Joyn 5:44 - The New Testament in the Babanki language

⁴⁴ Ghə̀ŋ kòŋ ə ntemə təpfem a ghə̀ŋ tə wen, ko ghə̀ŋ mwomsə ə kiʼi kùʼsə yi a ghə̀ vi fa Nyìngòŋ yì a ghə̀ diʼ to əmùʼ. Ghə̀ŋ lə zi ghə̀ŋ byɨmə ale?

Joyn 5:44 ပူးပေါင်းရင်းမြစ်များ

Matìyò 23:5

Vəwenə nè no mə ghò tò la və yen vəwenə. Vəwenə nè məmbòtə mə jɨm mə vəwenə a vəwenə kwiʼi à vəwenə à tʉ bènə̀ à vəwenə a kwoŋ nànkwè mə ghoʼkə̀. Vəwenə be nè mbwin vi a vəwenə chətə̀ à vəwenə a təsoŋ tə ndisə və dyə̀fkə̀ no nànto.

Ŋwàʼlə̀ Luk 19:17

Ghə̀ gàʼ à wù shwèʼ ayi la, ‘Wu ne li nkàyn! Wù diʼ wù shwèʼ jùŋə̀! Wu ne soʼo ntə̀ʼsə wum byiʼ ando ma yenli la wu kɨli ətùʼmə̀ nə̀ məfotə mə tyetə mə.’

Joyn 12:43

Vəwenə ə kòŋ la viʼi mbwomsə vəwenə chò la a mbwomsə Nyìngòŋ.

Joyn 17:3

Ə kiʼi ntsìnə̀ yì a ghə̀ ko lu mè, a diʼ la, vəwenə na kɨ wù yì a wù diʼ Nyìngòŋ mùʼ yi a ghə̀ diʼ nəmwèʼè, be kɨ Yesò Klistò yi a wù tɨmə lì.

Joyn 3:20

Nò ndò yi a ghə̀ ne nyʉ̀ ə byɨvə ko kòŋ əbayn, ko ghə̀ lu kòŋ ə fʉ̀ fa tsu, ə nyʉ̀ ə byɨvə ə wen a fʉ̀ a ndayn.

Joyn 5:41

“Ma ko kəŋ la viʼi ntemə təpfem a mò.

Joyn 8:43

Byìʼì ghò a ghə̀ŋ ko zhʉ kɨ kənyʉ̀ kì a ma gaʼa a? A diʼ byìʼàndo ghə̀ŋ ko kòŋ ə zhʉ.

Lumans 2:10

Nyìngòŋ ə lu nè a vəwenə ali ə ku əghoʼ nə̀ əkuʼsə nə̀ mbwaʼmə no tèbe ando yi a ghə̀ tsi ntsìnə̀ ə jùŋ, zìtə̀ nə̀ viʼi Jus a mbì, kumtə nə̀ viʼi ətɨm.

Lumans 2:29

Nkàyntə̀ wu ə Jus ashɨ Nyìngòŋ ə diʼ byìʼì ntsìnə̀ wen. Ə shətə ndyə̀ a ji nəmwèʼè, diʼ a wu a tyɨm, a diʼ shwèʼè kəzhwì, a kodiʼ əsoʼ yì a və nyòʼ. Nkàyntə̀ wu ə Jus na ghèn diʼ, a bwomsə Nyìngòŋ bwomsə wen, a ko bwomsə viʼi.

Lumans 2:7

Nyìngòŋ ə lu ku əbwòŋ yì a ghə̀ ko lu mè a viʼi vyi a və ghaʼa tyɨm ati shwèʼè ə jùŋ ghə̀, kəŋ to la ghə̀ ku əghoʼ a vəwenə nə̀ zhiʼ ə jùŋ ghə̀. Viʼi a vyi lu kiʼi əbwòŋ a ghèn nə̀.

