Joyn 20:19 - The New Testament in the Babanki language

¹⁹ A ndiʼ azhʉ̀ pfwomə, a kətsi kə ə mbì na ghèn a wòŋ, ndzɨ̀mtə̀sə bàm Yesò diʼ to akəshi kə muʼ, mu vəwenə chiʼ li ngə̀ŋ a vəwenə kətʉ byìʼì ando vəwenə ə fwaynə viʼi Jus. Yesò ə bvɨtə tɨmə to vəwenə a ntìntìn ə gàʼ la, “Mbwaʼmə ndiʼ a ghə̀ŋ.”

Joyn 20:19 ပူးပေါင်းရင်းမြစ်များ

Matìyò 10:13

Viʼi ngə̀ŋ a vyì ə mù shisə ghə̀ŋ a nkàyn, ə mbwaʼmə a kwen faŋ a vəwenə kətʉ; vəwenə faŋ kè shisə ghə̀ŋ a nkàyn ə mbwaʼmə a yi bwənə vi a ghə̀ŋ.

Matìyò 18:20

Byìʼàndo viʼi sətsèn ŋwʉʼʉ tè fe əzaʼa vəbò ko vətaʼ à mò à zhiʼ mu mà dìʼ yo vəwenə.”

Ŋwàʼlə̀ Mak 16:14

Fa bàmə nyʉ̀ avenə Yesò bè fʉ̀ a kə̀ʼ ndzɨ̀mtə̀sə bàm wen shi ə njʉ̀mùʼ vəwenə zhɨ zhɨ. Ghə̀ ghàm vəwenə byìʼàndo vəwenə ndìʼ mu vəwenə tosə li tətyɨm tə vəwenə la vəwenə ko a byɨmə kənyʉ̀ a viʼi yenə sə shə̀ʼtə̀ à vəwenə.

Joyn 14:27

“Ma lù moʼtə mbwaʼmə ghom a ghə̀ŋ. Ma kù mbwaʼmə ghom a ghə̀ŋ. Ma ko kù mbwaʼmə ghèn a ghə̀ŋ to ando mbyi nə̀ ku. Kə ghə̀ŋ be zhuŋsə̀ təwen ə təŋtə, kə ghə̀ŋ be fwaynə.

Joyn 16:22

Kə lə diʼ to ndə̀ŋndəŋ luwen a ghə̀ŋ, ando ghə̀ŋ kusə shinsə, ali ma diʼ ə ne be ə yen ghə̀ŋ la ghə̀ŋ, ghə̀ŋ ə̀ saŋlə, ko wìʼ diʼ ə nè la kə ghə̀ŋ be sàŋlə.

Joyn 16:33

Mà shə̀ʼtə nyʉ̀ a venə a ghə̀ŋ alə̀ ndi ghə̀ŋ faŋ to mò, ə kiʼi mbwaʼmə. Ghə̀ŋ na kiʼi ngəʼ a mbyi ashə. Alì kə wìʼ na bwaʼ! Ma to li chò mbyi.”

Joyn 20:21

Yesò ə gaʼa li ə kwʉ̀ʼsə a ndzɨ̀mtə̀sə bàm wensə la, “Mbwaʼmə ndiʼ a ghə̀ŋ! Ma tɨm ghə̀ŋ ndə̀ŋndəŋ ando Tìʼ ghom tə tɨm mo.”

Joyn 20:26

A ndiʼ ando wòŋ nchwò, ndzɨ̀mtə̀sə bàm wensə sə be nyʉ̀ʼ a ngə̀ŋ wenə Tòmos, Yesò ə bvɨtə tɨmə a vəwenə a ntìntìn, no tèbe ando chʉ̀ ngə̀ŋ ndiʼ mu və chiʼ li ə shwin, ə gàʼ la, “Mbwaʼmə ə diʼ a ghə̀ŋ.”

Joyn 21:1

Yesò ə be ə fʉ̀ ə kwʉ̀ʼsə a kəʼ ə̀ ndzɨ̀mtə̀sə bàm ə wensə sòmbo a kətsi kə tsèn, a benə mo ə Tàybelìyàs. Kənyʉ̀ na kì nfʉ̀ a ji ghèn lə.

