Joyn 7:19 - The New Testament in the Babanki language

¹⁹ A Mosìs ə ku li Əsoʼ a ghə̀ŋ ali no wìʼ ə mùʼ fa ghə̀ŋ a ntìntìn ə ko ghʉ tebè Əsoʼ a yi. Ghə̀ŋ kəŋ ə zhwi mo a gho?”

Joyn 7:19 ပူးပေါင်းရင်းမြစ်များ

Matìyò 12:14

Və Falàsi vi lù fʉ̀kə̀ mù dyʉ̀ sə baʼtə̀ jisə əzhwi Yesò.

Matìyò 21:38

Viʼi shwèʼè sɨ̀m a vyi nè dyʉ̀ yen wàyn yì tò yenə, kwòʼtə̀ à vəwenə ngəŋsə la, Ghèn dìʼi ne ndiʼ njɨ̀ngə̀ŋ tì sɨ̀m ghèn. Vəghəŋ ghaʼ wen zhwi ndi lyɨ fo vi a ghə̀ tə ndiʼ ne lyɨ̀ lì.

Ŋwàʼlə̀ Mak 11:18

Tʉtʉ vəpfèm və ngə̀ŋ Nyìngòŋ wenə̀ ndìʼsə̀sə təsoʼ nè zhʉ̀ kənyʉ̀ akì mù sə kəŋə ji əzhwi Yesò. Vəwenə mfànə̀ wen byìʼàndo nòyn yi no tsèm ndìʼ nə̀ kanə byìʼì nyʉ̀ a ghə̀ diʼsə.

Ŋwàʼlə̀ Mak 3:4

Ghə̀ chò, Yesò mù bèm à vəwenə la, “Soʼ byɨmə la və ne njùŋ a kətsi kə zhʉtəkə mu mbyɨ lo, ghə̀ byɨmə la və bwoŋsə wìʼ mu və zhwi wen zhwi lo?” Vəwenə chɨmə tò la kùʼ.

Ŋwàʼlə̀ Mak 3:6

Və Falàsi vi nè fʉ̀ no a zhʉ kò ə̀ ghàʼa ntsèntə̀ wenə̀ viʼi Helòd mù sə shɨ̀tə̀ jì əzhwi Yesò.

Joyn 1:17

Nyìngòŋ bè ə ku Əsoʼ, ghə̀ chò fa kəvu ə Mosìs. Ə kusə shinsə tə sə vi, no tèbe nə̀ ghoʼ yi a ghə̀ diʼi nəmwèʼè, chò ji fa kəvu ə Yesò Klistò.

Joyn 10:39

Ghə̀ gàʼ ali, viʼi a venə sə be mwomsə ə ghaʼa wen, ali ghə̀ nyɨŋ fʉ̀.

Joyn 11:53

Ə zìtə̀ fa kətsi na yi, vəwenə sə baʼtə̀ ə zhwi Yesò.

Joyn 5:16

Vəwenə zìtə̀ ə sə tenlə nə̀ Yesò byìʼì ando ghə̀ chʉʼ wìʼ a kətsi kə chʉʼ lòʼ.

Joyn 5:18

Əgaʼa ghenə mu ne viʼi Jus mu sə kəŋ jisə ə zhwi wen byìʼì ando ghə̀ nko kwaʼa to soʼ kətsi kə tʉʼ loʼ, ali be sə toŋtə Nyìngòŋ nə̀ Tìʼ wen diʼi la ghə̀ diʼi ndə̀ŋndəŋ wenə Nyìngòŋ.

Joyn 5:45

Kə ghə̀ŋ ne kwoʼtə la a ne ghàm mò ghàm ghə̀ŋ a shɨ Tìʼ ə ghom, a ne ghàm to Mosìs yi a ghə̀ŋ ə ghʉ̀ kwòʼtə̀ ə ghəŋə a wen.

Joyn 7:1

A sə ndiʼ fa abàm nyʉ̀ venə, Yesò mu sə jèʼe kaʼkə to fa Galìlì, ko ghə̀ be kòŋ ə dyʉ̀ a Jùdiyà byìʼàndo viʼi Jus ndiʼ tsu, kəŋə ə zhwi wen.

Joyn 7:25

Ando ghə̀ gàʼ ali no zhʉ ko, viʼi Jelusalèm vətsenvə sə bèmə̀ la, “a bwen wìʼ yi a ghə̀ŋ kəŋ ə zhwi lì.

Shwèʼ 7:38

A bè dìʼ tò wen a ghə̀ ndiʼì we vu Islel ando vəwenə ntsèntə̀ a nse zɨm. Ghə̀ ndìʼ tsu wenə̀ vətìʼ və vəghəŋ və mbì bènə̀ ntsɨ̀ŋ ngə̀ŋ Nyìngòŋ yì a ghə̀ ə gàʼ à wen a pfèn Sinyà ə̀ kù təsoʼ tìtə la ghə̀ ku à vəghəŋ.

Gàlesìyà 3:19

Əshyèʼ əsoʼ lə̀ diʼ no ghò? Nyìngòŋ ə nkù Əsoʼ ə kwʉ̀ʼsə a məkàyn mèyn ndiʼ wìʼ ne fəŋə, ghə̀ kɨ la ghə̀ nè li mbyɨ. Əsoʼ ndiʼ ə ndiʼ to diʼi ə zaʼa ando wàyn a Nyìngòŋ ə ghʉ kənyʉ̀ ken byìʼì wen vi. Nyìngòŋ ntɨm ə ntsɨŋsə wen la vəwenə ku əsoʼ a Mosìs la ghə̀ chòsə̀ a viʼi. Mosìs ndiʼ wìʼ a ghə̀ nti a ntìntìn Nyìngòŋ wenə viʼi.

Gàlesìyà 6:13

No tèbe viʼi a vyi a və gaʼa la və diʼ ə shətə ndyə̀ viʼi li ko ghʉ tebè Əsoʼ, ali kəŋ to la və shətə ndyə̀ ghə̀ŋ ndiʼ vəwenə nə̀ jèʼe kùmə̀ kədyʉ̀ʼ, gàʼa la ghə̀ŋ nè li kənyʉ̀ kì a vəwenə ə kəŋ.