Joyn 6:70 - The New Testament in the Babanki language

⁷⁰ Yesò ə gàʼ a vəwenə la, “A ghə̀ŋ kɨli la, a tə tsuʼ to no mò tsuʼ ghə̀ŋ venə njʉ̀sə̀ bò, ali wìʼ ə mùʼ diʼ a ghə̀ŋ a ntìntìn, a diʼ Deblə̀.”

Joyn 6:70 ပူးပေါင်းရင်းမြစ်များ

Joyn 13:18

“Ma ko gàʼa tebè a ghə̀ŋ və tsèm. Ma kɨli ghə̀ŋ vyi a mà tsuʼ li. Alì, kənyʉ̀ kì a və nyoʼ a Ŋwàʼlə̀ Nyìngòŋ la, ‘Wìʼ ne zhɨ̀ to yo wen, sə diʼ mù ghə̀ bwenə li dzèm əwen a mò’.

Joyn 13:2

Və ne sə zhɨ̀ azhʉ̀ pfwomə, a diʼ ali mu Deblə̀ ku li əkwoʼtə a Judàs Iskalìyòt, ə wàyn Simùn, la ghə̀ baʼlə Yesò.

Joyn 13:21

Yesò ə ngàʼa nyʉ̀ avenə alə kwòʼtə̀ ə wenə sə ku ngəʼ a wen no nànto. Ghə̀ mu gàʼ ə làynsə la, “Ma gaʼa a ghə̀ŋ no nəmwèʼè la wìʼ ə mùʼ fa ghə̀ŋ a ntìntìn ne ə baʼlə mo.”

Joyn 13:27

Judàs ə sə shi vi nə̀ kəbayn a kì a alə, Satan kwen a wen ə tyɨm. Yesò ə gàʼ a wen la, “Zaŋsə nè kənyʉ̀ kì a wù kəŋ ə nè.”

Joyn 15:16

A ko tə tsuʼ ghə̀ŋ tsuʼ mo. A tə lù mò tsuʼ ghə̀ŋ ə tɨm la ghə̀ŋ dyʉ̀ ə kumə ashɨ, a diʼ a yi a ghə̀ zizi ghə̀ tsi faŋ. Ghə̀ŋ nè ali, Tìʼ ghom a ku no tèbe ghò yi a ghə̀ŋ bèmə fa wen chò fa mo azhiʼ.

Joyn 15:19

Ghə̀ŋ tə ndiʼ viʼi mbyi mu vəwenə kòŋ ghə̀ŋ to nə̀ viʼi vəwenə. Luwen ə diʼ mù ma tə ə tsùʼtə shisə ghə̀ŋ fa mbyi, ghə̀ŋ ko diʼ viʼi mbyi. A le kənyʉ̀ ki a viʼi mbyi bàynə̀ ghə̀ŋ tsu.

Joyn 17:12

Ma tə ə tuʼmə nə̀ vəwenə ando yo vəwenə tə bò diʼ to muʼ, ə ghʉ̀ vəwenə akayn nə̀ kədyòʼ kì a wù kù a mò. No wù mùʼ ə ko lè, a bwen to yì a ghə̀ tə ndiʼ lù lè, ndi kənyʉ̀ ki a ŋwàʼlə̀ wù gàʼa kwʉʼ.

Joyn 2:2

Andìʼ ali, mu və be boŋ ə laʼa lam a ghenə a Yesò wenə ndzɨ̀mtə̀sə bàm ə wen.

Joyn 20:24

Yesò ə vì a dzɨ̀mtə̀ bàm wenə, ghətsen yi a əzhiʼ ə wen ndiʼ Tòmos, a diʼ wìʼ ə mùʼ fa ntìntìn shisə njʉ̀sə̀ bò, və toŋtə wen la Didimùs, ko diʼ wenə vəwenə.

Joyn 6:64

Ma shə̀ʼtə̀ no tèbe alə̀, ghə̀ŋ vətsenvə ko byɨmə.” Yesò ə ngàʼa ali byìʼàndo ghə̀ ə kɨ li viʼi a və ko lu byɨmə wen no fa mbì, be kɨ wìʼ yi a ghə̀ ndiʼ lu baʼlə wen.

Joyn 6:67

Ando sə bwenə ali, ghə̀ mu bèm a shisə njʉ̀sə̀ bò la, “Ghə̀ŋ be sə kə bwenə mu?”

Joyn 6:71

Ghə̀ ə ngaʼa ali, gàʼ Judàs ə wàyn Iskalìyòt yì a ghə̀ ndiʼ a ntìntìn ə̀ ndzɨ̀mtə̀sə bàm ə̀ wen njʉ̀sə̀ bò, ali diʼ lu baʼlə wen.

Joyn 8:44

Ghə̀ŋ diʼ vunə tìʼ ghə̀ŋ, ə Deblə̀, kəŋ ə nè to kənyʉ̀ ki a tìʼ ghèn ə kòŋ la ghə̀ŋ ə nè. Ghə̀ ə nzhwi viʼi no fa kənzìtə̀ kə mbi, ko andiʼ la ghə̀ kòŋ nəmwèʼè byìʼàndo ghə̀ diʼ wu ndzɨŋ. A diʼ a zhʉ a ghə̀ zhò ndzɨŋ ghə̀ diʼi ntsìnə̀ wen byìʼàndo ghə̀ diʼ wù ndzɨŋ, be diʼ to no tìʼ ndzɨŋ.

Shwèʼ 1:17

Judàs tə ndiʼ wù nòyn yès byìʼàndo Bobo tə ndiʼ mu ghə̀ tsuʼ li wen la yo vəwenə ntsèntə̀ shyèʼè a muʼu.”

Shwèʼ 13:10

ə̀ gàʼ à wen la, “Wù dìʼ alə̀, diʼ wù Deblə̀, wù ko kòŋ əyen kənyʉ̀ kə jùŋə kə no mpfen. Wù kɨ li jisə mənàŋ sə byɨsə no sətsèm, be mwòmsə əkaʼsə nyʉ̀ nəmwèʼè kùmə̀ Bobo a ndzɨ̀ŋsə.

1 Timotì 3:11

Ki vi a və shyèʼ a ngə̀ŋ Nyìngòŋ be diʼ nkiʼ ntsìnə̀ ə jùŋ, ko vəwenə gaʼa kùwòŋ, ali dìʼ tò a vəwenə a ətof, ne no te ghò tò nəmwèʼè.

Taytùs 2:3

Wù bè diʼ əziʼi ki vətovə to a ndə̀ŋndəŋ jì la vəwenə ntsi a nə̀ viʼi a vəwenə ku li tyɨm vəwenə à Nyìngòŋ, kə vəwenə gàʼà ənyʉ̀ byɨvə byìʼì viʼi vətsenvə, kèn la vəwenə nyʉ məlyʉ̀ʼ bomə̀. Vəwenə diʼ ə ndìʼsə̀ tò ənyʉ̀ juŋəvə

1 Joyn 3:8

A ə nè tè ndò nè mbyɨ mu ghə̀ dìʼ wù Deblə̀, byìʼàndo Deblə̀ ə ne li mbyɨ fa kənzìtə. Kənàʼ kə kənyʉ̀ a wàyn Nyìngòŋ ə̀ mvi a mbi dìʼ la ghə̀ mvi əbyɨsə təshyèʼ tə Deblə̀.