Joyn 8:39 - The New Testament in the Babanki language

³⁹ Vəwenə bwensə la, “yès ə diʼ vunə Ablaham.” Yesò ə bwensə gàʼ a vəwenə la, “Ghə̀ŋ tu ndiʼ vunə Ablaham mu ghə̀ŋ nè to nyʉ̀ vyi a Ablaham ə nè.

Joyn 8:39 ပူးပေါင်းရင်းမြစ်များ

Matìyò 3:9

Kə ghə̀ŋ ne kwòʼtə la ghə̀ŋ zì ghə̀ŋ nyɨŋ ngəʼ Nyìngòŋ ayì tò byiʼàndo ghə̀ŋ gàʼ à la ghə̀ŋ diʼ vu vunə Ablaham. Ma shə̀ʼtə̀ a ghə̀ŋ la Nyìngòŋ zì ghə̀ nè ngùʼ sènsə sə kaʼkə a vunə ghə̀ ku a Ablaham.

Matìyò 5:45

Ghə̀ŋ nè tò alì ndi ne ndiʼ vunə Tìʼ ghə̀ŋ yì a ghə̀ diʼì a kaŋ byiʼàndo ghə̀ŋ nè chwìchwì baynə a kətʉ viʼi və byɨvə bènə̀ viʼi və jùŋ və be nè ghʉ vì a kətʉ viʼi a və nè njùŋ be vì a kətʉ viʼi a və nè mbyɨ.

Joyn 8:33

Ghə̀ ə ngaʼa ali, vəwenə bèm a wen la, “Wù gaʼa la wù zizi wù gyamtə yès fa ngəʼ ko? Yes diʼ viʼi ngwaʼ ngə̀ŋ Ablaham ko ndiʼ la yès ətɨmə diʼ əkòs a wìʼ.”

Joyn 8:37

Ma kɨli la ghə̀ŋ fʉ̀ fa ngwaʼ ə ngə̀ŋ ə Ablaham, ali sə kəŋ ə zhwi mo byìʼàndo ghə̀ŋ ko kòŋ ə zhʉ ziʼi ə ghomə.

Joyn 8:43

Byìʼì ghò a ghə̀ŋ ko zhʉ kɨ kənyʉ̀ kì a ma gaʼa a? A diʼ byìʼàndo ghə̀ŋ ko kòŋ ə zhʉ.

Joyn 8:56

Tìʼ ghə̀ŋ Ablaham ə yèn li ə kɨ la mà lu vi, kənyʉ̀ na kì kə nè, ghə̀ sə saŋlə no nànto.”

Lumans 4:12

Ghə̀ diʼ tomə tìʼ a viʼi vyi a və shɨtə li ndyə̀ vəwenə, a kodiʼ to byìʼì ando və shɨtə ndyə̀ vəwenə ali byìʼì ando vəwenə byɨmə kənyʉ̀ ki a Nyìngòŋ ə ghʉ̀, to ndə̀ŋndəŋ ando tìʼ vəghəŋ Ablaham ə byɨmə mibu və shɨtə ndyə̀ wen.

Lumans 4:16

Kə le diʼi la kənyʉ̀ kəwʉkə na kènkə ə diʼ byìʼì byɨmə yì a Ablaham ə nkiʼi. Nyìngòŋ ə ku kənyʉ̀ kəwʉkə na kènkə to ngwaʼ ngə̀ŋ ə Ablaham no tsèm byìʼì ətyɨm ə jùŋə yi a ghə̀ kiʼi. Ghə̀ ko ku to a viʼi vyi a və wʉ̀ Əsoʼ. Ghə̀ ku a viʼi ətɨm vi a və kiʼi byɨmə ndə̀ŋndəŋ to nə̀ Ablaham byìʼì ando Ablaham ndiʼ tìʼ vəghəŋ və tsèm.

Lumans 9:7

A ko diʼ tèbe vunə Ablaham və tsèm a və diʼi vunə Nyìngòŋ. Və nyòʼò li a Ŋwàʼlə̀ Nyìngòŋ la, “Ngwaʼ ə ngə̀ŋ ə wù lu fʉ̀ fa Izìk.”

Gàlesìyà 3:29

Ghə̀ŋ sətsen ndiʼ viʼi Yesò alə̀, a ghə̀ŋ ne diʼ vunə a Ablaham, diʼi la ghə̀ŋ be lu kiʼi əfo vì a Nyìngòŋ ə ghʉ a wen.

Gàlesìyà 3:7

A ghə̀ŋ yen li luwèn la no nkàyntə̀ vunə Ablaham ə diʼ viʼi vyi a və byɨmə li a Nyìngòŋ.