Joyn 7:33 - The New Testament in the Babanki language

³³ Sə dyʉ̀, Yesò ə gàʼ a vəwenə la, “Mà ndiʼ vəghəŋ to fəshinə fə zhʉ̀ alə̀ ə be bwenə dyʉ̀ a wìʼ yì a ghə̀ tɨmə mò.

Joyn 7:33 ပူးပေါင်းရင်းမြစ်များ

Ŋwàʼlə̀ Mak 16:19

Bobo Yesò nè gàʼ à ndzɨ̀mtə̀sə bàm wen ə̀ myètə̀, və kuʼsə wen a kàŋ ə̀ ŋwʉ̀ʼsə wen a shyə kwoŋ toghə Nyìngòŋ.

Joyn 13:1

Andiʼ ando əchʉʼ ndiʼ ne layn və zhɨ̀ kətsi kə Məzaʼsə, mu Yesò sə kɨ la zhʉ̀ kʉʼʉ li la ghə̀ lu fa mbyi ashə ə dyʉ̀ a ben Tìʼ. Ghə̀ kòŋ viʼi wen vyi a və ndiʼ a mbyi, faŋ sə kòŋ vəwenə ə zàʼa ando ghə̀ moʼtə mbyi ghèn.

Joyn 13:3

Yesò nkɨ la Tìʼ əku li kədyòʼ a yi to akwi əfo ə tsèm, kɨ la ghə̀ lù fa ben Nyìngòŋ, diʼ ə bwenə ə dyʉ̀.

Joyn 13:33

Mà ko be diʼ ə ndiʼ vəghəŋ a kəghaf a vù vwomə. Ghə̀ŋ kəŋ mò nənlù, mu ma dyʉ̀ li akəshi, mu ghə̀ŋ zizi ko ghə̀ŋ lu vi tsu. Ma shə̀ʼtə̀ a ghə̀ŋ luwen, to ndə̀ŋndəŋ ando mà sə diʼ mù ma shə̀ʼtə̀ li a viʼi Jus.

Joyn 14:12

Ma gaʼa a ghə̀ŋ no nəmwèʼè la, a byɨmə no ndò a mò, ghə̀ a nè tənki tə nyʉ̀ titə a ma nè be nè chò no fa ali byìʼàndo ma bwenə dyʉ̀ a Tìʼ.

Joyn 14:19

A laʼtə to lə, ko viʼi mbyi be yen mo, ali ghə̀ŋ yenə. Byìʼàndo ma tsi, ghə̀ŋ be boŋ tsi.

Joyn 14:28

Ghə̀ŋ ə zhʉ to ando mà gàʼ la, ‘Ma wʉ̀sə ghə̀ŋ ə dyʉ̀ bwensə vì a ghə̀ŋ.’ Ghə̀ŋ tu kòŋ mo, mu ghə̀ŋ saŋlə la ma dyʉ̀ a ben Tìʼ byìʼàndo Tìʼ ŋaŋtə chò mò.

Joyn 16:10

ə diʼ jisə tɨməsə byìʼàndo mà sə dyʉ̀ a ben ə Tìʼ ghom, ko ghə̀ŋ be ə diʼ ə yen mo.

Joyn 16:28

Mà tə lù fa ben nə̀ Tìʼ mibu vi a mbyi, bwenə dyʉ̀ a ben nə̀ Tìʼ.”

Joyn 16:5

Luwen ma dyʉ̀ a ben nə̀ wìʼ yi a ghə̀ tə tɨm mo, ali wìʼ fa ghə̀ŋ ə ko bèmə tebè la ma dyʉ̀ fè lò?

Joyn 17:11

Luwen diʼ alə̀, ko ma diʼ ə faŋ a mbyi, ali vəwenə bo diʼ to mbyi. Tìʼ ghom ə laynə, tuʼmə nə̀ vəwenə a wù kədyòʼ, a yi kədyòʼ kì a wù tə kù a mò ndi vəwenə ndiʼ to a kənyʉ̀ kə mùʼ to ndə̀ŋndəŋ ando yowù diʼ to a kənyʉ̀ kə mùʼ.

Joyn 17:13

Luwen diʼ alə ma vi a wù, ali sə gàʼa nyʉ̀ a venə, bo diʼ to a mbyi ə nè la vəwenə kiʼi saŋlə a vəwenə a tətyɨm, ghə̀ kwʉ̀ʼ to ndə̀ŋndəŋ ando ma kiʼi.

Joyn 20:17

Yesò ə gàʼ a wen la, “kə wù ghaʼ mo byìʼì ando mà ko təmə bwenə ə dyʉ̀ a Tìʼ. Boŋsə dyʉ̀ gàʼ a vəlemə vwomə la ma bwenə dyʉ̀ ə yen Tìʼ ghom yi à be diʼ Tìʼ vəwenə, ə Nyìngòŋ ghom yi à diʼ Nyìngòŋ ə vəwenə.”

Joyn 9:4

Vəghəŋ diʼ ə nè to shyèʼ ə wìʼ yì a ghə̀ tɨmə mo, a zhʉ kəbəŋ kə bo baynə byìʼàndo kəbəŋ kə sə fenə vi, a diʼ əzhʉ̀ mu wìʼ zizi ko ghə̀ lu be shyèʼ kənyʉ̀ tsu.