Joyn 7:28 - The New Testament in the Babanki language

²⁸ Və ə ngàʼa ali, Yesò ə bo ziʼi to viʼi a kəbəŋ kə ngə̀ŋ Nyìngòŋ. Ghə̀ be gàʼ a gɨ to la, “Ghə̀ŋ kwòʼtə̀ la ghə̀ŋ kɨli mò, kɨ kəshi kì a mà lù fa tsù a? Ma ko vi ashə fa mo ngeŋ. A tɨm wìʼ tɨm mo, ko ghə̀ŋ kɨ wen, ghə̀ gaʼa tò nəmwèʼè,

Joyn 7:28 ပူးပေါင်းရင်းမြစ်များ

Matìyò 11:27

Yesò bè gàʼ à viʼi la, “Tìʼ ghom ə ku li tofə nyʉ̀ tsèm à mò. Wìʼ zì kò ghə̀ lə̀ kɨ̀ wàyn à bwen tò tìʼ wen, kò a ndiʼ la wìʼ zì ghə̀ kɨ tìʼ a bwen tò wàyn bènə̀ viʼi vyi a wàyn kòŋə̀ ə shə̀ʼtə̀ à vəwenə.

Matìyò 2:23

Ghə̀ lù ə dyʉ̀ a shə loʼ sə̀ tsi a ntə̀ʼ tsen a və ndzàŋ nə̀ Nazalèt. Ghə̀ ne alì ndi lwinsə kənyʉ̀ kì a nshə̀ʼtə̀ sə ghoʼkə sə ngàʼa. Sə nlù gàʼ la,“Və lu dzàŋ wen nə̀ wyè wù Nazalèt”.

Matìyò 26:55

Yesò mù gàʼ à nòyn yi la, “Ghə̀ŋ fʉ sə vì nə̀ nyisə bènə̀ mbàŋsə əvì ghaʼ mo sə mà dìʼ tsoŋ ale? Gaʼa kò mà tə nzhʉsə̀ tò vəghəŋ à tì ngə̀ŋ Nyìngòŋ ghoʼo dìʼsə̀ kò ghə̀ŋ lu nghaʼa mò byìʼì ghò?

Ŋwàʼlə̀ Luk 10:22

Ando Yesò ngàʼ alì, ghə̀ mù gàʼ à ndzɨ̀mtə̀sə bàm wen la,“Tìʼ ghom kuli fo tsèm à mò. Wìʼ ko zì ghə̀ lə̀ kɨ wìʼ a wàyn diʼi wen a bwen tò tìʼ wen. Wìʼ ko zì ghə̀ kɨ wìʼ a tìʼ diʼ wen bwen tò wàyn, nə̀ viʼi vyi a wàyn tsuʼli ə dìʼ tìʼ wen à vəwenə.”

Ŋwàʼlə̀ Luk 2:11

Və bwili mbwòŋsə̀ lan a ghə̀ŋ a loʼo fòyn Devìt a diʼi Klistò a ghə̀ diʼi Bobo.

Ŋwàʼlə̀ Luk 2:39

Josèf wenə Mèli nè myètə no nyʉ̀ tsèm ando soʼ Bobo ngàʼà, vəwenə bwènə̀ pfwo a ntə̀ʼ Nazalèt a loʼo Galìlì.

Ŋwàʼlə̀ Luk 2:4

Josèf mù lù fa ntə̀ʼ Nazalèt a loʼo Galìlì dyʉ̀ a ntə̀ʼ Betə̀lèhem a loʼo Jùdiyà a ndiʼi kəshi a və bwì fòyn Devìt tsu ando ghə̀ nlu fa ngwàʼa fòyn Devìt.

Ŋwàʼlə̀ Luk 2:51

Ghə̀ lu a zhʉ a ghèn bwènə̀ shiʼi a Nazalèt wenə vəwenə mù zhʉmə vəwenə. Li wen ghʉ nyʉ̀ venə a wenə a tyɨm.

Joyn 1:46

Nàtanyèl mu bèm la, “A jùŋ zizi ghə̀ fʉ fa Nazalèt a?” Filib ə bwensə la, ghə̀ vi to vi ə yen.

Joyn 10:36

a lu be kwitə no ndò to ando Bobo sə diʼ mù ghə̀ ntsuʼli mò a wen a wù ə ntɨm a mbyi a? Kə le diʼ alə̀, ghə̀ŋ sə be ghamə mò a gho gaʼa la mà telə Nyìngòŋ, byìʼì ando ma gàʼa la ma diʼ wàyn wen a?

Joyn 12:49

Ma ko gaʼa nyʉ̀ fa mo ə ngə̀ŋ. A ntɨm Tìʼ ə tɨm mo la mà gàʼ, ə shə̀ʼtə̀ ji yi a zizi mà gàʼ fa tsu.

