Joyn 20:17 - The New Testament in the Babanki language

¹⁷ Yesò ə gàʼ a wen la, “kə wù ghaʼ mo byìʼì ando mà ko təmə bwenə ə dyʉ̀ a Tìʼ. Boŋsə dyʉ̀ gàʼ a vəlemə vwomə la ma bwenə dyʉ̀ ə yen Tìʼ ghom yi à be diʼ Tìʼ vəwenə, ə Nyìngòŋ ghom yi à diʼ Nyìngòŋ ə vəwenə.”

Joyn 20:17 ပူးပေါင်းရင်းမြစ်များ

Matìyò 12:50

No ndò a ghə̀ nè kənyʉ̀ kì a Tìʼ ghom a kàŋ kəŋə mu ghə̀ dìʼ lèmə̀ ghom wùlɨm, diʼ lèmə̀ ghom wùwì be diʼ lì ghom.”

Matìyò 25:40

Fòn mu gàʼ la, ‘Mà gàʼà à ghə̀ŋ nəmwèʼè la no ghò a ghə̀ŋ nè a wù muʼ a ghə̀ ndìʼi əbam a ntìntìn vəlèmə̀ vwomə venə dìʼ mu ghə̀ŋ nè à mò.’”

Matìyò 28:7

Ghə̀ŋ zaŋsə lì dyʉ̀ shə̀ʼtə̀ à ndzɨ̀mtə̀sə bàm wen la ghə̀ lu li fa pfʉ, sə shiʼi dyʉ̀ a vəwenə a mbì a Galìlì. La vəwenə dyʉ̀ yèn wen tsu. Gaʼa kò ghə̀ŋ zhʉ li kənyʉ̀ a ma gaʼà.”

Ŋwàʼlə̀ Mak 12:26

Kùmə̀ məlù fa pfʉ, ghə̀ŋ be ko ntɨmə̀ dzàŋ kəshi kə ŋwàʼlə̀ Nyìngòŋ kì a Mosìs nlù nyòʼ byìʼì zhiʼ a ghə̀ mbolə̀ a toʼ? Nyìngòŋ ngàʼa à Mosìs a kəshi ayì la, ‘Nyìngòŋ Ablaham diʼ Nyìngòŋ Izìk be diʼ Nyìngòŋ Jàkob.’

Ŋwàʼlə̀ Mak 16:19

Bobo Yesò nè gàʼ à ndzɨ̀mtə̀sə bàm wen ə̀ myètə̀, və kuʼsə wen a kàŋ ə̀ ŋwʉ̀ʼsə wen a shyə kwoŋ toghə Nyìngòŋ.

Ŋwàʼlə̀ Luk 10:4

Kə ghə̀ŋ à lyɨ̀ ko kò mbò wafəvə. Kə ghə̀ŋ à lyɨ̀ gwʉsə aghʉ wù sə tsensə. Kə ghə̀ŋ à lyɨ̀ zhʉ ətoŋtə wìʼ a ji.

Joyn 13:1

Andiʼ ando əchʉʼ ndiʼ ne layn və zhɨ̀ kətsi kə Məzaʼsə, mu Yesò sə kɨ la zhʉ̀ kʉʼʉ li la ghə̀ lu fa mbyi ashə ə dyʉ̀ a ben Tìʼ. Ghə̀ kòŋ viʼi wen vyi a və ndiʼ a mbyi, faŋ sə kòŋ vəwenə ə zàʼa ando ghə̀ moʼtə mbyi ghèn.

Joyn 13:3

Yesò nkɨ la Tìʼ əku li kədyòʼ a yi to akwi əfo ə tsèm, kɨ la ghə̀ lù fa ben Nyìngòŋ, diʼ ə bwenə ə dyʉ̀.

Joyn 14:2

Kəbəŋ kə Tìʼ ghom kə ə kiʼi tinsə a aloʼ sə diʼ to kədə̀ŋ. Kə tə faŋ kə diʼ alə̀, mu ma shə̀ʼtə̀ li a ghə̀ŋ. Ma dyʉ̀ ə shɨtə shì tsu a ghə̀ŋ.

Joyn 14:28

Ghə̀ŋ ə zhʉ to ando mà gàʼ la, ‘Ma wʉ̀sə ghə̀ŋ ə dyʉ̀ bwensə vì a ghə̀ŋ.’ Ghə̀ŋ tu kòŋ mo, mu ghə̀ŋ saŋlə la ma dyʉ̀ a ben Tìʼ byìʼàndo Tìʼ ŋaŋtə chò mò.

Joyn 14:6

Yesò ə gàʼ a wen la, “Ma diʼ ji, diʼ nəmwèʼè, be diʼ əbwòŋ yì a ghə̀ ko lu mè, wìʼ ko diʼ a ghə̀ zizi ghə̀ dyʉ̀ a Bobo, a bwen la ghə̀ chò fa mo kəvu.

Joyn 16:28

Mà tə lù fa ben nə̀ Tìʼ mibu vi a mbyi, bwenə dyʉ̀ a ben nə̀ Tìʼ.”