1 Kolìntyàns 4:5

Ali, kə ghə̀ŋ tyinə nsòʼ ko ndiʼ la zhʉ̀ yi kʉʼʉ li. Ghə̀ŋ kəʼtə, Bobo vi. Ghə̀ a vi ə diʼ làynsə nyʉ̀ ə lyomtəvə vyi a və nyoʼtə ne a kəbəŋ kə fenəkə, ə shə̀ʼtə nyʉ̀ vyi a viʼi əkwoʼtə lyomtə a və wenə a tətyɨm. Nyìngòŋ ə mu bwomsə no ndò to ji a ghə̀ əshyèʼè.

2 Kolìntyàns 10:18

Kə diʼ alə̀ byìʼì ando wìʼ yi a ghə̀ diʼi la ghə̀ kwʉʼʉ li ko kwʉʼ no tebe a kəfo kətsen. A kwʉʼ to wìʼ yi a gàʼà Nyìngòŋ la ghə̀ kwʉʼʉ li.

Filìbàyns 2:3

Kə ghə̀ŋ a nkwòʼtə̀ tò byìʼì təwen ə təŋtə, kə wìʼ a ə nè kənyʉ̀ ə kuʼsə wèn ə wen. Ghə̀ŋ ə mbòŋsə̀ kiʼ ə shiʼsə wèn à ghə̀ŋ ə ntìntìn be lyɨ̀ la viʼi vətsenvə chò ghə̀ŋ.

1 Tèsàlonyà 2:6

Yes ə ko ə nè kənyʉ̀ la wìʼ fa ghə̀ŋ, kò no ndo bwomsə yes.

1 Timotì 1:17

Yes ə jɨ̀mə̀ la və ə kuʼsə fòyn yi a ghə̀ soʼo no məzhʉ ntsèm, a diʼ tò wen Nyìngòŋ, ko ndiʼ la ghə̀ lu ə pfʉ, viʼi ko yenə wen. Yes ə jɨ̀mə̀ la viʼi faŋ ə ngumlə̀ tò wen no to məzhʉ ntsèm. Amèyn.

Hibùlù 3:12

Vəlemə vwomə a byɨmə, ghə̀ŋ tuʼmə ə yen la kə wìʼ fa ghə̀ŋ a ntìntìn a ki ətyɨm ə byɨghə ə faŋ ke byɨmə ə nyɨŋ moʼtə̀ Nyìngòŋ yi a ghə̀ tsi diʼ.

Jems 2:1

Vəlèmə̀ vwomə, ando ghə̀ŋ ə diʼì viʼi vəbyɨməvə à Yesò Klistò ə Bobo kanə vəghəŋ, ghə̀ŋ ko diʼ nlyɨ̀ la wìʼ ə chò ghətsen.

1 Bità 1:7

Təmwòmsə̀ na tentə ə vi a ghə̀ŋ ə ne la viʼi yen əkɨ la ghə̀ŋ kiʼi no nkàyntə̀ əbyɨmə. Və nə̀ mwomsə gul nə̀ zhiʼ ali a diʼ kəfo a kə ko kuʼmə zàʼa tebè a nə̀ əbyɨmə, mu kə zi kə byɨf. Kə le diʼi la, və diʼ mwomsə əbyɨmə ə ghəŋə byìʼì ando à diʼ kəfo a kə kuʼmə chò gul ndiʼ à lù ndiʼ a kətsi a Yesò Klistò bwenə vì, Nyìngòŋ ə bwomsə ghə̀ŋ ə be ku əghoʼ ə wen a ghə̀ŋ.

Ŋwàʼlə̀ Jud 1:25

Vəghəŋ ə nkuʼsə Nyìngòŋ. A diʼ tò Nyìngòŋ mùʼ a ghə̀ diʼi Nyìngòŋ. A bwòŋsə̀ Nyìngòŋ bwòŋsə̀ vəghəŋ chò fa Yesò Klistò ə Bobo vəghəŋ. Ghoʼsə ndiʼ a Nyìngòŋ nə̀ gumlə. Nyìngòŋ a ghə̀ soʼo vəghəŋ ə diʼ fòyn, kiʼ kədyòʼ to məzhʉ̀ ə tsèm. Nyʉ̀ a venə no tsèm ndìʼ, diʼ luwen, diʼ lu ndiʼ to li no mənzhʉ̀ ntsèm. Amèyn.