Joyn 8:24 - The New Testament in the Babanki language

²⁴ Ma gàʼ li a ghə̀ŋ la ghə̀ŋ ne pfʉkə a ghə̀ŋ a mbyɨsə a zhʉ a sətsen ghə̀ŋ faŋ ke byɨmə la ma diʼ mo yi a ma diʼ.”

Joyn 8:24 ပူးပေါင်းရင်းမြစ်များ

Matìyò 24:5

Viʼi lu Mvì no və ghoʼo lyɨ̀ zhiʼ ghomə gàʼà la, à diʼ mò yì a və ntsuʼ li ə̀ ghʉ lì ə lobtə nghoʼo viʼi a ji a ghèn.”

Ŋwàʼlə̀ Mak 13:6

Viʼi lu mvì no vəghoʼo à mò a zhiʼ gàʼà la, ‘A dìʼ tò no mò lə̀!’ Və lu lobtə nghoʼo viʼi a ji aghèn.

Ŋwàʼlə̀ Mak 16:16

No mə ndò a ghə̀ byɨmə ə̀ shì mu, ghə̀ nè bwòŋ. No ndò a ghə̀ tyenə ke byɨmə Nyìngòŋ lù byɨbsə wen.

Ŋwàʼlə̀ Luk 21:8

Ghə̀ gàʼ la, “Ghə̀ŋ tùʼmə̀ la kə wìʼ lù lobtə ghə̀ŋ. Viʼi lu nvì no və ghoʼo diʼ la və vì à mò a zhiʼ. Gàʼà la, Ma diʼ no nkàyntə wen yi lə̀, be gàʼà la ‘Zhʉ kwʉʼli luwen!’ Ghə̀ŋ zhʉ alì kə wì à dzɨ̀mtə̀ vəwenə.

Joyn 13:19

Ma shə̀ʼtə̀ kənyʉ̀ kènkə a ghə̀ŋ luwen alə̀, kə ko təmə fʉ̀, ndiʼ kə na fʉ̀, ghə̀ŋ byɨmə la ‘ma diʼ wìʼ yì a ma diʼ wen.’

Joyn 3:18

“No ndò yì a ghə̀ byɨmə a wàyn Nyìngòŋ, mu və ko lu byɨbsə wen. Alì no ndò yi a ghə̀ faŋ ke byɨmə a wen mu ghə̀ sə diʼ to a məbyɨbsə byìʼì ando ghə̀ ko byɨmə a zhiʼ wàyn Nyìngòŋ yì a ghə̀ diʼ to mùʼ.

Joyn 3:36

No ndò a ghə̀ byɨmə a wàyn Nyìngòŋ, mu ghə̀ lu kiʼi bwòŋ yi a ghə̀ lu faŋ to ghayn ə mùʼ. Ali no ndò yi a ghə̀ faŋ ke zhʉtə mu ghə̀ lu pfʉ ə lè byìʼì ando tyinə fwi Nyìngòŋ faŋ li to faŋə a wen a kətʉ.”

Joyn 4:26

Yesò ə mu shə̀ʼtə mwètə̀ a wen la, “A diʼ mò na yì a və ntsuʼ li ə ghʉ li a ma gàʼà a wù lə̀.”

Joyn 8:21

Yesò ə be gàʼ kwʉ̀ʼsə la, “Ma nè lu, kenla ghə̀ŋ zizi ghə̀ŋ dyʉ̀ a kəshi a ma dyʉ̀ tsu, ghə̀ŋ ne kəŋ mò, ko ghə̀ŋ lu yen, ghə̀ŋ ə ne ə pfʉkə a ghə̀ŋ a mbyɨsə.”

Joyn 8:25

Vəwenə bèm a Yesò la, “Wù diʼ no ndò lo?” Yesò ə bwensə la, “Ma diʼ tò wìʼ ə yi a ma tə gaʼa fa kənzìtə̀ la ma diʼ wen.

Joyn 8:28

Yesò ə gàʼ a vəwenə la, “Ghə̀ŋ lu kuʼsə wàyn Wìʼ a kəntò, no zhʉ̀ko, ghə̀ŋ mu kɨ la ‘Ma diʼ mo yi a ma diʼ,’ ə be kɨ la ma ko nè tebè kənyʉ̀ fa mò ngeŋ, ali gàʼa to kənyʉ̀ kì a Tìʼ ə ziʼi li mo nə̀ kəwenkə kə.

Joyn 8:58

Yesò ə bwensə gàʼ a vəwenə la, “Ma gaʼa a ghə̀ŋ tò no nəmwèʼè la, və sə bwi Ablaham mu ma sə diʼ.”

Shwèʼ 4:12

A diʼ tò wen nyɨŋ a ghə̀ zi ghə̀ bwòŋsə viʼi fà vəwenə a mbyɨsə byìʼe Nyìngòŋ ko mbè kù wùtsen a mbi no fa a mpfen a vəghəŋ zì vəghəŋ dzàŋə zhiʼ wen ə ghə̀ bwoŋsə vəghəŋ.”

Hibùlù 12:25

Ghə̀ŋ tuʼmə li kə wìʼ fa ghə̀ŋ a tyen la ghə̀ ko diʼ nzhʉ fa Yesò. Vunə Islel ə tyen li ə zhʉ fa wìʼ yi a ghə̀ nshə̀ʼtə̀ əsoʼ ə Nyìngòŋ a vəwenə a nse ə kwen a ngəʼ. Kə lə diʼi la vəghəŋ sətsen tyen ə zhʉtə gɨ Yesò mu ghə̀ lu fa kàŋ, ko vəghəŋ lu faŋ ke kwen a ngəʼ.

Hibùlù 2:3

Kə lə diʼi la, ando vəghəŋ sə diʼ mù və zhʉ li kənyʉ̀ kumə əbwoŋə ə kaynə ghə̀ yì a Nyìngòŋ ə ku lə, vəghəŋ sətsen faŋ ke zhʉtə, ko vəghəŋ lu ə nyɨŋ ngəʼ yì a Nyìngòŋ ə diʼ lù ku. Ntɨm a ghèn diʼ mu à nshə̀ʼtə̀ to no Bobo a ambì, viʼi vyi a və nzhʉ ə ndiʼ li làynsə a yès la ghə̀ diʼ to no nəmwèʼè.