Joyn 7:31 - The New Testament in the Babanki language

³¹ Nò tèbe ali, ngwaʼ viʼi fa tyi nòyn a yi mbyɨmə li a wen, byìʼàndo vəwenə ə ko yenə la wìʼ ə tsen lu be vì a və Ntsuʼ Li ə ne nchwisə nyʉ̀ ə kaynəvə ə tsenəvə, və chò vyi a wìʼ na ghèn ə nè li.

Joyn 7:31 ပူးပေါင်းရင်းမြစ်များ

Matìyò 12:23

No viʼi vətsèm a və ndiʼì tsu sə diʼ nə̀ kaynə ə̀ bèm la, “Wù lè gaʼa ghèn ko diʼ wàyn fòyn Devìt a vəghəŋ tə nkə̀ʼtə̀ lì a?.”

Ŋwàʼlə̀ Luk 8:13

Ayi a ghə̀ nfəŋkə a təghu diʼ tò nə̀ viʼi vyi a və zhʉ kənyʉ̀ akì, və zaŋsə byɨmə tò a fəshitə̀ fə zhʉ alə̀, mwòmsə vi, vəwenə nfɨŋ tò fa zhʉ.

Joyn 11:45

Viʼi Jus no vəghoʼo a və vi ə yen Mèli ə nyenli kənyʉ̀ kì a Yesò nè ə byɨmə a wen.

Joyn 12:11

byìʼàndo viʼi Jus no vəghoʼo ə nsə nyɨŋ dyʉ̀ to fa bàm Yesò, byɨmə a wen byìʼì kənyʉ̀ ki a ghə̀ nè a Lazalùs.

Joyn 12:42

Nò tèbe ali, viʼi vətsevə nə̀ viʼi Jus vətsevə və ə byɨmə li a Yesò, to kədə̀ŋ, ali ko və lù fʉ̀ a ndayn byìʼàndo vəwenə ə mfwàynə̀ la və fʉ, viʼi Falàsi a dzɨ̀m vəwenə fa ngə̀ŋ ntsentə.

Joyn 2:11

Wokenkə ndiʼ mbì kənyʉ̀ kəkaynəkə a Yesò ə ne a ntə̀ʼ Kanà a loʼ Galìlì, ə diʼ kədyòʼ kə wen. Ndzɨ̀mtə̀sə bàm ə wen sə mu byɨmə ə wen.

Joyn 3:2

Ghə̀ ə vi li a Yesò nə̀ ntʉʼ ə tsen ə gaʼa a wen la, “Ndìʼsə̀, yès ə kɨli la wù diʼ ndìʼsə̀ a ghə̀ lu fa Nyìngòŋ byìʼì wìʼ ko diʼ a ghə̀ zizi ghə̀ nè nyʉ̀ ə kaynə venə a wù ne lə̀ a bwen la Nyìngòŋ diʼ wenə wen.”

Joyn 4:29

“Ghə̀ŋ vi yèn wìʼ a ghə̀ shə̀ʼtə no nyʉ̀ ə tsèm a ma ə ne li a. Wù gaʼa a ko diʼ wen wìʼ yì a və Ntsuʼ li, li a?”

Joyn 4:39

Viʼi Sàmalìyà fa loʼ a yi ə mbyɨmə li to kədə̀ŋ byìʼì kənyʉ̀ ki a wùwì yì ə gàʼ a vəwenə li la, “Ghə̀ shə̀ʼtə̀ li no gho a mà ne li.”

Joyn 6:2

ghə̀ sə ndyàŋə̀, ə nòynə ə viʼi və tsenəvə ə dyàŋ fa wen abàm, to kədə̀ŋ byìʼàndo vəwenə ndiʼ mu və yen li nchwisə nyʉ̀ ə kaynə və vyi a ghə̀ nè viʼi və kwaʼkəvə, və to.

Joyn 7:26

Wìʼ ghèn sə gaʼa to no ashɨ ə viʼi, wìʼ ə ko gàʼ kənyʉ̀ a wen! wù gaʼa tʉtʉ mu lutə sù kɨ luwen la à diʼ to no wen yì a və Ntsuʼ li a?

Joyn 9:16

Viʼi Falàsi vətsenvə gàʼ la, “Wìʼ a ghèn ko diʼ wù ə Nyìngòŋ byìʼàndo ghə̀ ko bamə tebè kətsi kə tʉʼ lòʼ.” Alì vətsevə sə gàʼa la wù nyʉ̀ ə byɨvə zizi ko ghə̀ lu ə nè nyʉ̀ kaynə və alə. Nò zhʉ̀ko, kəngəsə kə fʉ̀ a və wenə a ntìntìn.

Shwèʼ 8:13

No tè Simon fà wen a ngeŋ be byɨmə ntɨm jùŋ ayì, ə̀ shì mu ə̀ faŋ sə diʼ tò wenə̀ Filib, be diʼ nə̀ kaynə byìʼì chwitə vi a Filib ndìʼì bènə̀ nyʉ̀ kaynəvə vi a ghə̀ ə̀ nè.

Jems 2:26

Kə mù sə diʼ la ando ə̀ kətsoʼ kə wèn kènə̀ kəzhwì kə diʼ mu kə pfʉ li, à bè dìʼ tò ndə̀ŋndəŋ ando byɨmə kènə̀ shyèʼè diʼ kəmpfʉ kə byɨmə.