Joyn 8:19 - The New Testament in the Babanki language

¹⁹ Vəwenə bèm a wen la, “Tìʼ wù na ghèn ə diʼ fe?” Yesò ə bwensə ə gàʼ la, “Ghə̀ŋ ko kɨ mo, kenla ghə̀ŋ kɨli Tìʼ ghom. Ghə̀ŋ tu kɨ mo, mu ghə̀ŋ kɨli Tìʼ ə ghom.”

Joyn 8:19 ပူးပေါင်းရင်းမြစ်များ

Matìyò 11:25

A zhʉ ayì Yesò lù ə̀ jɨ̀m à Tìʼ wen la, “Tìʼ ghom, Bobo a wù soʼo kaŋ nə̀ nse, mà ku kəzòŋ à wù byìʼàndo wu lyomtə li nyʉ̀ venə fa viʼi vyì a vəwenə kwòʼtə la vəwenə tofə alì ə dìʼ à viʼi a və dìʼì anə̀ vunə və bwaʼvə.

Joyn 1:10

Ntɨm ə Nyìngòŋ ə nvi li a mbi, ali viʼi mbyi mo wen no tèbe ando mbi ayi ndiʼ mu à shɨtə wen.

Joyn 1:18

Wìʼ ə ko tɨmə yen Nyìngòŋ. A diʼ to wàyn Nyìngòŋ yì əmùʼ a ghə̀ diʼi nkàyntə̀ Nyìngòŋ, mu nyʉ̀ʼ to a ben nə̀ Bobo, a ghə̀ diʼi li to ando Nyìngòŋ diʼ a viʼi.

Joyn 15:21

Və a nè nyʉ̀ venə a ghə̀ŋ alə̀ no ətsèm, byìʼì mò byìʼàndo vəwenə ko kɨ wìʼ yì a ghə̀ tɨmə mo.

Joyn 16:3

Viʼi ə nà nè nyʉ̀ a venə a ghə̀ŋ byìʼàndo vəwenə ə ko kɨ mo, ko və kɨ Tìʼ.

Joyn 17:3

Ə kiʼi ntsìnə̀ yì a ghə̀ ko lu mè, a diʼ la, vəwenə na kɨ wù yì a wù diʼ Nyìngòŋ mùʼ yi a ghə̀ diʼ nəmwèʼè, be kɨ Yesò Klistò yi a wù tɨmə lì.

Joyn 7:28

Və ə ngàʼa ali, Yesò ə bo ziʼi to viʼi a kəbəŋ kə ngə̀ŋ Nyìngòŋ. Ghə̀ be gàʼ a gɨ to la, “Ghə̀ŋ kwòʼtə̀ la ghə̀ŋ kɨli mò, kɨ kəshi kì a mà lù fa tsù a? Ma ko vi ashə fa mo ngeŋ. A tɨm wìʼ tɨm mo, ko ghə̀ŋ kɨ wen, ghə̀ gaʼa tò nəmwèʼè,

1 Kolìntyàns 15:34

Ghə̀ŋ bwensə vi a ghə̀ŋ a tətof, əghʉ̀sə mbyɨ shi a ghə̀ŋ ə ne. Ma gàʼà alə la ndi diʼsə kətʉ kəŋ kə byìʼì ando ghə̀ŋ vətsevə ko kɨ Nyìngòŋ.

Gàlesìyà 4:9

Alì ghə̀ŋ sə ə kɨ Nyìngòŋ luwen. Ma zì ma gaʼa la a diʼ Nyìngòŋ a ghə̀ kɨ ghə̀ŋ. Ghə̀ŋ zizi ghə̀ŋ be bwensə ə shyèʼ a nə̀ ə kəkòs a zhwì ə bwaʼvə kədyàŋ kədyàŋ venə a və soʼ mbyi lə? Byìʼì ghò a ghə̀ŋ kəŋ ə be ə kaʼkə əkòs a əzhwì bwaʼvə kədyàŋ kədyàŋ venə a?

Efisyàns 1:17

Ma zhʉ sə jɨ̀mə̀ no zhʉ̀ko, ma sə sensə la Nyìngòŋ yi a diʼ Nyìngòŋ ə Bobo vəghəŋ Yesò Klistò. Nyìngòŋ diʼ Ti yi a ghə̀ kiʼi kədyòʼ a ghə̀ a ku kəzhwì kə wen kì a kə kù ətof be diʼi laynsə nyʉ̀ ə kaynə və wen ndiʼ kə ne ghə̀ŋ ə nshɨtə kɨ wen.

Kòlòsyàns 1:10

Kenkə a ne ghə̀ŋ əntsi ntsìnə̀ yì a Bobo kəŋ, a diʼ yi a ghə̀ ne nsaŋlə to jisə tsèm, ntsìnə̀ na ghèn ne la ghə̀ŋ ne tənki tə shwèʼè tə jùŋ tə tò tətsèm be tuʼtə kɨ wen ə dyʉ̀ nə̀ mbì.

Kòlòsyàns 1:15

Wìʼ zizi ko ghə̀ lu yen Nyìngòŋ. Wàyn wen diʼ kədèmdèm kə wen. Ghə̀ diʼ kənfɨsə kə Nyìngòŋ. Mibu Nyìngòŋ nsə nè no ghò mu ghə̀ nsə diʼ. Ghə̀ di Wàyn mbì ə Nyìngòŋ.

Hibùlù 1:3

Wàyn wen na ghèn ə baynə, diʼi əghoʼ ə kaynə ghə̀ Nyìngòŋ, fɨsə Nyìngòŋ to nyʉ̀ ə tsèm. Əgàʼ ə wenə ə kiʼi kədyòʼ, ghə̀ ghaʼa mbyi ghèn no tsèm nə̀ wenə ghə̀. Ghə̀ ə mpfʉ li ə shʉ lyisə mbyɨsə viʼi ə bwensə kuʼ nyʉ̀ʼmə a kwoŋ ə toghə Nyìngòŋ yi a ghə̀ kiʼi kədyòʼ to akwi əfo ə tsèm.

1 Joyn 2:23

A tyèn tè ndò tyèn Wàyn mu ghə̀ tyen li Tìʼ. A byɨmə tè ndò byɨmə Wàyn mu ghə̀ byɨmə li Tìʼ.

1 Joyn 5:20

Vəghəŋ ə̀ bè kɨ la wàyn Nyìngòŋ ə̀ mvi li ə̀ dìʼsə̀ vəghəŋ la vəghəŋ nkɨ Nyìngòŋ yì a ghə̀ diʼì nəmwèʼè. Vəghəŋ sə diʼ a kənyʉ̀ kə mùʼ vəghəŋ və wen yì a ghə̀ diʼì nəmwèʼè bènə̀ wàyn wen ə Yesò Klistò. Ghə̀ dìʼ Nyìngòŋ yì a ghə̀ diʼ nəmwèʼè be diʼ əbwòŋ a ghə̀ ko lu mè.

2 Joyn 1:9

A ndyʉ̀ tè ndò nə̀ mbì, ə faŋ ke ntsi ando əziʼi Klistò ə gàʼà, mu ghə̀ ko diʼ wenə Nyìngòŋ. A ntsi tè ndò ando əziʼi ayi gàʼà dìʼ wenə Nyìngòŋ be diʼ wenə wàyn.