Joyn 8:40 - The New Testament in the Babanki language

⁴⁰ Ghə̀ŋ diʼ alə̀ mu ghə̀ŋ ghʉ̀ li la ghə̀ŋ a zhwi mò, ali mà shə̀ʼtə̀ to nyʉ̀ a ghə̀ŋ, a və diʼ nəmwèʼè mu mà zhʉ̀ fa Nyìngòŋ. Ablaham nko ə ne tə nki tə nyʉ̀ alə̀.

Joyn 8:40 ပူးပေါင်းရင်းမြစ်များ

Joyn 7:1

A sə ndiʼ fa abàm nyʉ̀ venə, Yesò mu sə jèʼe kaʼkə to fa Galìlì, ko ghə̀ be kòŋ ə dyʉ̀ a Jùdiyà byìʼàndo viʼi Jus ndiʼ tsu, kəŋə ə zhwi wen.

Joyn 8:26

Ənyʉ̀ ə diʼ to kədə̀ŋ a mà zizi mà gàʼ kumə ghə̀ŋ be ku ngəʼ a ghə̀ŋ fa tsu, ali ma ko ne tebè ali byìʼàndo wìʼ yi a ghə̀ tɨmə mo ə gaʼa to nəmwèʼè, ma gàʼa to kənyʉ̀ kì a ghə̀ gàʼa la mà gàʼ a viʼi mbyi.”

Joyn 8:56

Tìʼ ghə̀ŋ Ablaham ə yèn li ə kɨ la mà lu vi, kənyʉ̀ na kì kə nè, ghə̀ sə saŋlə no nànto.”

Lumans 4:12

Ghə̀ diʼ tomə tìʼ a viʼi vyi a və shɨtə li ndyə̀ vəwenə, a kodiʼ to byìʼì ando və shɨtə ndyə̀ vəwenə ali byìʼì ando vəwenə byɨmə kənyʉ̀ ki a Nyìngòŋ ə ghʉ̀, to ndə̀ŋndəŋ ando tìʼ vəghəŋ Ablaham ə byɨmə mibu və shɨtə ndyə̀ wen.

Gàlesìyà 4:16

Mà lə kaʼkə li a wù kəbàyn luwen a ghə̀ŋ to byìʼì ando mà gàʼa nəmwèʼè mu?

Gàlesìyà 4:29

A ndiʼ a tʉʼ na yì, wàyn wùlɨm yi a və mbwi wen to no ando və nə̀ bwi no tèbe wàyn kò, sə tsuʼ kəghʉ kə wàyn yi a və sə bwi mu à nè Kəzhwì kə ŋwoʼkə lì. Kə le be fʉ̀ to ali luwen.

Kəmwetə 12:17

Nyàm ə fànsə ayì fwisə tin à wùwì yì ə̀ lù ə̀ dyʉ̀ əzìtə̀ əghoŋ à viʼi ngwàʼa ngə̀ŋ wùwì ayì, andiʼ viʼi vətsèm vi a və ghʉ təsoʼ tə Nyìngòŋ be shə̀ʼtə̀ ənyʉ̀ a Yesò ə̀ ndiʼi a ndayn.

Kəmwetə 12:4

Əkwen ə wen ə zhès əshyə mədzɨ̀ŋ ə̀ mùʼ fa tì təshyə tə taʼ ə̀ mòʼ shìsə a nse. Nyàm ə fànsə ayì tɨmə a shɨ ə̀ wùwì yì a ghə̀ sə̀ diʼ a məbwi lì sə̀ bvʉ̀tə̀ ə pfiʼ wàyn ayì a ghə̀ a bwi lì.