Joyn 7:14 - The New Testament in the Babanki language

¹⁴ To ando mə ntsi mə kəzhɨ na kenkə ə ngə̀li a kə ntìntìn, Yesò kuʼ dyʉ̀ a kəbəŋ kə ngə̀ŋ Nyìngòŋ ə ghoʼo, ə sə ziʼi viʼi tsu.

Joyn 7:14 ပူးပေါင်းရင်းမြစ်များ

Matìyò 21:12

Yesò dyʉ̀ kwen a tì ngə̀ŋ Nyìngòŋ ghoʼo sə̀ dzɨ̀mə̀ viʼi vyi a və mbaʼlə̀ be zenə tsu no vətsèm. Ghə̀ tenlə chiʼ vi a viʼi nkwitə ko à yì a yi kətʉ be tenlə kɨ a viʼi mbaʼlə̀ làto tsu mòʼlə̀ a nse,

Matìyò 26:55

Yesò mù gàʼ à nòyn yi la, “Ghə̀ŋ fʉ sə vì nə̀ nyisə bènə̀ mbàŋsə əvì ghaʼ mo sə mà dìʼ tsoŋ ale? Gaʼa kò mà tə nzhʉsə̀ tò vəghəŋ à tì ngə̀ŋ Nyìngòŋ ghoʼo dìʼsə̀ kò ghə̀ŋ lu nghaʼa mò byìʼì ghò?

Ŋwàʼlə̀ Luk 19:47

Yesò zìtə̀ mù sə zhʉsə ziʼi a ngə̀ŋ Nyìngòŋ tò mətsi tsèm. Tʉtʉ vəpfèm və ngə̀ŋ Nyìngòŋ nə̀ ndìʼsə̀ sə təsoʼ bènə̀ vəchəʼ və loʼ mù sə kəŋ jì əzhwi wen,

Joyn 18:20

Yesò ə bwensə gàʼ la, “Mà tə gaʼa fa kəghaf no a viʼi və tsèm, ziʼi a loʼ ntsèntə̀ tèbè a ngə̀ŋ Nyìngòŋ ə ghoʼo, a diʼ shi, a viʼi Jus vi tsèntə̀ tsu. Ma ko tɨmə nyoʼtə nyoʼtə gàʼa kənyʉ̀.

Joyn 5:14

Yesò ə ne be yen ə wen a ngə̀ŋ Nyìngòŋ ə gàʼ a wen la, “Wù to li luwen. Kə wù bè a nè mbyɨ, a bwen ali kənyʉ̀ kə a fʉ̀ a wù, to chò kwaʼa a yi.”

Joyn 7:2

A ndiʼ ali mu à faŋ to mətsi ə nshəʼ alə̀ ə kətsi kə kəzhɨ ə viʼi Jus a vəwenə ə zhɨ tò nsàŋ kə nvì,

Joyn 7:28

Və ə ngàʼa ali, Yesò ə bo ziʼi to viʼi a kəbəŋ kə ngə̀ŋ Nyìngòŋ. Ghə̀ be gàʼ a gɨ to la, “Ghə̀ŋ kwòʼtə̀ la ghə̀ŋ kɨli mò, kɨ kəshi kì a mà lù fa tsù a? Ma ko vi ashə fa mo ngeŋ. A tɨm wìʼ tɨm mo, ko ghə̀ŋ kɨ wen, ghə̀ gaʼa tò nəmwèʼè,

Joyn 7:37

A sə ndiʼ a kətsi kəzhɨ kə mwetə kə, andiʼ no kətsi kə kəzhɨ kə ghoʼo kə, Yesò ə lu tɨmə ə dzàŋ a gɨ̀ to ə gàʼ la, “Ətoŋ à mu ə zɨmə no ndo ghə̀ vi a mò a mà ku mu ghə̀ nyʉ̀.

Joyn 8:2

Ətʉʼ ə be ne sə laynə mu ghə̀ sə be diʼ a kəbəŋ kə ngə̀ŋ Nyìngòŋ, viʼi vì ŋwʉʼtə ə kaʼsə a wen a ben, ghə̀ shiʼi nyʉ̀ʼmə ə sə ziʼi vəwenə.

Joyn 8:20

Yesò ə nziʼi nyʉ̀ na venə, ashə a ngə̀ŋ Nyìngòŋ yi a və ghʉ kəku tsu. Alì, ko wìʼ nghaʼli wen byìʼàndo əzhʉ̀ yi a Nyìngòŋ ghʉ̀ la və ne ghaʼa wen nko təmə kwʉ̀ʼ.