Joyn 8:52 - The New Testament in the Babanki language

⁵² Vəwenə ə gàʼ a wen la, “Yès ə mu sùtə̀ nkɨ luwen la wu kiʼi kəzhwì kə kəbyɨkə! Ablaham nə̀ nshə̀ʼtə̀sə ghoʼkəsə ə mpfʉ̀kəli, ali wù sə gàʼa la, no ndo yi a ghə̀ ghʉ kənyʉ̀ a wù ziʼi mu ghə̀ ko be lu pfʉ.

Joyn 8:52 ပူးပေါင်းရင်းမြစ်များ

Matìyò 11:18

Mà gàʼà a lì byìʼàndo Joyn wù ku à mù mvì sə zhɨ tetə̀, və gàʼ tò vətsèm la, Ghə̀ kìʼ kəzhwì kə byɨkə.

Joyn 1:19

Viʼi Jus vyi a və ndiʼ a Jelusalèm ə ntɨm li vəpfèm və ngə̀ŋ Nyìngòŋ nə̀ viʼi ngwaʼ ə ngə̀ŋ ə Levì la və dyʉ̀ ə bèm a Joyn ə ku a Mù la, ghə̀ diʼ ndò lo.

Joyn 14:23

Yesò ə bwensə a wen la, “No ndò a ghə̀ kòŋə mo, ghə̀ ne zhʉ əziʼi ə ghomə. Wìʼ yi kòŋ mo, Tìʼ ghom be a kòŋ wen, yo wen be vi tsèntə tsi yo wìʼ na yì.

Joyn 15:20

Kə ghə̀ŋ lyesə kənyʉ̀ ki a mà tə ziʼi a ghə̀ŋ la, ‘wù ə shwèʼ ko tɨmə chò tìʼ shyèʼ wen.’ Vəwenə sətsen ə ndi mu vəwenə ə ntsuʼ li kəghʉ ə kòmkə, vəwenə be a ntsuʼ kənkə to ndə̀ŋndəŋ. Vəwenə sətsen ə ndiʼ mu vəwenə ə zhʉtə əziʼi ə ghomə, vəwenə be a zhʉtə əziʼi ghəŋə to alì.

Joyn 17:6

“Ma diʼi li wù a viʼi a wù tə tsuʼtə shisə fa mbyi ə kù a mò. A tə ndiʼ viʼi vyə; wù ku a mò, vəwenə zhʉ̀ ntɨmə wù.

Joyn 7:20

Tənòyn a titə ə bwensə la, “Wù diʼ alə̀ kiʼi kəzhwì kə kəbɨkə! A kəŋ ə zhwi ndò ə zhwi wù a?”

Joyn 8:22

Viʼi Jus sə bèm la, “Ghə̀ lə gàʼ la vəghəŋ zizi ko və lu dyʉ̀ akəshi ghèn a ghə̀ dyʉ̀, kə diʼi la gho? Ghə̀ kəŋə ə zhwi wen əwen mu?”

Joyn 8:48

Viʼi Jus vətsenvə ə mu gàʼ a Yesò la, “Wu a gaʼa yès ko tə ə gàʼ to nəmwèʼè la wù diʼ wù ə Sàmalìyà, be kiʼi kəzhwì kə kəbyɨkə.”

Joyn 8:51

Ma gaʼa a ghə̀ŋ tò no nəmwèʼè la, no ndò yi a ghə̀ zhʉ ziʼi ə ghomə ə ghʉ, mu ghə̀ lu tsi faŋ.”

Joyn 8:55

Ghə̀ŋ ko kɨ wen, ali ma kɨ. Mà sətsen gàʼ la ma ko kɨ wen, kə a diʼi la ma zhò ndzɨŋ to nə̀ ghə̀ŋ. Ma kɨli wen, zhʉ wen.

Joyn 9:24

Vəwenə na be nkumtə dzàŋ wen ə gàʼ a wen la, “Kàynə li zhiʼ ə Nyìngòŋ la wù gàʼa to nəmwèʼè. Yès ə kɨ la wìʼ ghèn diʼ wu nyʉ̀ ə byɨvə.”

Hibùlù 11:13

Viʼi na venə no vətsèm nki li əbyɨmə a Nyìngòŋ ə lu kaʼ əpfʉ to nə̀ wenə ghə̀. Vəwenə ə nsə pfʉ ko a vəwenə kiʼi li kənyʉ̀ kì a Nyìngòŋ nghʉ̀ ali, vəwenə sə saŋlə to saŋlə, ki dyʉ̀sə nə̀ kənyʉ̀ ki a Nyìngòŋ ə ndiʼ lù nè. Vəwenə ngaʼa li to no nə̀ əchʉ vəwenə la vəwenə diʼ a nse ashə to nə̀ viʼi ghayn.

Hibùlù 2:9

Alì vəghəŋ ə yenə Yesò yì a Nyìngòŋ ə nè to fəshyinə alə̀, ghə̀ kaʼkə a wìʼ ko ghə̀ be ə ngaŋtə kwʉʼʉ tèbe a ətsɨŋsə wen. Ghə̀ nè ali ndi ghə̀ diʼ ətyɨm ə jùŋə ghə̀ a viʼi, ə nè ghə̀ pfʉ ə bwoŋsə̀ vəwenə və tsèm. A ndiʼ byìʼì ngəʼ yì a ghə̀ nyenə nə̀ əpfʉ̀ ə wenə na ghenə a ghə̀ ne la Nyìngòŋ ə ku əbayn ə ghoʼo ghə̀ a wen be ne la no tèbe ghò ə ngumlə̀ wen.