Joyn 17:11

Luwen diʼ alə̀, ko ma diʼ ə faŋ a mbyi, ali vəwenə bo diʼ to mbyi. Tìʼ ghom ə laynə, tuʼmə nə̀ vəwenə a wù kədyòʼ, a yi kədyòʼ kì a wù tə kù a mò ndi vəwenə ndiʼ to a kənyʉ̀ kə mùʼ to ndə̀ŋndəŋ ando yowù diʼ to a kənyʉ̀ kə mùʼ.

Joyn 17:25

Tìʼ ə jùŋ yi a wù soʼo to ji tɨmə, viʼi mbyi ko kɨ wù ali ma kɨ, venə a wù kù a mò lə̀, kɨ la à tɨm wù tɨm mo.

Joyn 17:5

Lyɨ mo luwen a wù ben a Tìʼ ghom, ndi viʼi ku əkuʼsə yi a mò a yowù ə nkiʼi mibu və shɨtə mbyi.

Joyn 20:27

Ghə̀ ngaʼa li a Tòmos la, “wʉ̀ fənyi fə kəvu ə wù akəshi ghèn. A diʼi avu ghomə lə. Naʼsə̀ vi nə̀ kəvu ə kyekə ə ghʉ̀ a mo bèm. Byɨmə, kə wù bè kwoʼtə kənyʉ̀.”

Joyn 7:33

Sə dyʉ̀, Yesò ə gàʼ a vəwenə la, “Mà ndiʼ vəghəŋ to fəshinə fə zhʉ̀ alə̀ ə be bwenə dyʉ̀ a wìʼ yì a ghə̀ tɨmə mò.

Lumans 8:29

Nyìngòŋ ə ghʉ la viʼi na vi a ghə̀ nsə diʼ mu ghə̀ tsuʼtə li və fəsə Wàyn wen. Ghə̀ ghʉ̀ alə ndiʼ Wàyn wen diʼ wàyn ə mbì a ntìntìn ə vəlemə a və diʼ no kədə̀ŋ.

2 Kolìntyàns 6:18

ə ndiʼ Tìʼ a ghə̀ŋ, ghə̀ŋ diʼ vunə vwomə. A gàʼà Bobo, ə Tìʼ adyòʼ no tsèm.”

Gàlesìyà 3:26

Ghə̀ŋ vətsèm diʼ vunə a Nyìngòŋ byìʼì ando ghə̀ŋ byɨmə li a Yesò Klistò.

Hibùlù 11:16

Vəwenə boŋsə kəŋ əloʼ a ghə̀ boŋ chò ə loʼ a yi, à diʼ lòʼ əkaŋ. Vəwenə toŋtə Nyìngòŋ la Nyìngòŋ ə vəwenə, ko Nyìngòŋ ə be diʼsə̀ kətʉ. Vəghəŋ ə kɨ alə̀ byìʼì ando ghə̀ sə diʼ mù ghə̀ shɨtə li ntə̀ʼ a vəwenə akàŋ.

Hibùlù 8:10

Məkàyn mèyn ando mà a zhɨ̀ yo viʼi Islel luwen diʼ la: Ma a ghʉ̀ təsoʼ ə tyomtə a vəwenə tətyɨm ə be nyoʼ təsoʼ a titə a vəwenə təkwòʼtə̀. Ma a ndiʼ Nyìngòŋ ə vəwenə, vəwenə diʼ viʼi vwomə.

1 Bità 1:3

Vəghəŋ ə kuʼsə Nyìngòŋ, ə Tìʼ Bobo vəghəŋ Yesò Klistò! Ghə̀ nkusə li shinsə a vəghəŋ no nànto, ə kù ntsìnə̀ ə fi a vəghəŋ a ji la ghə̀ lusə li Yesò Klistò fa pfʉ, vəghəŋ ə sə tsi kɨ nəmwèʼè la vəghəŋ lu kiʼi ə ntsìnə̀ yì a ghə̀ ko lu mè;

1 Joyn 3:2

Vəlèmə̀ və kòŋ ə̀ mò, vəghəŋ vətsèm dìʼ vunə Nyìngòŋ luwèn. Vəghəŋ ə ko təmə kɨ̀ la vəghəŋ ə lu ndiʼ ale lo, alì vəghəŋ ə kɨ la ghə̀ lu bvʉ̀tə fʉ̀ ə vəghəŋ ə ndiʼ tò nə̀ wen byìʼàndo vəghəŋ ə lu yen ə wen tò ando ghə̀ diʼì.

Kəmwetə 21:3

Ma be zhʉ ghɨ ə to ə tsen ando ghə̀ fʉ̀ vi fa kəkɨ təfòyn ayi, ghə̀ gàʼ a mò la, “Yen a, Nyìngòŋ ə na ntsi wenə viʼi luwen. Ghə̀ na diʼ wenə vəwenə, vəwenə diʼ viʼi wen. Nyìngòŋ no fa wen a ngeŋ na diʼ wenə vəwenə.

Kəmwetə 21:7

A sòyn zhɨ no ndo mbyɨ a mà ku mu na mèyn a wen ə ndiʼ Nyìngòŋ ə wen, ghə̀ diʼ wàyn a mò.