Joyn 4:15 - The New Testament in the Babanki language

¹⁵ Wùwì ə Sàmalìyà a ghèn gaʼa a Yesò la, “ku mu na mì ma nyʉ, kə ətoŋ mu be lu zɨmə mo, kò andiʼ la ma lə be ə vi chʉ mu”.

Joyn 4:15 ပူးပေါင်းရင်းမြစ်များ

Joyn 4:16

Yesò ə be gàʼ a wen la, “Dyʉ̀ dzàŋ lɨmə wù, ghə̀ŋ vi ə yèn mò.”

Joyn 6:26

Yesò ə bwensə gàʼ a vəwenə la, “Ma gaʼa a ghə̀ŋ to no nəmwèʼè la, ghə̀ŋ ə kəŋ mò to byìʼàndo mà tə ku fozhɨvə, ghə̀ŋ zhɨ kwiʼ, a ko diʼ byìʼàndo ghə̀ŋ tə yen nyʉ̀ ə kaynə və vyi a ma tə nè.

Joyn 6:34

Vəwenə toŋtə wen ə gàʼ la, “Tikəbəŋ, nku ə fozhɨvə a venə a yès to məzhʉ̀ ə tsèm.”

Joyn 6:35

Yesò ə gàʼ a vəwenə la, “Ma diʼ kəfo kə zhɨkə kì a kə ku ntsìnə̀ a viʼi. A vi no ndò a mò, ko jɨŋ be lu zaf ə wen, mu à byɨmə no ndò a mò, ko ətoŋ a mu lu be zɨmə wen.

Lumans 6:23

Ghə̀ŋ kɨli la əmòʼtə mbyɨ ə diʼ əpfʉ̀ ali Nyìngòŋ ə ku ə ntsìnə̀ yì a ghə̀ ko lu mè to kədyàŋ chò fa a Yesò Klistò ə Bobo vəghəŋ.

Lumans 8:5

Viʼi vi a və tsi ando njòsə wensə sə kəŋ ghʉ̀ kətʉ kə vəwenə to nyʉ̀ ə njòsə wen ali viʼi a və tsi ando kəzhwì kə Ŋwoʼkə ə kəŋ ə ghʉ kətʉ̀ kə vəwenə to nyʉ̀ kəzhwì.

1 Kolìntyàns 2:14

Wìʼ yi a ghə̀ ko kiʼ kəzhwì kə Ŋwoʼkə ə tyenə əfo vyi a kəzhwì kə Nyìngòŋ əku, byìʼì ando à diʼ əfo kəkoyn a wen. Ghə̀ zizi ko ghə̀ lu ə kɨ əfo a venə byìʼì ando à zizi a ne to Kəzhwì kə Ŋwoʼkə la ghə̀ ə kɨ.

Jems 4:3

Ghə̀ŋ ə bèmə̀ kò və lu nku à ghə̀ŋ byìʼàndo ghə̀ŋ ə bèmə̀ a ji shwe. Ghə̀ŋ ə bèmə̀ ənè nyʉ̀ ngəŋsə ghə̀ŋ tsu.

1 Joyn 5:20

Vəghəŋ ə̀ bè kɨ la wàyn Nyìngòŋ ə̀ mvi li ə̀ dìʼsə̀ vəghəŋ la vəghəŋ nkɨ Nyìngòŋ yì a ghə̀ diʼì nəmwèʼè. Vəghəŋ sə diʼ a kənyʉ̀ kə mùʼ vəghəŋ və wen yì a ghə̀ diʼì nəmwèʼè bènə̀ wàyn wen ə Yesò Klistò. Ghə̀ dìʼ Nyìngòŋ yì a ghə̀ diʼ nəmwèʼè be diʼ əbwòŋ a ghə̀ ko lu mè.