Joyn 9:24 - The New Testament in the Babanki language

²⁴ Vəwenə na be nkumtə dzàŋ wen ə gàʼ a wen la, “Kàynə li zhiʼ ə Nyìngòŋ la wù gàʼa to nəmwèʼè. Yès ə kɨ la wìʼ ghèn diʼ wu nyʉ̀ ə byɨvə.”

Joyn 9:24 ပူးပေါင်းရင်းမြစ်များ

Ŋwàʼlə̀ Mak 15:27

Və ne a lì bè bantə viʼi vətsenvə vəbò. Və mbantə wù muʼ a shyə kwoŋ toghə nə̀ ghətsen a shyə kwoŋ nànkwè.

Ŋwàʼlə̀ Luk 15:2

Viʼi Falàsi vətsenvə bènə̀ ndìʼsə̀sə təsoʼ yen alì mù sə demkə be taŋmə gàʼà la “Wìʼ ghèn byɨmə la viʼi nè nyʉ̀ byɨvə vi a wen a mbyɨ̀ be zhɨ tə̀ wenə vəwenə”.

Ŋwàʼlə̀ Luk 19:7

Viʼi yen sə dèmkə̀ gàʼ à la, “Ghə̀ dyʉ̀ sə̀ diʼ wù ghàyn a wen a ngə̀ŋ wù nè nyʉ̀ byɨvə.”

Ŋwàʼlə̀ Luk 7:39

Ando wù Falàsi yì a ghə̀ nlaʼà Yesò, nyen kənyʉ̀ akyì sə gàʼà a wen a ngə̀ŋ la, “Wìʼ ghèn tu ndìʼ nshə̀ʼtə̀ ghoʼo, mu ghə̀ kɨ li nkì wùwì ghèn a ghə̀ kùmə̀ wen lə̀ dìʼ wù nyʉ̀ byɨvə.”

Joyn 14:30

Ma ko be a gaʼa a ghə̀ŋ luwen no nànto byìʼàndo fòyn mbyi ghèn sə vì. Ghə̀ ko kiʼi kədyòʼ kə tsèn a mo kətʉ,

Joyn 16:2

Və ne ndzɨ̀mə̀ shisə ghə̀ŋ fa aloʼ ntsèntə̀. Ma gàʼà nəmwèʼè la əzhʉ̀ ə tseghə na vi, a wìʼ ne zhwi ghə̀ŋ, ghə̀ sə kwoʼtə la ghə̀ nè shwèʼ Nyìngòŋ.

Joyn 18:30

Vəwenə bwensə to la, “Ghə̀ tə̀ faŋ kə byɨbsə kənyʉ̀ mu yès ko ə lyɨ̀ vi nə̀ wen a wù.”

Joyn 19:6

Vəpfèm və ngə̀ŋ Nyìngòŋ sə ghoʼkəsə nə̀ vəsugyèʼ vi a və ntsi a ngə̀ŋ Nyìngòŋ ə ghoʼo yenə wen no zhʉ̀ko ə zìtə̀ ə sə zɨ̀mə gàʼa to la, “Və bayntə wen a kəntò, və bayntə wen a kəntò!” Balèt ə gàʼ a vəwenə la, “Ghə̀ŋ lyɨ̀ wen dyʉ̀ bayntə. Ma ko yen kənyʉ̀ kì a ghə̀ byɨbsə.”

Joyn 5:23

ndi no viʼi vətsèm ə̀ gumlə Wàyn to ndə̀ŋndəŋ ando və gumlə Tìʼ. No ndo yì a ghə̀ faŋ ke gumlə wàyn, mu ghə̀ ko gumlə Tìʼ wen a ghə̀ tɨm ə wen.

Joyn 8:46

A diʼ ndo fa ghə̀ŋ a ntìntìn a ghə̀ zizi ghə̀ diʼi la ma ne li mbyɨ a? A zhʉ a ma gaʼa no nəmwèʼè byìʼì ghò a ghə̀ŋ ko byɨmə mo a?

Joyn 8:49

Yesò ə gàʼ a vəwenə la, “Ma ko kiʼi kəzhwì kə kəbyɨkə. Ma gumlə Tìʼ ghom, ali ghə̀ŋ chasə mò.

Joyn 9:16

Viʼi Falàsi vətsenvə gàʼ la, “Wìʼ a ghèn ko diʼ wù ə Nyìngòŋ byìʼàndo ghə̀ ko bamə tebè kətsi kə tʉʼ lòʼ.” Alì vətsevə sə gàʼa la wù nyʉ̀ ə byɨvə zizi ko ghə̀ lu ə nè nyʉ̀ kaynə və alə. Nò zhʉ̀ko, kəngəsə kə fʉ̀ a və wenə a ntìntìn.

Joyn 9:25

Ghə̀ be bwensə la, “Ko ghə̀ diʼ wu nyʉ̀ ə byɨvə, kò ghə̀ ko diʼ, ma kɨ to kənyʉ̀ kə mùʼ la, ma ko tə yenə əshi ə sə yenə luwen!”

Lumans 8:3

Nyìngòŋ ə sə diʼ mù ghə̀ nè li kənyʉ̀ ki a Əsoʼ ə wʉ ə ne byìʼì njòsə wen sə a sə bwaʼa. Ghə̀ ne alə̀ a ji la ghə̀ ntɨm li Wàyn wen, ghə̀ vi a nse to no wen ə wìʼ ghèn a ghə̀ kòŋ mbyɨ lə. Ghə̀ vi ku wenə wen ə pfʉ ə lòʼ ə mbyɨsə viʼi. A diʼ a ji na ghèn a Nyìngòŋ ə byɨbsə kədyòʼ kə mbyɨ fa njòsə wen.

2 Kolìntyàns 5:21

Nò tèbe Yesò fa wen a ngeŋ ə ko ne mbyɨ ali Nyìngòŋ ə lyɨ̀ wen a wu mbyɨ ndiʼ vəghəŋ chò fa wen ə nti a nkàyn ashɨ Nyìngòŋ.

Kəmwetə 11:13

Nse shen no mwèʼè mwèʼè, tò a zhʉ ayì ə̀ bə̀ytə̀ əshyə ntə̀ʼ muʼ fa tì təshyə wum ə̀ zhwilə viʼi nkamsə sòmbo. Əfàyn ə vì a tətyɨm ə̀ viʼi vyi a və mfaŋə̀ tsu lì no nànto vəwenə mù sə ku əghoʼsə à Nyìngòŋ yì a ghə̀ diʼì a kàŋ.