Joyn 5:23 - The New Testament in the Babanki language

²³ ndi no viʼi vətsèm ə̀ gumlə Wàyn to ndə̀ŋndəŋ ando və gumlə Tìʼ. No ndo yì a ghə̀ faŋ ke gumlə wàyn, mu ghə̀ ko gumlə Tìʼ wen a ghə̀ tɨm ə wen.

Joyn 5:23 ပူးပေါင်းရင်းမြစ်များ

Matìyò 10:37

“A kòŋ no ndo kòŋ tìʼ wen be nə̀ li wen chò to ando ghə̀ nkoŋə mò, mu ghə̀ ko kwʉʼ ə ndiʼ ndzɨ̀mtə̀ bàm ə̀ mò; à ə kòŋ no ndo kòŋ wàyn wen chò ando ghə̀ nkòŋə̀ mò, mu ghə̀ ə ko kwʉʼ ə ndiʼ ndzɨ̀mtə̀ bàm ə̀ mò.

Matìyò 11:27

Yesò bè gàʼ à viʼi la, “Tìʼ ghom ə ku li tofə nyʉ̀ tsèm à mò. Wìʼ zì kò ghə̀ lə̀ kɨ̀ wàyn à bwen tò tìʼ wen, kò a ndiʼ la wìʼ zì ghə̀ kɨ tìʼ a bwen tò wàyn bènə̀ viʼi vyi a wàyn kòŋə̀ ə shə̀ʼtə̀ à vəwenə.

Matìyò 12:21

Viʼi təloʼ tə mbi no tətsèm lu nki tò wen la ghə̀ bwòŋsə vəwenə.”

Matìyò 15:8

Viʼi venə ghoʼsə̀ mò tò nə̀ chʉ, alì tətyɨm tə vəwenə tə diʼ kəghaf fà mò.

Matìyò 28:19

Ghə̀ŋ dyʉ̀ lì à viʼi no a təloʼ tətsèm shəʼtə̀ ntɨm jùŋə ghom à vəwenə ndi vəwenə byɨmə ə̀ dzɨ̀mtə̀ mò, ghə̀ŋ ku mu à vəwenə a zhiʼ Tìʼ nə̀ wàyn bènə̀ kəzhwì kə ŋwoʼkə,

Ŋwàʼlə̀ Luk 10:16

Ghə̀ gàʼ alì mù gàʼ à viʼi ntɨm vyi la,“No məndò a ghə̀ tyen əzhʉ ghə̀ŋ mu ghə̀ tyenli əzhʉ mò. No məndò a ghə̀ tyen mo mu ghə̀ tyenli wìʼ a ghə̀ tɨmə mo.”

Joyn 14:1

Yesò gàʼ a ndzɨ̀mtə̀sə bàm ə wensə la, “kə ghə̀ŋ nə̀ femsə təwen ə təŋtə. Ghə̀ŋ byɨmə a Nyìngòŋ, ə be byɨmə a mò.

Joyn 16:14

Ghə̀ a vi ə nè ghə̀ŋ kɨ nyʉ̀ ə vwomə, be nè a ji a ghèn, ghə̀ŋ yen kədyòʼ kì a ma kiʼi.

Joyn 17:10

Nò tèbe gho ghom diʼi kyəkə, no tèbe gho wù diʼ komə kə. Və ne li, ma sə kiʼi əkuʼsə.

Lumans 1:7

Ma nyoʼo ŋwàʼlə̀ ghèn a ghə̀ŋ viʼi Nyìngòŋ ə kòŋ a və tsi a ntə̀ʼ Lum no və tsèm. Nyìngòŋ ə dzàŋ li shisə ghə̀ŋ la ghə̀ŋ ndiʼ viʼi wen. Nyìngòŋ ə, Tìʼ vəghəŋ wenə Bobo Yesò Klistò ə ndiʼi ətyɨm ə jùŋə a ghə̀ŋ, ə kù mbwaʼmə a ghə̀ŋ.

Lumans 15:12

Nshə̀ʼtə̀ ə Isayà ngaʼa ə gàʼ la: “Wìʼ lu fʉ̀ fa ngwaʼa ə ngə̀ŋ nə̀ Jesì ə̀ soʼo viʼi kətɨm, vəwenə lu ghʉ təkwòʼtə̀ tə vəwenə a wen, ə byɨmə la ghə̀ diʼ ə mbwòŋsə̀ vəwenə.”

Lumans 6:22

A diʼ luwen mu və bwoŋsə li ghə̀ŋ fa mbyɨ, ghə̀ŋ sə ə boŋsə diʼ əkòs a Nyìngòŋ, əse yi diʼ la ghə̀ŋ sə tsi ətsìnə̀sə laynə sə, diʼ lu kiʼi ntsìnə̀ yì a ghə̀ ko lu mè.

Lumans 8:9

Alì fa ghə̀ŋ, ghə̀ŋ ko ghʉ tebè kətʉ ə kəŋkə̀ a nyʉ̀ ə njòsə wen. A tisə Kəzhwì kə Ŋwoʼkə tisə ghə̀ŋ a zhʉ a ghə̀ŋ kiʼi Kəzhwì kə Nyìngòŋ na kènkə nəmwèʼè. Nò tèbe ndo a ghə̀ ko kiʼ kəzhwì kə Yesò kodiʼ wù ə Yesò.

1 Kolìntyàns 1:3

Nyìngòŋ ə, Tìʼ vəghəŋ wenə Bobo Yesò Klistò diʼi ətyɨm ə jùŋə ghə̀ a ghə̀ŋ, ə be ku mbwaʼmə a ghə̀ŋ.

