Joyn 2:11 - The New Testament in the Babanki language

¹¹ Wokenkə ndiʼ mbì kənyʉ̀ kəkaynəkə a Yesò ə ne a ntə̀ʼ Kanà a loʼ Galìlì, ə diʼ kədyòʼ kə wen. Ndzɨ̀mtə̀sə bàm ə wen sə mu byɨmə ə wen.

Joyn 2:11 ပူးပေါင်းရင်းမြစ်များ

Joyn 1:14

Ntɨm Nyìngòŋ na ghèn ə kaʼkə li sə diʼ wìʼ, ə vi tsitə a vəghəŋ a ntìntìn. Yès ə yen li kədyòʼ kə kaynəkə ə wen, kədyòʼ a ghə̀ kiʼi to nə̀ wàyn Nyìngòŋ a ghə̀ diʼ to əmùʼ li. Ghə̀ nlù fa ben ə Bobo ə vi kiʼi kusə nshinsə no mwènmwèn nə̀ no tèbe a ghò yi a ghə̀ diʼ nəmwèʼè kumə Nyìngòŋ.

Joyn 1:17

Nyìngòŋ bè ə ku Əsoʼ, ghə̀ chò fa kəvu ə Mosìs. Ə kusə shinsə tə sə vi, no tèbe nə̀ ghoʼ yi a ghə̀ diʼi nəmwèʼè, chò ji fa kəvu ə Yesò Klistò.

Joyn 1:43

A sə diʼ a kənkùmtə̀ kə kətsi, Yesò ə lù ə sə dyʉ̀ a Galìlì ə yen Filib ə gàʼ a wen la ghə̀ dzɨ̀mtə̀ wen.

Joyn 1:50

Yesò mu bè gàʼ la, “Wù byɨmə to byìʼì ando mà gàʼ la ma yi yen wù azhʉ̀ yi a wù yi ŋwʉʼ a tsi ə fəkoʼ fə fig li mu? Alì, wu be ne yen nyʉ̀ ə tsenəvə, və chò na ki.”

Joyn 10:41

Viʼi ə nvi li a wen, to kədə̀ŋ, vi ali gàʼa la, “Nò tèbe ando Joyn ə ko ə diʼi nchwi kənyʉ̀ kə kaynəkə kə tsen, no tèbe ghò a ghə̀ ə ngàʼà kumə wìʼ ghèn a ndiʼ to nəmwèʼè.”

Joyn 11:15

ma saŋlə kumə kənyʉ̀ a kì la ma ko ə ndiʼ tsu. Ghə̀ŋ le zìtə̀ li byɨmə luwen. Vəghəŋ dyʉ̀ yenə wen.”

Joyn 11:47

Vəwenə ghaʼ ntsèntə̀ wenə tʉtʉ vəpfèm və ngə̀ŋ Nyìngòŋ sə ghoʼkəsə nə̀ viʼi və soʼ nsoʼsə ə bèm la, “vəghəŋ a nè ale? Yen nyʉ̀ ə kaynəvə vyi a wìʼ ə ghèn mwomə a.

Joyn 12:18

Viʼi və ghoʼo və fʉ̀ ə yen wen byìʼàndo vəwenə ə zhʉ̀ la à lə kənyʉ̀ kə kaynəkə kì a ghə̀ nè.

Joyn 12:37

Yesò ə nè no tèbe nyʉ̀ ə kaynəvə venə no ətsèm lə, vəwenə be tyenə to tyenə la və ko byɨmə a wen.

Joyn 12:41

Isayà ngaʼa nyʉ̀ venə kumə Yesò byìʼàndo ghə̀ sə diʼ mù ghə̀ yenli kədyoʼkə wen.

Joyn 14:13

Ma nè no tèbe ghò yi a ghə̀ŋ bèm a mo azhiʼ ndi Tìʼ diʼ kədyòʼ kə wen chò fa mo Wàyn.

Joyn 16:27

Jòʼ. Tìʼ no fa wen a ngeŋ ne kòŋ ghə̀ŋ byìʼàndo ghə̀ŋ kòŋ li mò, be byɨmə la mà lù fa ben nə̀ Tìʼ.

Joyn 16:30

Yès yen li luwen la wù kɨli no nyʉ̀ ə tsèm, ə yen la wìʼ ə ko diʼ ə mbe bèmə kənyʉ̀ bèmə fa wù. Nakènkə nè li yès ə byɨmə la wù lù vì fa ben ə Nyìngòŋ.”

Joyn 2:1

Məntsi ə chò li ə mbò, ətʉʼ ə layn, làm ə tsenə ghə̀ sə diʼ a ntə̀ʼ Kanà a Galìlì, lì Yesò ndiʼ tsu.

Joyn 2:23

A ndiʼ to ando Yesò ə ndiʼ a Jelusalèm a mətsi mə kəzhɨ kə məzaʼsə, viʼi no və ghoʼo byɨmə la ghə̀ diʼ wìʼ yi a və ntsuʼ li byìʼì nyʉ̀ ə kaynəvə vyi a vəwenə yenə to ando ghə̀ nè.

Joyn 3:2

Ghə̀ ə vi li a Yesò nə̀ ntʉʼ ə tsen ə gaʼa a wen la, “Ndìʼsə̀, yès ə kɨli la wù diʼ ndìʼsə̀ a ghə̀ lu fa Nyìngòŋ byìʼì wìʼ ko diʼ a ghə̀ zizi ghə̀ nè nyʉ̀ ə kaynə venə a wù ne lə̀ a bwen la Nyìngòŋ diʼ wenə wen.”

