Joyn 6:39 - The New Testament in the Babanki language

³⁹ Wìʼ yi a ghə̀ tɨmə mo ko kəŋ la no wìʼ ə mùʼ a ghə̀ ku li a mò le. Ghə̀ kəŋ la mà lu bwensə lùsə vəwenə fa pfʉ a kətsi kə bàm.

Joyn 6:39 ပူးပေါင်းရင်းမြစ်များ

Matìyò 10:15

Ma gaʼa a ghə̀ŋ nəmwèʼè la à lu ə ndiʼ a kətsi kə nsoʼ ə̀ Nyìngòŋ, ə ngəʼ ndiʼ a viʼi ntə̀ʼ a vyì chò to ando ghə̀ ndiʼ a viʼi Sodòm nə̀ viʼi Gòmolyà.

Matìyò 18:14

Kə diʼ tò ndə̀ŋndəŋ ando Tìʼ ghə̀ŋ a kàŋ ko kòŋ la wàyn muʼ fa ntìntìn vunə venə le.

Ŋwàʼlə̀ Luk 12:32

“Kə ghə̀ŋ à fwaynə, ando nòynə ghə̀ŋ tyetə, byiʼ ando Tìʼ ghə̀ŋ Nyìngòŋ kòŋ li əku soʼ fòyn wen à ghə̀ŋ.

Joyn 12:48

A tyen te ndo tyen mo nə̀ gàʼ ə ghomə, nyʉ̀ vyi a mà gàʼa lù soʼo wen a kətsi kə ə bàm.

Joyn 17:12

Ma tə ə tuʼmə nə̀ vəwenə ando yo vəwenə tə bò diʼ to muʼ, ə ghʉ̀ vəwenə akayn nə̀ kədyòʼ kì a wù kù a mò. No wù mùʼ ə ko lè, a bwen to yì a ghə̀ tə ndiʼ lù lè, ndi kənyʉ̀ ki a ŋwàʼlə̀ wù gàʼa kwʉʼ.

Joyn 17:2

byìʼì ando wù kù li kədyòʼ a wen a kətʉ̀ viʼi vətsèm ndiʼ ghə̀ nè, viʼi a wù kù a wen kiʼi ntsìnə̀ yi a ghə̀ ko lu mè.

Joyn 17:24

“Ma kəŋ a Tìʼ ghom la yo viʼi a wù kù a mò lu ndiʼ to akəshi kə mùʼ ndi vəwenə yen əghoʼ ə ghomə, a diʼ yi a wù kòŋ mò ə ku a mò, mibu wù shɨtə mbyi.

Joyn 17:6

“Ma diʼi li wù a viʼi a wù tə tsuʼtə shisə fa mbyi ə kù a mò. A tə ndiʼ viʼi vyə; wù ku a mò, vəwenə zhʉ̀ ntɨmə wù.

Joyn 17:9

“Ma ko jɨ̀mə̀ tebè a viʼi mbyi. Ma jɨ̀mə̀ a vəwenə vi a wù kù a mò, a diʼ viʼi vyə.

Joyn 18:9

Ghə̀ ngaʼa alə ndi kənyʉ̀ kì a ghə̀ ngàʼa a Tìʼ wen kwʉʼ la, “Nò wìʼ ko lè fa ntìntìn viʼi vyi a wù kù a mò.”

Joyn 5:28

Kə ghə̀ŋ ne ndiʼ nə̀ əkaynə ə kumə kənyʉ̀ na kèn byiʼàndo zhʉ̀ sə boʼsə vi a no viʼi və tsèm a və diʼi a təsè ne zhʉ gɨ Wàyn Wìʼ,

Joyn 6:37

Viʼi vyi a Tìʼ ə ghom əku li a mò ne vì a mò. Mà ko lu dzɨ̀m wìʼ a ghə̀ vi a mò,

Joyn 6:40

Tìʼ ə ghom ə kəŋ la no viʼi vətsèm a və yen li mo ə byɨmə a mò lu kiʼi bwoŋ yi a ghə̀ ko lu mè. Mà lu bwènsə̀ lùsə vəwenə fa pfʉ a kətsi kə bàm.”

Joyn 6:44

Tìʼ yì a ghə̀ tɨmə mo faŋ ke ne wìʼ la ghə̀ vì a mò, ko ghə̀ a vì. Ghə̀ sətsen ə vì, mu ma lu bwensə lùsə wen fa pfʉ a kətsi kə ə bàm.

Joyn 6:54

A zhɨ no ndò zhɨ əwenə ghomə be nyʉ mənlyuŋ mwomə, mu ghə̀ lu kiʼi bwoŋ yi a ghə̀ ko lu mè, a li ma be lùsə wen fa pfʉ a kətsi kə bàm,

Lumans 8:11

Kəzhwì kə Nyìngòŋ a ghə̀ ə nlùsə Yesò Klistò fa pfʉ sətsen ə ntsi a ghə̀ŋ a ntìntìn, Nyìngòŋ a ku ntsìnə̀ a ghə̀ŋ a wen ashə a ghə̀ diʼ lu ə pfʉ lə, chò fa wen a kəzhwì yi a kə tsi a ghə̀ŋ a ntìntìn.

1 Kolìntyàns 6:14

Nyìngòŋ ə nlùsə li Bobo fa pfʉ̀, diʼ lù be lùsə nkàyntə̀ vəghəŋ chò fa wen a kədyòʼ.

2 Timotì 2:19

Alì kə to ə nə̀ʼsə kəchɨ kə ngə̀ŋ ki a Nyìngòŋ ə dìʼ mu ghə̀ we li a diʼ Klistò. Və nyoʼ li la, “Ghə̀ kɨ viʼi a və diʼ viʼi wen,” bè nyòʼ la, “No mə ndò yi a ghə̀ gàʼà la ghə̀ dzɨ̀mtə̀ Bobo ə diʼ ə ghʉsə ənyʉ̀ ə byɨvə vyi a ghə̀ nè.”

Jems 5:15

Vəwenə sətsèn ə nè jɨ̀m aghenə byɨmə, Nyìngòŋ à chʉʼ wu kwaʼa ayì, Bobo be lùsə wen fa kwaʼa. A be ndiʼ la ghə̀ ne li mbyɨ, Bobo à lyèsə̀ mbyɨ wen ayì.

1 Bità 1:5

Nyìngòŋ ə kəŋə ghə̀ŋ nə̀ kədyòʼ kì a ghə̀ kiʼi. Ghə̀ ne kəŋə byìʼì ə byɨmə ə ghəŋə, ghə̀ŋ diʼ lù kiʼi əbwòŋ yì a ghə̀ baʼtə̀ li ə lu ku a ghə̀ŋ a ndayn a tʉʼ bàm.

Ŋwàʼlə̀ Jud 1:1

A nyòʼò mò Jud ə lèmə̀ Jems ə nyòʼtə̀ ŋwàʼlə̀ ghèn a ghə̀ŋ. Mà diʼ wù ə shwèʼè ə Yesò Klistò. Ma nyòʼò ŋwàʼlə̀ ghèn a ghə̀ŋ a vəlemə və jùŋ və vyi a və ndzàŋ li ə shisə, ghə̀ŋ sə tsi a tyì əkòŋ Nyìngòŋ Tìʼ, Yesò Klistò ə sə lye ghə̀ŋ.