Joyn 21:14

Yesò nà diʼi wen ə wen a ndzɨ̀mtə̀sə bàm ə wensə akəshi na ghèn, a sə diʼ aghayn a tàʼ fa kətsi a ghə̀ bwensə lù fa pfʉ.

Joyn 7:13

Və ngàʼa tèbè ali, wìʼ ko ndiʼ ə gàʼ kənyʉ̀ a ndayn byìʼàndo vəwenə ə fwàynə̀ tʉtʉ viʼi Jus.

Shwèʼ 1:3

Andìʼ ando Yesò yènə ngəʼ ghoʼo ə̀ pfʉ bè bwènsə̀ lù fa pfʉ, ghə̀ dìʼ wenə wen à viʼi ntɨm wen la yì lu li fa pfʉ nəmwèʼè. Ghə̀ ne a lì tò a jisə a jisə no aghayn à ghoʼoghə a tì mətsi məwum nkàʼ bè gàʼ à vəwenə kùmə soʼ fòyn Nyìngòŋ.

Lumans 15:33

Ma jɨ̀mə̀ la Nyìngòŋ ə Tìʼ mbwaʼmə ə diʼ vye vəwenə. Amèyn.

1 Kolìntyàns 15:5

la, ghə̀ ndiʼi li wèn ə wen a Sefàs ə be diʼ a viʼi ntɨm vyi njʉ̀sə̀ bò.

Efisyàns 2:14

Byìʼe no nkàyntə̀ Klistò ne wèn ə wen vi li ne mbwaʼmə a vəghəŋ, ə ne la viʼi Jus nə̀ viʼi ətɨm ndiʼ to a kənyʉ̀ kə mùʼ. Ghə̀ tsəʼsə li ghomə yì a ghə̀ tə ə gə̀sə̀ vəghəŋ ne la vəwenə əbyɨfə lì to no nə̀ ə wèn ə wen.

Efisyàns 6:23

Nyìngòŋ ə, Tìʼ wenə Bobo Yesò Klistò ə ku mbwaʼmə a ghə̀ŋ ə ne la ghə̀ŋ əkòŋmə̀ təwen ə tyəŋtə be mbyɨmə to Klistò.

Filìbàyns 1:2

Nyìngòŋ ə Tìʼ vəghəŋ wenə Bobo Yesò Klistò diʼi ətyɨm ə jùŋə ghə̀ a ghə̀ŋ, ə kù mbwaʼmə a ghə̀ŋ.

2 Tèsàlonyà 3:16

Ma jɨ̀mə̀ luwen la Nyìngòŋ yi a ghə̀ kù mbwaʼmə nè ghə̀ŋ ə kiʼi mbwaʼmə to məzhʉ̀ ə tsèm, kò à fʉ no tèbe ghò. Bobo faŋ to a ghə̀ŋ vətsèm.

Hibùlù 7:2

Ablaham ə ntsentə li əfo vyi a ghə̀ kiʼi fa ghòŋ ə gə̀tə̀ əshi əwùm ə ku kəshi kə mùʼ fa tyi shi ə wù na vyi a Mèlìkisedèk. Əzhiʼ ə wen ghenə la Mèlìkisedèk ndiʼ a gàʼà Hibùlù la, “Fòyn Kənyʉ̀ kətɨməkə.” Ghə̀ ndiʼ fòyn Salèm, Salèm diʼ a gaʼa Hibùlù la, “mbwaʼmə.” To ando ghə̀ ndiʼ fòyn nə̀ Salèm kə lə diʼi la ghə̀ ndiʼ Fòyn mbwaʼmə.

3 Joyn 1:14

Mà kwòʼtə̀ əvi yen wù tò mətsi ghèn yowù besə nyʉ̀ a vyi tò nə̀ chʉ̀.

Kəmwetə 1:4

A tɨmə mò ə Joyn tɨmə̀ toŋtə à ghə̀ŋ ə ntsèntə̀sə viʼi və byɨməvə vi sòmbo a mbʉ̀ʼ Asìyà. Boŋə tyɨm bènə̀ mbwaʼmə̀ a ndiʼ à ghə̀ŋ fà Nyìngòŋ yì a ghə̀ diʼ, mu ghə̀ ndìʼ, be diʼ əlù ndiʼ, bènə̀ mbwaʼmə̀ à ghə̀ŋ fà əzhwi vi ə sòmbo a və diʼ a mbì kəfòyn kə̀ Nyìngòŋ.