Joyn 21:22 - The New Testament in the Babanki language

²² Yesò ə bwensə gàʼ la, “Mà lə ndiʼ ə moʼtə la ghə̀ nə̀ tsi to tsì zaʼa fa kətsi mà lù bwenə vi, ngəʼ ə wù sə diʼ ghò tsu a? Wù diʼ ə dzɨ̀mtə̀ mo.”

Joyn 21:22 ပူးပေါင်းရင်းမြစ်များ

Matìyò 16:24

Yesò gàʼ a lì mù gàʼ à ndzɨ̀mtə̀sə bàm wen la, “No ndò a ghə̀ kòŋ ə ndzɨ̀mtə̀ mò diʼi tyen wenə wen, bwèʼè kəntò kə wen ə dzɨ̀mtə̀ mò.

Matìyò 24:27

Wàyn Wìʼ lu vì tò a ndayn ando ghʉ nə̀ mwànə̀ ghə̀ bàŋə a kàŋ no tsèm.”

Matìyò 24:3

Yesò ne kuʼ dyʉ̀ ə̀ ŋwʉʼʉ a kwi pfen Olìf, ndzɨ̀mtə̀sə bàm wen sə vì ə̀ ŋwʉʼʉ à wen a mbyɨ̀ mù nyoʼtə gàʼ à wen la, “Shə̀ʼtə̀ à yes la nyʉ̀ venə lu lyɨ̀ kəshi a tʉʼʉ kò lo, kəchwitə kə lu ndiʼ ghò ədiʼ la wù sə bwènə̀ vì a? Və lu kɨ fa gho la mbi sə mè a?”

Matìyò 24:44

Kə lì diʼ la nkàyntə̀ ghə̀ŋ diʼi ŋwʉʼ bvʉ̀tə̀ byìʼàndo Wàyn Wìʼ ne vì a zhʉ a ghə̀ŋ ko kwòʼtə̀ la ghə̀ zì ghə̀ vi.

Matìyò 25:31

“A lu ndiʼ a tʉʼ a Wàyn Wìʼ vì nə̀ ghoʼo fòyn wen wenə̀ ntɨŋsə ngə̀ŋ Nyìngòŋ no sətsèm ghə̀ lu ŋwʉʼʉ à wen a kəfwoyn nə̀ adɨŋə ghoʼ ghə̀ wen.

Matìyò 8:22

Yesò gàʼ à wen la, “Vì tò vì ə ghʉsə viʼi və pfʉkə və, vəwenə mbvɨ̀mə̀ viʼi və pfʉkə və.”

Ŋwàʼlə̀ Mak 9:1

Yesò bè gàʼ à viʼi a vyi la, “Mà gàʼà à ghə̀ŋ nəmwèʼè la, viʼi vətsenvə ti a shə̀ luwèn a vəwenə ko lu pfʉ no a mpfen əzaʼa fa tʉʼ a vəwenə a yen ando Nyìngòŋ soʼo foynə wen nə̀ kədyoʼkə.”

Joyn 21:19

Yesò ə gàʼa alə̀, diʼi ji yì a Bità lu pfʉ fa tsù, ghə̀ vi nə̀ əkuʼsə a Nyìngòŋ. Yesò ə gàʼa ali, ə be mu gàʼ la, “dzɨ̀mtə̀ mò.”

Joyn 21:21

Bità ə yen ali ə bèm a Yesò la, “Kə na ndiʼ ale a ghèn a Bobo?”

1 Kolìntyàns 11:26

Kə le diʼi la ghə̀ŋ sətsen ə zhɨ̀ kəbayn kènkə, nyʉ ndoŋ ghèn no zhʉ̀ko, a kə a ndiʼ la ghə̀ŋ shə̀ʼtə̀ ntɨm əpfʉ ə Bobo ə zaʼa ando ghə̀ lù bwenə vì.

1 Kolìntyàns 4:5

Ali, kə ghə̀ŋ tyinə nsòʼ ko ndiʼ la zhʉ̀ yi kʉʼʉ li. Ghə̀ŋ kəʼtə, Bobo vi. Ghə̀ a vi ə diʼ làynsə nyʉ̀ ə lyomtəvə vyi a və nyoʼtə ne a kəbəŋ kə fenəkə, ə shə̀ʼtə nyʉ̀ vyi a viʼi əkwoʼtə lyomtə a və wenə a tətyɨm. Nyìngòŋ ə mu bwomsə no ndò to ji a ghə̀ əshyèʼè.

1 Tèsàlonyà 2:19

Ma ə kəŋ ə vi a ghə̀ŋ byìʼì ando à diʼ ghə̀ŋ a ghə̀ŋ nè la yes ə kiʼ əkwoʼtə be nè yes saŋlə, diʼ lù fʉ naynə kumə kəfo kì a yes ə lu ə kiʼi azhʉ̀ a Bobo vəghəŋ Yesò bwenə li nvi. A kəfo na kì kə ə diʼ to no ghə̀ŋ?

Jems 5:7

Ghə̀ŋ ə nwensə̀ lì a vəlèmə̀ vwomə, ə zaʼa fa tʉʼ a Bobo lu vì. Ghə̀ŋ kwoʼtə ando wù shyèʼè sɨ̀m lu nkə̀ʼtə̀ la fo sɨm ə̀ wen ku ə̀ ndiʼ a mə̀ kəŋ. Ghə̀ lu wensə ə zaʼa fa zhʉ a mbì ghʉ̀ nə̀ kəmwètə̀ kə ghʉ̀ kə nə̀ vi əfo wen ə̀ kwi.

Jems 5:8

Nkàntə̀ ghə̀ŋ bè diʼi ə nwensə̀ tò a lì. Ghə̀ŋ ghaʼ tətyɨm ə təŋtə tə to byìʼe məbwènə̀ vì Bobo boʼsə li.

Kəmwetə 1:7

Ghə̀ŋ yen a! ghə̀ yì a ghə̀ vì a tì mbòʼsə. No viʼi vətsèm lu yen ə wen ə boʼsə nə̀ viʼi vyi a və nsù wen nə̀ ghoŋə lì. No viʼi vətsèm a kwi nse lu dì byìʼì wen. A dìʼ ə jì a kə lu ndiʼ.

Kəmwetə 2:25

Mà gàʼà tò la ghə̀ŋ ə nshɨ̀tə̀ nè tò kənyʉ̀ a ghə̀ŋ tə nè əzaʼa azhʉ a mà bwènə̀ vì.

Kəmwetə 22:20

Yi a ghə̀ shə̀ʼtə nyʉ̀ na venə gàʼ la, “Kə diʼ nəmwèʼè. Ma vi to luwen!” Amèyn. Vi a Bobo Yesò!

Kəmwetə 22:7

Yesò gàʼ la, “Ghə̀ŋ zhʉtə, ma vi to luwen. Njùŋ nə̀ diʼ a viʼi vyi a və zhʉ ə wʉ̀ nyʉ̀ vyi a və diʼi a ŋwàʼlə̀ ntɨm Nyìngòŋ ə ashə.”

Kəmwetə 3:11

Mà sə̀ laʼtə̀ ə bwènə̀ vì, ghə̀ŋ tuʼù ə̀ ghàʼ tò əziʼi yi a ghə̀ŋ sə̀ kiʼ ndi kə wìʼ lù sòʼ əmoʼtə ghəŋə.