Joyn 4:34 - The New Testament in the Babanki language

³⁴ Yesò ə gàʼ vəwenə la, “ə fozhɨvə ə mò ə diʼ tò la ma ə ne shwèʼè yì a Nyìngòŋ a ghə̀ tɨmə mo ə kòŋ, ə ne ə mwètə̀ shwèʼè a ghenə.

Joyn 4:34 ပူးပေါင်းရင်းမြစ်များ

Matìyò 26:39

Ghə̀ kwentə dyʉ̀tə̀ a mbì nyòŋmə̀ dyʉ̀ a nse apfʉ̀ʼapfʉʼ mù sə̀ jɨ̀mə̀ gàʼà la, “Tìʼ ghom, jì sətsèn ndiʼ wu shi ndoŋ ngəʼ ghèn fà mò alì ne tò kənyʉ̀ a kə kwʉʼʉ̀ à wù kə a nè kənyʉ̀ a kòŋə̀ mò.”

Matìyò 3:15

Yesò gàʼ à wen la,“Yowù nè tò alə̀ luwèn ku tò ku byiʼàndo à diʼ tò a ji a ghèn a vəghəŋ diʼi nè nyʉ̀ vyi a Nyìngòŋ kəŋ.” Joyn mù byɨmə əku.

Matìyò 9:19

Yesò ə lu tò lu wenə ndzɨ̀mtə̀sə bàm ə wen ə mu sə dyʉ̀ abàm ə wìʼ a yi.

Ŋwàʼlə̀ Luk 15:10

Ma gàʼà ghə̀ŋ la wu ne nyʉ̀ byɨvə mùʼ sətsen kwitə tyɨm wen ə bwenə dyʉ̀ à Nyìngòŋ, ntsɨŋsə wen sə saŋlə̀ tò ndə̀ŋndəŋ.”

Ŋwàʼlə̀ Luk 19:10

Wàyn Wìʼ nvi ə kəŋ viʼi vyì a və lè li əbwòŋsə̀ vəwenə.”

Ŋwàʼlə̀ Luk 2:49

Ghə̀ bèm a vəwenə la ghə̀ŋ yi nkə̀ŋ mò a gho? Ghə̀ŋ bè yi mo la mà diʼ a ngə̀ŋ tiʼi ghom.

Joyn 17:4

Ma diʼi li kədyòʼ ə kyəkə a nse a ji la, ma nè li mwetə shwèʼ yì a wù tə ku la mà nè.

Joyn 19:28

Əzhʉ ə kwʉʼ li, Yesò ə yen la no tèbe ghò ə mè li, ghə̀ sə be kəŋ ə lwinsə kənyʉ̀ kì a və nyoʼ a Ŋwàʼlə̀ Nyìngòŋ ə mu gàʼ la, “Toŋ ə mu zɨmə mò.”

Joyn 19:30

Yesò ə nyʉ məlʉ̀ʼ na myì ə gàʼ la, “Kə mè li.” No zhʉ̀ko, kəzhwì kə wenkə mu ku pfʉ.

Joyn 4:32

Yesò ə gàʼ a vəwenə la, “Mà kiʼi kəfo kəzhɨkə, a ghə̀ŋ ko kɨ kənyʉ̀ byìʼì kəwenkə.”

Joyn 5:30

“Kənyʉ̀ kə tsenkə ko diʼ a mà zizi a mà nè a mo kədyòʼ. Ma soʼo to ji yì a Nyìngòŋ ə gàʼ la mà ə soʼo fa tsù. Kə diʼi la ma soʼo to no fwu byìʼàndo ma ko kəŋ ə nè kənyʉ̀ kì a ma kòŋ, ali nè to kì a wìʼ yi a ghə̀ tɨmə mo kəŋ la ma nè.

Joyn 5:36

Ma kiʼi nchwò nsòʼ, ghə̀ chò Joyn. Nchwò nsòʼ na ghèn diʼi nyʉ̀ vyi a Tìʼ ku li la mà ə nè. A diʼ kəwenkə a kə diʼi làynsə la à tɨm Tìʼ ntɨm mo.

Joyn 6:33

Nkàyntə̀ ə fozhɨvə Nyìngòŋ ə diʼ wìʼ yì a ghə̀ lu fa kàŋ, əvì sə ku ntsìnə̀ a mbyi.”

Joyn 6:38

byìʼàndo mà lu fa kàŋ ə shiʼi vi a nse ə nè kənyʉ̀ kì a wìʼ yì a ghə̀ tɨmə mo ə kəŋ, a ko diʼ kənyʉ̀ ki a ma kəŋ fa mò a ngeŋ.

Joyn 8:29

Wìʼ yì a ghə̀ tɨmə mo diʼ yo wen. Ghə̀ ko ə ghʉ̀sə mò to mò nyɨŋ byìʼàndo mà ne to kənyʉ̀ kì a ghə̀ kòŋ”.

Shwèʼ 20:35

Ma diʼì li à ghə̀ŋ tò a jisə a jisə la ghə̀ŋ diʼi nshwèʼè nə̀ kədyoʼkə to nə̀ mò ndi vəghəŋ ngyàmtə̀ viʼi a və bwaʼa. Vəghəŋ sə ngyàmtə̀ a lì, vəghəŋ nkwòʼtə̀ kənyʉ̀ kì a Bobo vəghəŋ Yesò ngaʼà tò nkàntə̀ wen la, Saŋlə diʼ à wìʼ yì a ghə̀ ku chò ando ghə̀ diʼ à wìʼ yì a ghə̀ shi tò shi.

Hibùlù 12:2

Vəghəŋ tom a shɨ ə vəghəŋ to wen Yesò. A diʼi wen a ghə̀ bʉ̀ʼ ji əbyɨmə ə vəghəŋ, a be diʼ to wen a ghə̀ tisə əbyɨmə na yi dyʉ̀ zàʼa a kəmwètə. Ghə̀ mbyɨmə li ə pfʉ a kəntò kò kətʉ kə wen ndiʼi byìʼì nki pfʉ na ghèn byìʼì ando ghə̀ nkɨ li la à na diʼ fa yi bàm, a ghə̀ nsaŋlə̀. Ghə̀ diʼ luwen, nyʉ̀ʼ a kwoŋ ə toghə a benə kəkɨ kə təfòyn yi a Nyìngòŋ ə nyʉ̀ʼ tsu.