1 Kolìntyàns 10:31

Kə lə diʼ la, ghə̀ŋ sə nzhɨ̀ no tèbe ghò, kò ghə̀ŋ nyʉ nyʉ, kò ghə̀ŋ nè no tèbe ghò, ghə̀ŋ ne to ə ku kuʼsə a Nyìngòŋ.

1 Kolìntyàns 16:22

Wìʼ sətsèn diʼ ke kòŋ Bobo, Ndòyn a wen a kətʉ. Bobo vi a yès!

1 Kolìntyàns 6:19

Kə lə diʼ la ghə̀ŋ ko kɨ la ghə̀ŋ ə diʼ ngə̀ŋ Nyìngòŋ ə ku la Kəzhwì kə Ŋwoʼkə ntsi a ghə̀ŋ a ntìntìn mu. Ghə̀ŋ ko bè diʼ fa ghə̀ŋ a ngeŋ. A kiʼi Nyìngòŋ kiʼ ghə̀ŋ.

2 Kolìntyàns 1:9

Yès nko nkɨ la yès na bwoŋ. Alì na kèn kə tə fʉ̀ alə̀ ndi kə yès a ntsi a yès kədyòʼ ali boŋsə sə zhəʼtə a wen ə Nyìngòŋ, a diʼ Nyìngòŋ a ghə̀ lusə viʼi fa pfʉ.

2 Kolìntyàns 13:14

Bobo Yesò Klistò ndiʼi ətyɨm ə jùŋə ghə̀ a ghə̀ŋ, Nyìngòŋ be ndiʼi əkòŋ a ghə̀ŋ, kəzhwì kə Ŋwoʼkə faŋ to ghə̀ŋ no vətsèm.

2 Kolìntyàns 5:14

Yès nè shwèʼè ghenə mu yès zizi ko yès sə lu faŋ ke nè byìʼì ando Yesò ə kòŋ yès. Yès ə kɨ la ghə̀ mpfʉ̀ tò a viʼi vətsèm, kə diʼi la viʼi vətsèm ə lu ə pfʉ̀ boʼsə a wen.

2 Kolìntyàns 5:19

Kənyʉ̀ ki a yès gàʼa diʼ la Nyìngòŋ ə mbaʼtə ntsìnə̀sə viʼi mbyi wenə vəwenə byìʼì kənyʉ̀ ki a Yesò ə nè. Ghə̀ lyesə li nku mbyɨsə viʼi ə be ku ntɨm a ghèn a yès viʼi ntɨm la yès ə nshə̀ʼtə̀ la ghə̀ kəŋ la viʼi vətsèm baʼtə̀ ntsìnə̀sə vəwenə, wenə və Nyìngòŋ.

Efisyàns 6:24

Nyìngòŋ ə diʼi ətyɨm ə jùŋə ghə̀ a ghə̀ŋ vyi a ghə̀ŋ sə kòŋ Bobo vəghəŋ Yesò Klistò to kòŋ.

2 Timotì 1:12

A lə kənyʉ̀ ki a ma yen ngəʼ byìʼì kəwenkə, alì ken la ma ndiʼsə kətʉ byiʼ ando ma kɨ kɨ la ghə̀ tùʼmə̀ nə̀ mò ə zaʼa a kətsi a ghə̀ lu bwenə ə vi.

Hibùlù 1:6

A ndiʼ to ando Nyìngòŋ ə nkəŋ ə tɨm Wàyn wen yi a ghə̀ ŋaŋtə chò no ndò a mbyi, ghə̀ gàʼ la, “Ntsɨŋsə Nyìngòŋ no sə tsèm diʼ nkuʼsə wen.”

2 Bità 1:1

A nyoʼo mò Saymun Bità nyoʼo ŋwàʼlə̀ ghèn. Ma diʼ wù ə shwèʼè ə Yesò Klistò be diʼ wù ə ntɨm ə wen. Ma nyoʼo ŋwàʼlə̀ na ghèn a ghə̀ŋ vi a ghə̀ŋ byɨmə li a Yesò Klistò to nə̀ yes. Əbyɨmə na ghenə ə boŋə a ghə̀ŋ to ndə̀ŋndəŋ ando ghə̀ bòŋə a yès. Yesò Klistò ə ne vəghəŋ kiʼi əbyɨmə na ghenə byìʼì ando ghə̀ diʼi wu kənyʉ̀ kətɨməkə. Ghə̀ diʼ Nyìngòŋ ə vəghəŋ mu ghə̀ mbwòŋsə̀ li vəghəŋ fa mbyɨsə.

2 Bità 3:18

Ali ghə̀ŋ ə mbòŋsə kwi to kwi a ntìntìn boŋ tyɨm ə Bobo ə Mbwòŋsə̀ vəghəŋ Yesò Klistò be ziʼi ə nkɨ wen. Kuʼsə ə ndiʼ wen luwen, be zaʼa no fa ze. Amèyn.

1 Joyn 2:23

A tyèn tè ndò tyèn Wàyn mu ghə̀ tyen li Tìʼ. A byɨmə tè ndò byɨmə Wàyn mu ghə̀ byɨmə li Tìʼ.

2 Joyn 1:9

A ndyʉ̀ tè ndò nə̀ mbì, ə faŋ ke ntsi ando əziʼi Klistò ə gàʼà, mu ghə̀ ko diʼ wenə Nyìngòŋ. A ntsi tè ndò ando əziʼi ayi gàʼà dìʼ wenə Nyìngòŋ be diʼ wenə wàyn.