Joyn 6:51 - The New Testament in the Babanki language

⁵¹ A diʼ to no mò diʼ fozhɨvə na venə a və shiʼi ə vi fa kàŋ. A zhɨ no ndo zhɨ fozhɨvə na venə, mu ghə̀ ko lu be pfʉ. Ə fozhɨvə na venə diʼ wen ə ghomə yi a ma ne kù ndiʼ viʼi mbyi ə kiʼi ntsìnə̀ yi a ghə̀ faŋ to ghayn ə mùʼ.”

Joyn 6:51 ပူးပေါင်းရင်းမြစ်များ

Matìyò 20:28

Kə diʼ tò ndə̀ŋndəŋ ando Wàyn Wìʼ ko tə vì la və shwèʼ à wen. Ghə̀ tə bòŋsə̀ vì nshwèʼè à viʼi, ə ku sò kətʉ wen əzen tʉ viʼi no vəghoʼo.”

Ŋwàʼlə̀ Luk 22:19

Ghə̀ bè lyɨ̀ kə̀bayn ə ku kəzòŋ a Nyìngòŋ ə byəʼlə ə gə̀tə̀ a vəwenə gaʼà la “kènkə diʼi wenə ghomə a və ku byìʼì ghə̀ŋ, ghə̀ŋ ne nè kènkə kwòʼtə̀ mò.”

Joyn 1:14

Ntɨm Nyìngòŋ na ghèn ə kaʼkə li sə diʼ wìʼ, ə vi tsitə a vəghəŋ a ntìntìn. Yès ə yen li kədyòʼ kə kaynəkə ə wen, kədyòʼ a ghə̀ kiʼi to nə̀ wàyn Nyìngòŋ a ghə̀ diʼ to əmùʼ li. Ghə̀ nlù fa ben ə Bobo ə vi kiʼi kusə nshinsə no mwènmwèn nə̀ no tèbe a ghò yi a ghə̀ diʼ nəmwèʼè kumə Nyìngòŋ.

Joyn 1:29

Ətʉ̀ʼ ə nlayn li, Joyn yen Yesò ando ghə̀ ə vi, ghə̀ diʼi wen a viʼi ə gàʼ la, “Ghèn diʼ wàyn BYI Njɨ̀ Nyìngòŋ yi a ghə̀ ne shi mbyɨsə viʼi mbyi!

Joyn 11:26

A tsi no ndò ə byɨmə a mò, ko ghə̀ lu be pfʉ no fa mphen.” Yesò ə gàʼ ali ə bèm a Matà la, “Wù byɨmə nakèn kə a?”

Joyn 3:13

Nò wìʼ ə mùʼ ə ko təmə kwèn akàŋ, chò to Wàyn Wìʼ a ghə̀ lu fa kàŋ ə shiʼi a nse.

Joyn 3:14

“Və diʼ lu ə ghaŋsə Wàyn Wìʼ a kwi fəkoʼ, ndə̀ŋndəŋ ando Mosìs ə ghaŋsə kə nshəʼsə kə zhù a və nshɨtə nə̀ tyaynə a nse zɨm,

Joyn 3:16

Byìʼì ando Nyìngòŋ nkòŋ li viʼi mbyi no nànto, ə tɨm wàyn wen tò əmùʼ yi a ghə̀ nkiʼi, la no ndò a ghə̀ byɨmə a wen, mu ghə̀ ko lu pfʉ lè, mu ghə̀ lu kiʼi bwòŋ yi a ghə̀ faŋ to ghayn əmùʼ.

Joyn 3:36

No ndò a ghə̀ byɨmə a wàyn Nyìngòŋ, mu ghə̀ lu kiʼi bwòŋ yi a ghə̀ lu faŋ to ghayn ə mùʼ. Ali no ndò yi a ghə̀ faŋ ke zhʉtə mu ghə̀ lu pfʉ ə lè byìʼì ando tyinə fwi Nyìngòŋ faŋ li to faŋə a wen a kətʉ.”

Joyn 5:24

“Ma gaʼa a ghə̀ŋ to no nəmwèʼè la no ndò yi a ghə̀ zhʉ kənyʉ̀ ki a ma gaʼa, ə byɨmə a wìʼ yi a ghə̀ tɨmə mo, ne kiʼi bwoŋ yi a ghə̀ faŋ to ghayn ə mùʼ. Və zizi ko və lu be soʼo wìʼ na ghèn. Kə diʼi la ghə̀ chò li fʉ fa pfʉ sə kiʼi ə ntsìnə̀ yi a ghə̀ ko be lu mè.

Joyn 6:33

Nkàyntə̀ ə fozhɨvə Nyìngòŋ ə diʼ wìʼ yì a ghə̀ lu fa kàŋ, əvì sə ku ntsìnə̀ a mbyi.”

Joyn 6:35

Yesò ə gàʼ a vəwenə la, “Ma diʼ kəfo kə zhɨkə kì a kə ku ntsìnə̀ a viʼi. A vi no ndò a mò, ko jɨŋ be lu zaf ə wen, mu à byɨmə no ndò a mò, ko ətoŋ a mu lu be zɨmə wen.

