaŋsə əwen, ali tùʼmə̀ nə̀ viʼi a və shiʼsə təwen tə vəwenə.

3 Joyn 1:10

Mà ne vì no a zhʉ kò ə shə̀ʼtə̀ ə kuʼ nə̀ nyʉ̀ vyi a ghə̀ nè, nyʉ̀ fansəvə byɨvə, benə ndzɨŋ shì, a ghə̀ gàʼà byìʼì yes. Ghə̀ ko sè tò a na kì, ghə̀ tyenə la ghə̀ ko shisə vəlèmə̀, be tàmə̀ viʼi vyi a və kəŋə nshisə vəwenə, dzɨ̀mə̀ vəwenə shìsə̀ fa ntsèntə̀ viʼi və byɨməvə.

3 Joyn 1:9

Mà tə nyòʼ ŋwàʼlə̀ à ntsèntə̀ viʼi və byɨməvə ghèn, alì Dyòlefes a ghə̀ koŋə ndiʼ kətʉ, tyen əzhʉtə kənyʉ̀ a ma gàʼà tsu.

Kəmwetə 13:17

Wìʼ ə nko diʼ ə baʼlə ko ə zen kəfo a bwen la ghə̀ kìʼ kəchwitə kə diʼì əzhiʼ ko ətaŋ əzhiʼ ə wen.