Joyn 21:15 - The New Testament in the Babanki language

¹⁵ A ndiʼ to ando vəwenə zhɨ̀ mwetə, Yesò ə toŋtə Saymun Bità ə bèm a wen la, “Saymun, wàyn ə Joyn, wù shɨtə kòŋ mò nəmwèʼè chò viʼi vətsenvə venə a?” Ghə̀ byɨmə ə gàʼ la, “Bobo, wù kɨli la ma kòŋ wù.” Yesò ə gàʼ a wen la, “Wù a zhisə vunə njɨ̀ ə mò.”

Joyn 21:15 ပူးပေါင်းရင်းမြစ်များ

Matìyò 10:37

“A kòŋ no ndo kòŋ tìʼ wen be nə̀ li wen chò to ando ghə̀ nkoŋə mò, mu ghə̀ ko kwʉʼ ə ndiʼ ndzɨ̀mtə̀ bàm ə̀ mò; à ə kòŋ no ndo kòŋ wàyn wen chò ando ghə̀ nkòŋə̀ mò, mu ghə̀ ə ko kwʉʼ ə ndiʼ ndzɨ̀mtə̀ bàm ə̀ mò.

Matìyò 16:17

Yesò mù gàʼ la, “Mbwaʼmə̀ dìʼ à wù a Simon wàyn Jonà, byìʼàndo a ko shə̀ʼtə̀ Wùmə̀nsòŋ nshyə̀ʼtə̀ kənyʉ̀ kènkə la wu gàʼ a lì, à dìʼ Tìʼ ghom ə Nyìngòŋ yì a ghə̀ diʼì a kàŋ.

Matìyò 18:10

Ghə̀ŋ tuʼmə la kə wìʼ lə̀ chàs wàyn muʼ fa ntìntìn vunə və tyetəvə venə. Mà gàʼà à ghə̀ŋ nəmwèʼè la ntsɨ̀ŋsə vəwenə a sə diʼ a kàŋ ə kaʼa tò fà mbyɨ̀ Tìʼ ghom.

Matìyò 26:33

Bità gàʼ la, “Və ne sə nyɨŋ wù no vətsèm kò ma lə̀ nyɨŋə fa tsu.”

Matìyò 26:35

Bità bè gàʼ à wen la, “A dìʼ tè pfʉ mà à pfʉ yowù. Ma ko lə mo wù.” Ndzɨ̀mtə̀sə bàm wen no sətsèm sə bè gàʼ tò ndə̀ŋndəŋ.

Ŋwàʼlə̀ Mak 14:29

Bità gàʼ à wen la, “Mà ko lu mòʼtə̀ wu tè bè a zhʉ a viʼi vətsèm nyɨŋ li.”

Ŋwàʼlə̀ Luk 12:32

“Kə ghə̀ŋ à fwaynə, ando nòynə ghə̀ŋ tyetə, byiʼ ando Tìʼ ghə̀ŋ Nyìngòŋ kòŋ li əku soʼ fòyn wen à ghə̀ŋ.

Ŋwàʼlə̀ Luk 22:32

alì ma jɨ̀məli a wù la kə byɨmə wù a fəŋ mè. Zhʉ a wù bwènsə̀li vi a mò wu tomsə vəlèmə̀ vyə”.

Joyn 1:42

Ghə̀ gàʼ ali ə lyɨ̀ Simon ə dyʉ̀ nə̀ wen a Yesò. Yesò ə yenə wen ə gaʼa a wen la “A diʼ wù Simon ə wàyn Joyn, ali və a toŋtə wù luwen la Sefàs.” Sefàs nə̀ Bità diʼ to zhiʼ ə mùʼ, ghə̀ diʼ la, “əghu.”

Joyn 13:37

Bità ə bèm a wen la, “Mà zizi ko ma lu dyʉ̀ luwen byìʼì ghò a Bobo? Ma zizi ma pfʉ̀ byìʼì wù.”

Joyn 16:27

Jòʼ. Tìʼ no fa wen a ngeŋ ne kòŋ ghə̀ŋ byìʼàndo ghə̀ŋ kòŋ li mò, be byɨmə la mà lù fa ben nə̀ Tìʼ.

