Joyn 3:27 - The New Testament in the Babanki language

²⁷ Joyn gàʼ a vəwenə la, “Wìʼ zi ghə̀ ne to kənyʉ̀ kì a Nyìngòŋ ə ku kədyòʼ la ghə̀ ə nè.

Joyn 3:27 ပူးပေါင်းရင်းမြစ်များ

Matìyò 21:25

Joyn wù ku à mù nlyɨ̀ kədyòʼ fa fe əku mu a? A nku Nyìngòŋ ku kədyòʼ à wen mu à nku viʼi lo? Vəwenə zìtə̀ sə̀ bèsə̀ à vəwenə a ntìntìn gàʼà la ‘Vəghəŋ sətsèn gàʼ la à nku Nyìngòŋ ku kədyòʼ à wen ghə̀ à bèm la ghə̀ŋ be tə mfaŋ ke byɨmə kənyʉ̀ a ghə̀ ngàʼà byìʼì ghò?’

Matìyò 25:15

Ghə̀ nku mbo ko ətàyn à wìʼ muʼ, kù mbo bò à kənkùmtə̀ bè kù kəmbò kə ko kə mùʼ à wutsen, Ghə̀ nkù a no mə ndò tò a ji a ghə̀ nyenə la ghə̀ zì ghə̀ tuʼmə nə̀ wen ghə̀. Ghə̀ ku a lì mù lù dyʉ̀ a jèʼ.

Ŋwàʼlə̀ Mak 13:34

Kə lu ndiʼ to nə̀ wìʼ a ghə̀ sə ndyʉ̀ a jèʼ nghʉ viʼi shwèʼ wen la və nlye fo wen, no mə ndò kiʼ kətʉ kə shwèʼ wen a ghə̀ ku. Ghə̀ mù gàʼ à wìʼ a ghə̀ ti a chʉ mbàyn la ghə̀ ntùʼtə̀ lyè.

Joyn 10:41

Viʼi ə nvi li a wen, to kədə̀ŋ, vi ali gàʼa la, “Nò tèbe ando Joyn ə ko ə diʼi nchwi kənyʉ̀ kə kaynəkə kə tsen, no tèbe ghò a ghə̀ ə ngàʼà kumə wìʼ ghèn a ndiʼ to nəmwèʼè.”

Joyn 6:65

Yesò ə be gàʼ a vəwenə la, à lə kənyʉ̀ kì a ghə̀ tə gàʼa a vəwenə la wìʼ ə zizi ko ghə̀ lu vì a yì, a bwen la à ku Tìʼ wen ku kədyòʼ a wen, la ghə̀ vi.

Lumans 1:5

Nyìngòŋ ə kiʼi ətyɨm ə jùŋə a mò ə ghʉ̀ mò a wù ə ntɨm la mà njèʼè shə̀ʼtə̀ ntɨm ə jùŋ kuʼsə Yesò ndi viʼi zhʉ ə byɨmə to təloʼ tə tsèm. Ghə̀ ne alə̀ chò fa a Yesò Klistò.

Lumans 12:6

Vəghəŋ ə kiʼi kəku a ghə̀ ku to nə̀ nəkwoŋ, to ndə̀ŋndəŋ ando ghə̀ kòŋ li ə ku no tèbè a ndò. Kə le diʼi la no ndò diʼ ə lyɨ̀ kəku kə wen ə nè to shwèʼ tsu. Nyìngòŋ ə sətsen ə ndiʼ mu ghə̀ ku li ətof la wìʼ ə shə̀ʼtə̀ ntɨm Nyìngòŋ, ghə̀ ə nshə̀ʼtə̀ zàʼa to ando əbyɨmə ə wen ə diʼ.

1 Kolìntyàns 1:1

A nyòʼò mò Bol nyòʼò ŋwàʼlə̀ ghèn. A tsuʼ Nyìngòŋ ntsuʼ mo fa wen a kòŋ la mà ndiʼ wù ə ntɨm ə Yesò Klistò. Ma nyòʼò ŋwàʼlə̀ ghèn yo lèmə̀ vəghəŋ Sòstinìs.

1 Kolìntyàns 12:11

Ənyʉ̀ na venə no ətsèm a ne to Kəzhwì na kènkə kə mùʼ lə. Kə kù no tèbe nki kəku kə kò, no tèbe a ndò, to ando kə kòŋ.

1 Kolìntyàns 15:10

Alì byìʼì ətyɨm ə jùŋə Nyìngòŋ, ma sə diʼ kəfo kì a ma diʼi kəwenkə luwen. Ətyɨm ə jùŋə na ghenə ko lè kədyàŋ. Ma boŋsə li shwèʼ no nə̀ kədyoʼkə, shwèʼ chò no ndò a ntìntìn ə̀ viʼi ntɨm no tèbe ando à ko tə nlaynsə shwèʼè mò, à tə nshwèʼè ətyɨm ə jùŋə Nyìngòŋ na yi a mò a wèn.

1 Kolìntyàns 3:5

Nò tèbe ali, Abolòs diʼ ndò, Bol diʼ ndò? A vəwenə ə diʼ to viʼi ə shyèʼ a Nyìngòŋ ə ku a ghə̀ŋ la vəwenə shə̀ʼtə̀ ntɨm ə jùŋ ghə̀ŋ zhʉ, ə byɨmə. Nò tèbe ndò ə ne to shwèʼ yì a Bobo ku la ghə̀ ə nè.

1 Kolìntyàns 4:7

A gàʼ ndò a wù la wù chò viʼi vətsenvə a? A diʼ no ghò a wù kiʼi ko andiʼ la və ku ku a wù a? Wù sətsen ə̀ kiʼ kəfo mu və kù ku, wù a ghaŋsə əwen sə və ko kù ku byìʼì gho?

Gàlesìyà 1:1

A nyòʼò mò Bol nyòʼò ŋwàʼlə̀ ghèn. Ma diʼ wù ə ntɨm ko andiʼ la à ghʉ viʼi. A ko tsuʼ wìʼ tsuʼ mo. A tsuʼ Yesò Klistò wenə Nyìngòŋ ə Tìʼ yi a ghə̀ nlùsə wen fa pfʉ ntsuʼ mo la ma ndiʼ wù ntɨm.

Efisyàns 1:1

A nyòʼò mò Bol nyòʼò ŋwàʼlə̀ ghèn a ghə̀ŋ viʼi Nyìngòŋ vyi a ghə̀ŋ ti a ghə̀ŋ əbyɨmə a Yesò Klistò, tsi a Efesùs. Ma diʼ wù ə ntɨm ə Yesò Klistò mu à tsuʼ Nyìngòŋ fa wenə kòŋ.

1 Timotì 2:7

Və ntsuʼ mò byìʼì kənyʉ̀ a kenkə a nə̀ wù ə ntɨm la mà shə̀ʼtə̀ kənyʉ̀ kə Nyìngòŋ bè ziʼi viʼi ətɨm nə̀ kənyʉ̀ ki a kə diʼi nəmwèʼè. Kənyʉ̀ kənkə a ma gàʼà lə ə diʼ tò no nəmwèʼè. Mà ko wamə wamə.

Jems 1:17

No kəku kə jùŋ kə kò a kə bòŋə̀ ə lù fà kàŋ mu à ku Tìʼ a ghə̀ ə nshɨtə bayn. Tìʼ ayì ko lu nkwitə kò ghə̀ lu nè la vəghəŋ ndiʼ a tì mfɨnə̀ byìʼàndo ghə̀ ko lu kwitə.