Joyn 14:10

Wù ko byɨmə la yo Tìʼ diʼ to kə nyʉ̀ kə mùʼ mu? Ənyʉ̀ vyi a ma gaʼa a ghə̀ŋ ko diʼ nyʉ̀ ə ngeŋ mò. A diʼ nyʉ̀ ə Tìʼ yi a ghə̀ kù kədyòʼ a mò, no məzhʉ̀ ə tsèm.

Joyn 14:31

ali viʼi mbyi diʼ ə̀ kɨ la ma kòŋ Tìʼ, be kɨ kənyʉ̀ kì a ghə̀ gàʼ la mà nè. “Ghə̀ŋ vì vəghəŋ lù fa akəshi ghèn.”

Joyn 16:3

Viʼi ə nà nè nyʉ̀ a venə a ghə̀ŋ byìʼàndo vəwenə ə ko kɨ mo, ko və kɨ Tìʼ.

Joyn 17:25

Tìʼ ə jùŋ yi a wù soʼo to ji tɨmə, viʼi mbyi ko kɨ wù ali ma kɨ, venə a wù kù a mò lə̀, kɨ la à tɨm wù tɨm mo.

Joyn 17:3

Ə kiʼi ntsìnə̀ yì a ghə̀ ko lu mè, a diʼ la, vəwenə na kɨ wù yì a wù diʼ Nyìngòŋ mùʼ yi a ghə̀ diʼ nəmwèʼè, be kɨ Yesò Klistò yi a wù tɨmə lì.

Joyn 3:2

Ghə̀ ə vi li a Yesò nə̀ ntʉʼ ə tsen ə gaʼa a wen la, “Ndìʼsə̀, yès ə kɨli la wù diʼ ndìʼsə̀ a ghə̀ lu fa Nyìngòŋ byìʼì wìʼ ko diʼ a ghə̀ zizi ghə̀ nè nyʉ̀ ə kaynə venə a wù ne lə̀ a bwen la Nyìngòŋ diʼ wenə wen.”

Joyn 3:33

No ndò a ghə̀ sətsen byɨmə kənyʉ̀ kì a ghə̀ gaʼa, mù ghə̀ ne diʼi la Nyìngòŋ ə diʼ wù nə̀ nəmwèʼè.

Joyn 5:32

Ma kɨli la wù kədyàŋ diʼ a ghə̀ gàʼà to nə̀ nchwò nsòʼ ə mò, no ghò yi a ghə̀ gàʼà kumə mò, a diʼ to nəmwèʼè.

Joyn 5:43

Mà vi à zhiʼ Tìʼ ghom, ko ghə̀ŋ lu byɨmə mo. Alì, mu wìʼ ə tsen sətsen vi no to fa wen a ngeŋ, a ghə̀ŋ a shisə wen.

Joyn 6:42

Vəwenə sə bèmə la, “a ko ghə̀ŋ diʼ Yesò to wàyn Josèf vəghəŋ kɨ tìʼ ə wen nə̀ liwen? Ghə̀ jèʼ ale ə sə gàʼà la ghə̀ shiʼi nvi fa kàŋ a?”

Joyn 7:14

To ando mə ntsi mə kəzhɨ na kenkə ə ngə̀li a kə ntìntìn, Yesò kuʼ dyʉ̀ a kəbəŋ kə ngə̀ŋ Nyìngòŋ ə ghoʼo, ə sə ziʼi viʼi tsu.

Joyn 8:14

Yesò ə gàʼ a vəwenə la, “no tebe ando ma gaʼa byìʼì ngeŋ ə ghom, kənyʉ̀ ki a ma gaʼa diʼ to no nəmwèʼè, byìʼàndo ma kɨli kəshi kì a mà lu fa tsu, ə be kɨ kəshi kì a ma dyʉ̀ tsu. Alì, wìʼ fa ghə̀ŋ ə ko kɨ la, mà lu fa fe lò, sə dyʉ̀ fe lo.

Joyn 8:16

Alì, mu ma diʼ ə soʼo wìʼ, mà ne soʼo to nəmwèʼè byìʼàndo ma ko diʼ mo nyɨŋ. Ma diʼ yo Tìʼ ghom, yi a ghə̀ tɨmə mo.

Joyn 8:19

Vəwenə bèm a wen la, “Tìʼ wù na ghèn ə diʼ fe?” Yesò ə bwensə ə gàʼ la, “Ghə̀ŋ ko kɨ mo, kenla ghə̀ŋ kɨli Tìʼ ghom. Ghə̀ŋ tu kɨ mo, mu ghə̀ŋ kɨli Tìʼ ə ghom.”