Joyn 21:12

Yesò ə mu gàʼ a vəwenə la, “Ghə̀ŋ vi ə ghaʼ fozhɨvə nə̀nchwì.” Ghə̀ gàʼa ali, no dzɨ̀mtə̀ əbam ə wen ə mùʼ ko ə mwomsə bèm la, “A diʼ wù ndò?” Byìʼì ando vəwenə ə kɨ la à diʼ Bobo.

Joyn 21:7

Ndzɨ̀mtə̀ əbam Yesò yì a ghə̀ kòŋ nəkwoŋ li, ə gàʼ a Bità la, “Wìʼ yì diʼ alə, a diʼ Bobo!” Saymun Bità ə sə zhʉ vi alə̀ ə lyɨ̀ təwàf tə wen ə mòʼ, ə tsòʼ a mù. Ghə̀ ndiʼ ali mu ghə̀ ə ntsuʼ li ndisə wen.

Joyn 8:42

Yesò ə gàʼ a vəwenə la, “Nyìngòŋ ə tu ndiʼ to no Tìʼ ghə̀ŋ, mu ghə̀ŋ kòŋ mò byìʼàndo mà lu fa ben nə̀ Nyìngòŋ. Ma ko tə vì fa mo ngeŋ. A ntɨmə Nyìngòŋ ətɨmə mò.

Shwèʼ 20:28

Ghə̀ŋ ntùʼmə̀ nə̀ təwen təŋtə bè tùʼmə̀ nə̀ viʼi vi a Kəzhwì kə ŋwòʼəkə ghʉ li à ghə̀ŋ a ti. Ghə̀ŋ ndiʼ ntùʼmə̀sə ntsèntə̀ viʼi vəbyɨməvə Nyìngòŋ a ghə̀ nè à sə diʼ ntsèntə̀ viʼi wen ə chò fa pfʉ Wàyn wen.

Shwèʼ 20:29

Mà kɨ li la ma lù no a zhʉ kò viʼi vì ə̀ kwèn à ghə̀ŋ a ntìntìn to nə̀ nyamsə bo ə sàs viʼi vəbyɨməvə avenə,

Lumans 14:1

Wìʼ kwen ə vi a ghə̀ŋ a ntìntìn, əbyɨmə ə wenə ə bo bwaʼa, ghə̀ŋ shisə wen. Ghə̀ŋ shisə ali, kə ghə̀ŋ na gùmə̀ nyʉ̀ vye vəwenə kumə əkwoʼtə yì a ghə̀ kiʼi kumə nyʉ̀ tsenəvə.

Lumans 15:1

Vəghəŋ vyi a və to a vəghəŋ a byɨmə diʼ ə gyàmtə̀ viʼi vyi a və bwaʼa a vəwenə ngəʼsə. Kə vəghəŋ ne to nyʉ̀ vyi a və bòŋ to vəghəŋ.

1 Kolìntyàns 8:11

Kə sətsen fʉ̀ alə, a ndiʼ la ətof ə wu byɨbsə li lèmə̀ wù yi a kwòʼtə̀ ə wenə ə bwaʼa, mu Yesò ə mpfʉ li byìʼì wen.

Gàlesìyà 5:6

Kə diʼ alə̀ byìʼì ando vəghəŋ sətsen ə ndiʼ vəghəŋ və Yesò Klistò, kò wìʼ shətə li ndyə̀ wen kò ghə̀ ko shətə, na kì kə ko kiʼi tebè kənyʉ̀ ə nè. Kənyʉ̀ kə tokə diʼ to la, wìʼ na ndiʼi əbyɨmə ə wen chò fa ji a ghə̀ ne koŋə viʼi fa tsu.

Efisyàns 4:14

Kə sətsen ndiʼ alə̀, ko vəghəŋ be a diʼ to nə̀ vwondyə a və diʼ to nə̀ nkanuʼ a əfwof ə̀ tenlə cho a mù. Kə vəghəŋ be a ne nyʉ vi a viʼi lobtə vəghəŋ nə̀ ndzɨŋsə diʼ to nə̀ tofə kəŋ tasə a diʼ nəmwèʼè

Efisyàns 6:24

Nyìngòŋ ə diʼi ətyɨm ə jùŋə ghə̀ a ghə̀ŋ vyi a ghə̀ŋ sə kòŋ Bobo vəghəŋ Yesò Klistò to kòŋ.

