Joyn 8:14 - The New Testament in the Babanki language

¹⁴ Yesò ə gàʼ a vəwenə la, “no tebe ando ma gaʼa byìʼì ngeŋ ə ghom, kənyʉ̀ ki a ma gaʼa diʼ to no nəmwèʼè, byìʼàndo ma kɨli kəshi kì a mà lu fa tsu, ə be kɨ kəshi kì a ma dyʉ̀ tsu. Alì, wìʼ fa ghə̀ŋ ə ko kɨ la, mà lu fa fe lò, sə dyʉ̀ fe lo.

Joyn 8:14 ပူးပေါင်းရင်းမြစ်များ

Joyn 10:15

to ndə̀ŋndəŋ ando Tìʼ ghom ə kɨ mo, ma be kɨ wen. Ma tu ma ə pfʉ̀ byìʼì byisə shomsə.

Joyn 10:36

a lu be kwitə no ndò to ando Bobo sə diʼ mù ghə̀ ntsuʼli mò a wen a wù ə ntɨm a mbyi a? Kə le diʼ alə̀, ghə̀ŋ sə be ghamə mò a gho gaʼa la mà telə Nyìngòŋ, byìʼì ando ma gàʼa la ma diʼ wàyn wen a?

Joyn 13:3

Yesò nkɨ la Tìʼ əku li kədyòʼ a yi to akwi əfo ə tsèm, kɨ la ghə̀ lù fa ben Nyìngòŋ, diʼ ə bwenə ə dyʉ̀.

Joyn 14:10

Wù ko byɨmə la yo Tìʼ diʼ to kə nyʉ̀ kə mùʼ mu? Ənyʉ̀ vyi a ma gaʼa a ghə̀ŋ ko diʼ nyʉ̀ ə ngeŋ mò. A diʼ nyʉ̀ ə Tìʼ yi a ghə̀ kù kədyòʼ a mò, no məzhʉ̀ ə tsèm.

Joyn 16:28

Mà tə lù fa ben nə̀ Tìʼ mibu vi a mbyi, bwenə dyʉ̀ a ben nə̀ Tìʼ.”

Joyn 17:8

byìʼì ando mà shə̀ʼtə li ntɨm ə wù yì a wù tə ku la mà ku a vəwenə, vəwenə zhʉ̀, ə byɨmə. Vəwenə tə ə kɨ nəmwèʼè la mà lù fa wù ben, byɨmə la à tɨm wù ntɨm mo.

Joyn 18:37

Balèt ə bèm a wen la, “wù mu diʼ fòyn?” Yesò ə bwensə ə gàʼ la, “Wù gàʼa to no nəmwèʼè la ma diʼ fòyn. Və mbwi mo a fòyn, ma vi a mbyi a fòyn ə shə̀ʼtə̀ kənyʉ̀ ki a kə diʼ nəmwèʼè. Nò ndo yi a ghə̀ gàʼà nəmwèʼè ə zhʉ gɨ ghom.”

Joyn 5:31

“Mà sətsèn kaʼsə ə ngàʼa kumə wenə ghomə ko ghə̀ŋ lu byɨmə la kənyʉ̀ kì a ma gàʼà diʼ nəmwèʼè.

Joyn 8:42

Yesò ə gàʼ a vəwenə la, “Nyìngòŋ ə tu ndiʼ to no Tìʼ ghə̀ŋ, mu ghə̀ŋ kòŋ mò byìʼàndo mà lu fa ben nə̀ Nyìngòŋ. Ma ko tə vì fa mo ngeŋ. A ntɨmə Nyìngòŋ ətɨmə mò.

2 Kolìntyàns 11:31

Tìʼ Bobo Yesò, ə Nyìngòŋ yi a və diʼ nkuʼsə wen to məzhʉ̀ ə tsèm ə kɨ la ma ko zhò ndzɨŋ.

2 Kolìntyàns 12:11

Ma yi gàʼa to nə̀ kəkoynkə mu a ndiʼ mu à ten ghə̀ŋ la mà ngàʼà alì. Ma bwomsə li wenə ghomə, mu a yi ndiʼ kəshi ə kəŋkə̀ ghə̀ŋ bwomsə mò, ghə̀ŋ faŋ kò ghə̀ lə bwomsə. Ma ko kwʉ̀ʼ ə tèbe a kənyʉ̀ ali viʼi ntɨm venə a və lyɨ la və kuʼmə no nànto ə ko chò tebè mò no fa mpfen.

2 Kolìntyàns 12:19

Ghə̀ŋ kwòʼtə la yès nyoʼtə nyʉ̀ venə alə byìʼì ando yès ə kəŋ ntaŋ ə chʉ̀ yèsə laynə a ghə̀ŋ ashɨ mu? Jòʼ! yès ə gaʼa to nə̀ viʼi Yesò ashɨ Nyìngòŋ. Yès sə gaʼa nyʉ̀ a venə a ghə̀ŋ no ətsèm alə̀ to byìʼì ando yès ə kòŋ ghə̀ŋ, kəŋ la ghə̀ŋ nkwi a jisə yi a Nyìngòŋ ə kəŋ fa tsu a vəlemə.

Kəmwetə 1:5

Boŋə tyɨm bènə̀ mbwaʼmə̀ be diʼ à ghə̀ŋ fà Yesò Klistò ə wu yenə nəmwèʼè, à dìʼ mbì wìʼ a və nlùsə wen fa əpfʉ, à be soʼo wen soʼo təfòn tə mbi tèntə. Ghə̀ kòŋə̀ vəghəŋ. Ghə̀ shisə̀ li vəghəŋ fà vəghəŋ ə mbyɨsə chò fa wen ə mənlyuŋ a ghə̀ mpfʉ a kəntò ə̀ shʉ̀ʼ.

Kəmwetə 3:14

Ghə̀ bè gàʼ à mò la, “Nyòʼo à ntsɨ̀ŋ ə̀ ngə̀ŋ ə̀ Nyìngòŋ yì a ghə̀ ə diʼì a ntsèntə̀ viʼi və byɨməvə a Ladesiyà la: Ghèn diʼ ə ntɨm a ghə̀ lu fà wìʼ yì a dzàŋə̀ nə̀ Amèyn, à diʼ ə̀ wen diʼ wu jùŋ yì a diʼì wu yen nəmwèʼè byìʼì Nyìngòŋ. Nyìngòŋ ə̀ nshɨ̀tə no ghò a mbi ə chò fà wen.