Joyn 5:15 - The New Testament in the Babanki language

¹⁵ Wìʼ ghèn mu lù a zhʉ a ghèn ə dyʉ̀ ə gàʼ a viʼi Jus a vi la, à tə chʉʼ Yesò chʉʼ wen.

Joyn 5:15 ပူးပေါင်းရင်းမြစ်များ

Ŋwàʼlə̀ Mak 1:45

Ghə̀ bòŋsə̀ dyʉ̀ sə kwe no ndo ghə̀ shə̀ʼtə̀ kənyʉ̀ akì tò shə̀ʼtə̀ à wen. Soʼgho ayì sàykə̀ a shi no tsèm, kə mù sə chò Yesò ə ghə̀ kwen a tì ntə̀ʼ ayì a dayn, ghə̀ mù sə jèʼè dyʉ̀ tò fa wenə̀ loʼ a nse zɨm. Alì viʼi be sə fʉ fa shi tsèm tò fʉ vi yenə wen tsu.

Joyn 1:19

Viʼi Jus vyi a və ndiʼ a Jelusalèm ə ntɨm li vəpfèm və ngə̀ŋ Nyìngòŋ nə̀ viʼi ngwaʼ ə ngə̀ŋ ə Levì la və dyʉ̀ ə bèm a Joyn ə ku a Mù la, ghə̀ diʼ ndò lo.

Joyn 4:29

“Ghə̀ŋ vi yèn wìʼ a ghə̀ shə̀ʼtə no nyʉ̀ ə tsèm a ma ə ne li a. Wù gaʼa a ko diʼ wen wìʼ yì a və Ntsuʼ li, li a?”

Joyn 5:10

Tʉtʉ viʼi Jus vətsevə ə nyen li, ə wen mu gàʼ a wen la, “Layn diʼ ə Chʉʼ lòʼ, Əsoʼ ə ko byɨmə la wù ə jèʼe chò nə̀ ghamə.”

Joyn 5:12

Vəwenə bèm a wen la, “A diʼ ndò na yi a ghə̀ gàʼ la wù lyɨ̀ ghamə ə wu ə njèʼè nə̀ wenə ghə̀ a?”

Joyn 5:16

Vəwenə zìtə̀ ə sə tenlə nə̀ Yesò byìʼì ando ghə̀ chʉʼ wìʼ a kətsi kə chʉʼ lòʼ.

Joyn 5:18

Əgaʼa ghenə mu ne viʼi Jus mu sə kəŋ jisə ə zhwi wen byìʼì ando ghə̀ nko kwaʼa to soʼ kətsi kə tʉʼ loʼ, ali be sə toŋtə Nyìngòŋ nə̀ Tìʼ wen diʼi la ghə̀ diʼi ndə̀ŋndəŋ wenə Nyìngòŋ.

Joyn 9:15

Viʼi Falàsi a vi ə bèm a wìʼ na ghèn la ghə̀ jèʼ ale sə yenə shì lo? Ghə̀ gàʼ la, “Ghə̀ tə tutə kəbyìʼ ə zuʼtə a mo ashi, ma dyʉ̀ shʉ̀ a shɨ ghomə no zhʉ̀ko, mu zìtə̀ sə yenə ə shi.”

Joyn 9:25

Ghə̀ be bwensə la, “Ko ghə̀ diʼ wu nyʉ̀ ə byɨvə, kò ghə̀ ko diʼ, ma kɨ to kənyʉ̀ kə mùʼ la, ma ko tə yenə əshi ə sə yenə luwen!”

Joyn 9:30

Wìʼ aghèn ə bwensə la, “A diʼ kənyʉ̀ kə kaynəkə la ghə̀ŋ ko kɨ la ghə̀ lù fa fe, ali mu ghə̀ nè li la, ma ə yenə shi!

Joyn 9:34

Viʼi a vi ə gàʼ la, “Wù diʼ alə̀ mu və nə̀ bwi wù a ntìntìn mbyɨsə, wù kwi kuʼ to tsu ə sə kəŋ ə ziʼi yès.” To ando vəwenə gàʼa ali no zhʉ̀ko ə dzɨ̀m shisə wen fa ngə̀ŋ ntsèntə̀.