Joyn 5:42 - The New Testament in the Babanki language

⁴² Ma kɨli tənkì tə viʼi vi a ghə̀ŋ diʼ vəwenə, kɨ la ghə̀ŋ ko kiʼi kòŋ Nyìngòŋ a ghə̀ŋ a tətyɨm.

Joyn 5:42 ပူးပေါင်းရင်းမြစ်များ

Ŋwàʼlə̀ Luk 16:15

Yesò mù gàʼ à vəwenə la, “A diʼ ghə̀ŋ vyi a ghə̀ŋ jèʼè diʼì a viʼi la ghə̀ŋ diʼ viʼi və jùŋ və, ali Nyìngòŋ kɨ tətyɨm təŋtə. No ghò a viʼi kwòʼtə̀ lyɨ̀ la à diʼ no kəfo diʼ tò kəfo kə tsoʼməkə à Nyìngòŋ.

Joyn 2:25

Wìʼ ə ko ə be diʼ ə shə̀ʼtə̀ kəfo shə̀ʼtə̀ a Wùmə̀nsòŋ diʼ kəwenkə a wen byìʼì ando ghə̀ nkɨ təkwòʼtə̀ tə viʼi.

Joyn 21:17

Yesò ə be toŋtə wen, à aghayn a tàʼ, ə gàʼ la, “Saymun, Wàyn Joyn, wù kòŋ mò?” Kənyʉ̀ a kì kə sə ku ngəʼ a Bità ando Yesò be kùmtə bèm li, à sə diʼ aghayn a tàʼ la, “Wù kòŋ mò?” Ghə̀ mu gàʼ a Yesò la, “Wù kɨli no tèbe ghò a Bobo. Wù kɨli la ma kòŋ wù.” Yesò ə gàʼ a wen la, “Wù a zhisə byisə vənjɨ̀ shomsə.

Joyn 5:41

“Ma ko kəŋ la viʼi ntemə təpfem a mò.

Joyn 5:43

Mà vi à zhiʼ Tìʼ ghom, ko ghə̀ŋ lu byɨmə mo. Alì, mu wìʼ ə tsen sətsen vi no to fa wen a ngeŋ, a ghə̀ŋ a shisə wen.

Joyn 5:44

Ghə̀ŋ kòŋ ə ntemə təpfem a ghə̀ŋ tə wen, ko ghə̀ŋ mwomsə ə kiʼi kùʼsə yi a ghə̀ vi fa Nyìngòŋ yì a ghə̀ diʼ to əmùʼ. Ghə̀ŋ lə zi ghə̀ŋ byɨmə ale?

Joyn 8:42

Yesò ə gàʼ a vəwenə la, “Nyìngòŋ ə tu ndiʼ to no Tìʼ ghə̀ŋ, mu ghə̀ŋ kòŋ mò byìʼàndo mà lu fa ben nə̀ Nyìngòŋ. Ma ko tə vì fa mo ngeŋ. A ntɨmə Nyìngòŋ ətɨmə mò.

Joyn 8:47

No ndò a ghə̀ diʼ wàyn Nyìngòŋ, ə zhʉ kənyʉ̀ kì a Nyìngòŋ ə gàʼa. Ghə̀ŋ ko zhʉ̀ byìʼàndo ghə̀ŋ ko diʼ vunə Nyìngòŋ.”

Joyn 8:55

Ghə̀ŋ ko kɨ wen, ali ma kɨ. Mà sətsen gàʼ la ma ko kɨ wen, kə a diʼi la ma zhò ndzɨŋ to nə̀ ghə̀ŋ. Ma kɨli wen, zhʉ wen.

Lumans 8:7

Wìʼ ə ghʉ̀ kətʉ kə wen a nyʉ̀ ə njòsə wen, və a ne la ghə̀ ə bàynə̀ Nyìngòŋ, ko ghə̀ zhʉ tebè əsoʼ ə wen, mu ghə̀ zizi ko ghə̀ lu kɨ ə zhʉ.

1 Joyn 2:15

Kə ghə̀ŋ a nkòŋə̀ mbi ghèn ko tè fo vi a və diʼi tsu. A nkòŋə̀ tè ndò ə kòŋə̀ mbi ghèn, kə a ndiʼi la ghə̀ ko kòŋ Tìʼ.

1 Joyn 3:17

Wìʼ sətsèn ə nkiʼ fo mbi venə no tsèm ə yèn lèmə̀ wen a ghə̀ ghò, alì ə̀ tyèn la ghə̀ ko kusə nshinsə à wen, əkòŋ ə Nyìngòŋ à ndiʼ à wen a ji kò?

1 Joyn 4:20

A sətsèn a gàʼ tè ndò la, “Mà kòŋə̀ Nyìngòŋ.” Alì bàynə̀ lèmə̀ wen mu ghə̀ zhò ndzɨ̀ŋ byìʼàndo Wìʼ ko zì ghə̀ faŋ ke nkòŋə̀ lèmə̀ wen a ghə̀ yenə, ghə̀ lu ə nkòŋə̀ Nyìngòŋ a ghə̀ nko təmə̀ yen wen.

Kəmwetə 2:23

Mà ne zhwilə viʼi vì a və dzɨ̀mtə̀ ntsìnə̀ wen ə ntsèntə̀sə viʼi və byɨməvə no sətsèm ə kɨ la mà dìʼ wìʼ yì a ghə̀ kɨ təkwòʼtə̀ tə viʼi bènə̀ ənyʉ̀ a vəwenə kòŋə̀ ənè. Mà ne lòʼ no ndò fà ghə̀ŋ ə ntìntìn to a jì a ghə̀ tə nshyèʼè fa tʉ.