Joyn 4:3

Yesò ə zhʉ̀ li kənyʉ̀ na kèn a və ə ngaʼa kumə wen li ghə̀ ə lù fa Jùdiyà ə bwenə dyʉ̀ a Galìlì,

Joyn 4:46

Yesò ə be bwenə dyʉ̀ a ntə̀ʼ Kanà, alòʼ ə Galìlì, akəshi yi a ghə̀ nkaʼsə mu a məlyʉ̀ʼ tsu li ə dyʉ̀ yen wù to ə tsen tsu, a ghə̀ shyèʼ a fòyn. Ghə̀ nkiʼi wàyn wen a ghə̀ nkwaʼa no nànto a ntə̀ʼ Kàbanùm.

Joyn 4:54

Nakènkə ndiʼ kənkùmtə̀ kə kənyʉ̀ kə kaynəkə kì a Yesò ə nè a Galìlì ando ghə̀ bwenə vi fa Jùdiyà.

Joyn 5:23

ndi no viʼi vətsèm ə̀ gumlə Wàyn to ndə̀ŋndəŋ ando və gumlə Tìʼ. No ndo yì a ghə̀ faŋ ke gumlə wàyn, mu ghə̀ ko gumlə Tìʼ wen a ghə̀ tɨm ə wen.

Joyn 6:14

Viʼi na vi ə yen li kənyʉ̀ kə kaynəkə na kènkə a Yesò nè ə sə gàʼ la, “A diʼ to no Nshə̀ʼtə̀ ə ghoʼo yì a ghə̀ ndiʼ lu vì a mbyi.”

Joyn 6:2

ghə̀ sə ndyàŋə̀, ə nòynə ə viʼi və tsenəvə ə dyàŋ fa wen abàm, to kədə̀ŋ byìʼàndo vəwenə ndiʼ mu və yen li nchwisə nyʉ̀ ə kaynə və vyi a ghə̀ nè viʼi və kwaʼkəvə, və to.

Joyn 6:26

Yesò ə bwensə gàʼ a vəwenə la, “Ma gaʼa a ghə̀ŋ to no nəmwèʼè la, ghə̀ŋ ə kəŋ mò to byìʼàndo mà tə ku fozhɨvə, ghə̀ŋ zhɨ kwiʼ, a ko diʼ byìʼàndo ghə̀ŋ tə yen nyʉ̀ ə kaynə və vyi a ma tə nè.

Joyn 6:30

Vəwenə be bèm a wen la, “Wu le zizi wu nè no nchwi kənyʉ̀ kə kaynəkə kə kò ə diʼ la à tɨm Nyìngòŋ ə tɨm wù mibu yès yen, ə byɨmə a? Wù lə nè no ghò?

Joyn 7:31

Nò tèbe ali, ngwaʼ viʼi fa tyi nòyn a yi mbyɨmə li a wen, byìʼàndo vəwenə ə ko yenə la wìʼ ə tsen lu be vì a və Ntsuʼ Li ə ne nchwisə nyʉ̀ ə kaynəvə ə tsenəvə, və chò vyi a wìʼ na ghèn ə nè li.

Joyn 9:16

Viʼi Falàsi vətsenvə gàʼ la, “Wìʼ a ghèn ko diʼ wù ə Nyìngòŋ byìʼàndo ghə̀ ko bamə tebè kətsi kə tʉʼ lòʼ.” Alì vətsevə sə gàʼa la wù nyʉ̀ ə byɨvə zizi ko ghə̀ lu ə nè nyʉ̀ kaynə və alə. Nò zhʉ̀ko, kəngəsə kə fʉ̀ a və wenə a ntìntìn.

2 Kolìntyàns 3:18

Vəghəŋ vi a və byɨmə a Yesò və tsuʼ li kəbàs kə ndisə na ki ko kə mbe chiʼtə tebè əkə̀ʼ ə vəghəŋ, vəghəŋ sə diʼ nyenə əbaynə Bobo. Ali Bobo a diʼi kəzhwì nè la vəghəŋ ə kwʉ̀ʼʉ̀ ando Bobo kəŋ, ndiʼi kuʼsə dyʉ̀ to dyʉ̀ nə̀ əbaynə wen na yi. A lə shwèʼè ə Bobo yi a ghə̀ diʼi a kəzhwì.

2 Kolìntyàns 4:17

Ngəʼ shisə a yès ə yənə luwen diʼ to nfam, diʼ to fəshyinə fə zhʉ̀. Ngəʼ a sensə baʼtə̀ yès a jùŋ ə ghoʼo yi a ghə̀ vi, ko ndiʼ la ghə̀ lu mè, mu və zizi ko və lu ə shəʼmə ngəʼ a sensə nə̀ jùŋ ayi.

2 Kolìntyàns 4:6

Nyìngòŋ ə nshɨtə mbyi ə gàʼ la, “Əbayn ə vi a ntìntìn kəbəŋ kə fenəkə.” Nyìngòŋ a ghèn ə nè li la əbayn ə vi a vəghəŋ a tətyɨm, ə diʼi əbayn ə wen a vəghəŋ, a diʼ yi a vəghəŋ ə yenə a kə̀ʼ ə̀ Yesò.

1 Joyn 5:13

Mà nyòʼò kənyʉ̀ kènkə a ghə̀ vyi a ghə̀ŋ ə byɨmə a zhiʼ wàyn Nyìngòŋ ndi ghə̀ŋ kɨ la ghə̀ŋ kiʼi əbwòŋ yi a ghə̀ ko lu mè.