Joyn 20:15 - The New Testament in the Babanki language

¹⁵ Yesò ə bèm a wen la, “Wù dì ghò a wùwì? Wù kəŋ ndò?” Mèli sə kwoʼtə la à diʼ wìʼ ə yi a ghə̀ shwèʼè a əsɨmə ashɨ nkoʼ ayì, ə gàʼ a wen la, “Andiʼ mù à lyɨ̀ wù lyɨ wen a Tikəbəŋ, wù shə̀ʼtə̀ kəshi kì a wù dyʉ̀ ghʉ̀ wen tsu a mò, mà bwenə dyʉ̀ lyɨ̀.”

Joyn 20:15 ပူးပေါင်းရင်းမြစ်များ

Matìyò 12:34

Ghə̀ŋ zhusə byɨsə sènsə, kənyʉ̀ kə jùŋkə ko zì kə fʉ̀ fà ghə̀ŋ a chʉ̀ byìʼàndo ghə̀ŋ dìʼ viʼi və byɨvə. Gɨ̀ chʉ̀ dìʼ alə̀ gàʼà tò kənyʉ̀ a kə fʉ̀ fa tyɨm mu ghə̀ lwin li nə̀ nki nyʉ̀ a vyi.

Matìyò 28:5

Ntsɨŋ a yì mù gàʼà ki vi la, “Kə ghə̀ŋ à fàyn mà kɨ lè la ghə̀ŋ kəŋə. Yesò yì a və tə bàntə a kəntò lì.

Ŋwàʼlə̀ Mak 16:6

Ghə̀ gàʼ à vəwenə la, “Kə chʉ zɨm ghə̀ŋ byìʼe Yesò a ghə̀ŋ kəŋə lì a diʼì wàyn wù Nazalèt, a və tə bàyntə wen lì diʼ mu ghə̀ lù li fa pfʉ. Ghə̀ ko diʼ a shə̀, ghə̀ŋ yen kəshi a və tə̀ nyòŋsə̀ wen tsu a.

Ŋwàʼlə̀ Luk 2:44

Ando vəwenə nkwòʼtə̀ la ghə̀ diʼ a ntyìntyìn viʼi, vəwenə jèʼè kətsi kə mpfen, mù bwènə̀ sə bèmə̀ wen a viʼi ngwaʼa ngə̀ŋ vəwenə bènə̀ a viʼi vətsen və a və nkɨ wen.

Ŋwàʼlə̀ Luk 24:5

Ki vyì sə fwaynə mu shisə tʉ vəwenə a nsè, ali lʉmə a vyi bèm a vəwenə la “Byiʼi ghò a ghə̀ŋ kəŋ wìʼ a ghə̀ diʼ to fa ti viʼi vəpfʉkəvə a?

Joyn 1:38

Yesò ə kaʼsə ki, ə yen vəwenə to ando və vi fa a wen abàm ə bèm a vəwenə la, “Ghə̀ŋ kəŋ ghoʼ?” Vəwenə bèm la, “Wù tsi fe a Labày?” Labày na ghèn diʼi gàʼ lòʼ la “Ndìʼsə̀”.

Joyn 18:4

A ndiʼ ali, Yesò ə nkɨ no tèbe ghò a ghə̀ ndiʼ ə fʉ̀ a wen. Ghə̀ fʉ̀tə̀ vi ə bèm a vəwenə la, vəwenə kəŋ ndò lo.

Joyn 18:7

Ghə̀ be bèm a vəwenə la, “Ghə̀ŋ kəŋ ndò lo?” Vəwenə be bwensə la, “Yès ə kəŋ wàyn ə wù Nazalèt ghèn a və toŋtə la Yesò lə.”

Joyn 20:13

Ntsɨŋsə na shisə bèm a Mèli la, “Wù dì gho a ə wùwì?” Ghə̀ bwensə ə gàʼ la, “Və lyɨ̀ li Bobo ghom, ma ko kɨ la və ghʉ̀ wen fè lo?”