Hibùlù 13:20

Ma jɨ̀mə̀ la Nyìngòŋ ghə̀ŋ a ghə̀ kù mbwaʼmə a viʼi, ku no tèbè gho ə jùŋ a ghə̀ŋ ndiʼ ghə̀ŋ kɨ ə nè no tèbe ghò na yi a ghə̀ kəŋ. A diʼi wen a ghə̀ ə̀ nlùsə Bobo vəghəŋ Yesò fa pfʉ, Yesò ghèn diʼ ntsɨŋ byisə ə ghoʼo luwen byìʼì məkàyn mì a mə fàŋ li to ghaynə əmùʼ. Ghə̀ nchiʼ məkàyn na mèyn nə̀ mənlyuŋ mə wen. Ma jɨ̀mə̀ la Nyìngòŋ ə nè kənyʉ̀ ki a kə kwʉ̀ʼ a wen a ghə̀ŋ wèn chò fa a Yesò Klistò. Əkuʼsə ndyʉ̀ a wen to məzhʉ̀ ntsèm. Amèyn.

Hibùlù 4:13

Nò tèbe ghò a Nyìngòŋ ə nshɨtə ə diʼ to a ndayn a wen. Kəfo kə tsenkə ko diʼ a kə ə lyomtə fa wen, vəghəŋ diʼ lù tɨmə a wen ashɨ ə taŋ əchʉ̀ ə vəghəŋ kumə no tèbe ghò a vəghəŋ tə ne.

1 Bità 1:8

Ghə̀ŋ nkòŋ wen no tèbe ando ghə̀ŋ ə ko tɨmə yènə wen, ghə̀ŋ be ə byɨmə a wen, ko ghə̀ŋ lu yenə tèbe wen luwen. Ghə̀ŋ ə saŋlə no nànto, a ji ə kaynə ə yì a wìʼ zizi ko ghə̀ lu shə̀ʼtə̀.

1 Bità 2:2

Ghə̀ŋ ə boŋsə diʼ to nə̀ vunə və bwaʼ və, nyʉ̀ʼ no zhʉ̀ko kəŋ ə nyoŋ nkàyntə̀ zhwin, a diʼ kənyʉ̀ kə Nyìngòŋ, ndiʼ ghə̀ŋ faŋ ə kwi to kwi zaʼa fa tʉʼ a ghə̀ŋ lù kiʼi əbwòŋ.

1 Bità 2:25

byìʼì ando ghə̀ŋ ə nkumə jèʼe to nə̀ ə byisə və njɨ̀ a sə le li jì, ali luwen sə diʼ mù Nyìngòŋ ə bwensə li lyɨ̀ ə vi nə̀ ghə̀ŋ a Ntsɨŋ byisə, à wìʼ yi a ghə̀ tsɨŋ əzhwì ə vəŋə.

1 Joyn 4:19

Vəghəŋ dìʼi ə nkòŋə̀ byìʼàndo Nyìngòŋ ə ncho li mbì ə̀ kòŋ vəghəŋ.

1 Joyn 5:1

No ndò a ghə̀ byɨmə la Yesò dìʼ Klistò mu wìʼ ayì dìʼ wàyn Nyìngòŋ. No ndò a ghə̀ kòŋə̀ tìʼ ə bè kòŋə wàyn a tìʼ ayì ə kiʼi.

Kəmwetə 2:23

Mà ne zhwilə viʼi vì a və dzɨ̀mtə̀ ntsìnə̀ wen ə ntsèntə̀sə viʼi və byɨməvə no sətsèm ə kɨ la mà dìʼ wìʼ yì a ghə̀ kɨ təkwòʼtə̀ tə viʼi bènə̀ ənyʉ̀ a vəwenə kòŋə̀ ənè. Mà ne lòʼ no ndò fà ghə̀ŋ ə ntìntìn to a jì a ghə̀ tə nshyèʼè fa tʉ.