Joyn 6:41

Ghə̀ ngàʼà alì, viʼi Jus zhʉ ə sə dèmkə̀ byìʼì kənyʉ̀ ki a ghə̀ ə ngàʼà la ghə̀ diʼ ə fozhɨvə vyi a və lu fa kàŋ.

Joyn 6:47

Ma gàʼà a ghə̀ŋ to no nəmwèʼè la, à byɨmə no ndò mu ghə̀ lu kiʼi bwòŋ yi a ghə̀ ko lu mè.

Joyn 6:48

Ma diʼ ə fozhɨvə vyi a və ku ntsìnə̀ a viʼi.

Joyn 6:50

Ə fozhɨvə venə a ma gàʼà luwen diʼ ə fozhɨvə mu və shiʼi nvi fa kàŋ, mu wìʼ ə zhɨ, ko ghə̀ lu be pfʉ.

Joyn 7:38

A byɨmə no ndo a mò, ‘fwaynə a mù a ghə̀ ku Ntsìnə̀ a nfʉ̀ fa wen a wen,’ ndə̀ŋndəŋ to ando Ŋwàʼlə̀ Nyìngòŋ ə ngàʼa li.”

2 Kolìntyàns 5:19

Kənyʉ̀ ki a yès gàʼa diʼ la Nyìngòŋ ə mbaʼtə ntsìnə̀sə viʼi mbyi wenə vəwenə byìʼì kənyʉ̀ ki a Yesò ə nè. Ghə̀ lyesə li nku mbyɨsə viʼi ə be ku ntɨm a ghèn a yès viʼi ntɨm la yès ə nshə̀ʼtə̀ la ghə̀ kəŋ la viʼi vətsèm baʼtə̀ ntsìnə̀sə vəwenə, wenə və Nyìngòŋ.

2 Kolìntyàns 5:21

Nò tèbe Yesò fa wen a ngeŋ ə ko ne mbyɨ ali Nyìngòŋ ə lyɨ̀ wen a wu mbyɨ ndiʼ vəghəŋ chò fa wen ə nti a nkàyn ashɨ Nyìngòŋ.

Efisyàns 5:2

Ghə̀ŋ diʼ ə kòŋ viʼi vətsenvə to məzhʉ̀ ə tsèm to ndə̀ŋndəŋ ando Klistò ə nkòŋ vəghəŋ ə ku wèn ə wen a vəghəŋ akəshi. Ghə̀ nku wenə wen a Nyìngòŋ to ne kəkukə benə offiliŋ a kə nè Nyìngòŋ sə saŋlə no nànto.

Efisyàns 5:25

Ghə̀ŋ kòŋ ki ə vəŋə a lʉmə ndə̀ŋndəŋ ando Klistò ə nkòŋ ngə̀ŋ Nyìngòŋ ə ku wenə wen a pfʉ̀ byìʼì wen.

Taytùs 2:14

Ghə̀ nku li ə̀wen ə wen ə̀ zèn ətʉ vəghəŋ fa mbyɨsə no sətsèm ə̀ bè nè la vəghəŋ layn ə̀ kwʉ̀ʼ ə ndiʼ viʼi wen a və kòŋə̀ ə nè tò ənyʉ̀ juŋəvə.

Hibùlù 10:20

ghə̀ mbasə li kəbàs kə ndisə kì a kə ə nkɨŋtə vəghəŋ ə diʼ ji ə fi a vəghəŋ. Ji a ghèn ə diʼ ji yì a ghə̀ ne la vəghəŋ ə ntsi, kəbàs kə ə ndisə a kì diʼ ə wèn ə wen a və mbayntə a kəntò.

1 Bità 2:4

Ghə̀ŋ vi boʼsə Bobo Yesò Klistò. Ghə̀ diʼi ngùʼ, ghə̀ tsi mu viʼi ə ntemə maʼa la ghə̀ ko bòŋ, ali Nyìngòŋ ə yen la ghə̀ kuʼmə kwʉ̀ʼʉ̀ ə tsuʼ wen ə ghʉ.

1 Joyn 2:2

Ghə̀ dìʼ jì a Nyìngòŋ ə̀ ncho fa tsu ə̀ lyesə ku mbyɨsə vəghəŋ. Ghə̀ ə ko lyesə ku tò mbyɨsə vəghəŋ, alì ghə̀ lyesə ku mbyɨsə viʼi mbyi no vətsèm.

1 Joyn 4:10

Nkàyntə̀ əkòŋ dìʼ ghenə: kə ko diʼ tè la vəghəŋ ə̀ nkòŋə̀ Nyìngòŋ, alì ghə̀ kòŋ vəghəŋ ə̀ tɨ̀m wàyn wen ndi ə chò fà wen, ghə̀ lyesə ku mbyɨsə vəghəŋ.

1 Joyn 4:14

Vəghəŋ ə yen li be sə shə̀ʼtə̀ à viʼi vətsenvə la Tìʼ ə ntɨm li wàyn wen a nə̀ mbwòŋsə̀ viʼi mbyi.