Joyn 8:26

Ənyʉ̀ ə diʼ to kədə̀ŋ a mà zizi mà gàʼ kumə ghə̀ŋ be ku ngəʼ a ghə̀ŋ fa tsu, ali ma ko ne tebè ali byìʼàndo wìʼ yi a ghə̀ tɨmə mo ə gaʼa to nəmwèʼè, ma gàʼa to kənyʉ̀ kì a ghə̀ gàʼa la mà gàʼ a viʼi mbyi.”

Joyn 8:42

Yesò ə gàʼ a vəwenə la, “Nyìngòŋ ə tu ndiʼ to no Tìʼ ghə̀ŋ, mu ghə̀ŋ kòŋ mò byìʼàndo mà lu fa ben nə̀ Nyìngòŋ. Ma ko tə vì fa mo ngeŋ. A ntɨmə Nyìngòŋ ətɨmə mò.

Joyn 9:29

Yès ə kɨ li la Nyìngòŋ ə ngaʼa li a Mosìs, ali yès ko kɨ no tèbe la wìʼ ə ghèn lù fa fe lo?”

Shwèʼ 17:23

byìʼàndo mà sə njèʼè kaʼa fa ntə̀ʼ ashə̀ ə̀ yen shi a ghə̀ŋ ghoʼsə vənyìngòŋ a vi tsu no ghoʼo. Ma be yèn kəshi kə kəku kətsen mu və nyòʼ li tsu la, ‘kèn dìʼ à Nyìngòŋ tsen a wìʼ ko kɨ.’ Nyìngòŋ aghèn a ghə̀ŋ gumlə̀ a ghə̀ŋ, ko kɨ̀ tè kɨ lə̀ dìʼ Nyìngòŋ yì a no nkàntə̀ mò shə̀ʼtə̀ nyʉ̀ venə luwèn byìʼì wen.

Lumans 1:28

Ando vəwenə tyenli əbyɨmə Nyìngòŋ, ghə̀ moʼtə li vəwenə a ntìntìn kwoʼtə ə nəkwoŋ ə vəwenə a ghèn, vəwenə sə kumə tsì, ne nyʉ̀ a və ko kwʉʼʉ.

Lumans 3:4

Kə zi ko kə lu ndiʼ ali! byìʼàndo Nyìngòŋ ə gaʼa to nəmwèʼè no tèbe azhʉ̀ a viʼi tsèntə to mbi ə tsèm ə zhò ndzɨ̀ŋ, to ndə̀ŋndəŋ ando və nyoʼo li a Ŋwàʼlə̀ Nyìngòŋ la: “kənyʉ̀ kə Nyìngòŋ kə diʼ to nəmwèʼè, Nyìngòŋ ə soʼo zhɨ̀ nsòʼ wen wenə viʼi.”

2 Kolìntyàns 1:18

Nyìngòŋ ə gaʼa to nəmwèʼè. Ma gàʼa to ndə̀ŋndəŋ a ghə̀ŋ la, ma ko tə ngaʼa təchʉ̀ tə bò a ghə̀ŋ.

2 Kolìntyàns 4:6

Nyìngòŋ ə nshɨtə mbyi ə gàʼ la, “Əbayn ə vi a ntìntìn kəbəŋ kə fenəkə.” Nyìngòŋ a ghèn ə nè li la əbayn ə vi a vəghəŋ a tətyɨm, ə diʼi əbayn ə wen a vəghəŋ, a diʼ yi a vəghəŋ ə yenə a kə̀ʼ ə̀ Yesò.

Taytùs 1:2

Jì nəmwèʼè aghèn ə nè la vəwenə nkɨ nəmwèʼè la Nyìngòŋ lu nè vəwenə kiʼi əbwòŋ yi a ghə̀ ko lu mè. Nyìngòŋ ko nə̀ nzhò ndzɨ̀ŋ. Əbwòŋ aghenə diʼ mu à nghʉ̀ Nyìngòŋ mibu mbi sə zìtə̀.

Hibùlù 6:18

ndiʼ vəghəŋ yen nyʉ̀ na venə la bò a ghə̀ zizi ko ghə̀ lu zhò ndzɨŋ kumə əwenə və lə, a və lɨ̀msə̀ vəghəŋ vi a və nyɨŋ dyʉ̀ lyomtə a ben Nyìngòŋ ə ne vəghəŋ ə ntùʼtə̀, kɨ nəmwèʼè la və lu kiʼi kəfo kì a və ki dyʉ̀sə nə̀ kəwenkə.

1 Joyn 5:10

No ndò a ghə̀ byɨmə à wàyn Nyìngòŋ ə kɨ kənyʉ̀ akènkə tò a wen a tyɨm. Wìʼ a ghə̀ ko byɨmə Nyìngòŋ, ə ne li wen a wù ndzɨ̀ŋ byìʼàndo ghə̀ ko byɨmə kənyʉ̀ a Nyìngòŋ ə gàʼà byìʼì wàyn wen.