Joyn 19:39 - The New Testament in the Babanki language

³⁹ Ghə̀ njèʼè wenə Nìkòdemùs yi a ghə̀ vi a Yesò nətʉʼ li, Nìkòdemùs ə kiʼ məzhiʼ mə tsèn a və nzuʼ kəmpfʉ, kə wìʼ tsu no nghoʼo.

Joyn 19:39 ပူးပေါင်းရင်းမြစ်များ

Matìyò 12:20

Ghə̀ lu nlutə̀ nə̀ viʼi a və bwaʼa kò a ndiʼ la ghə̀ lu ə nyàblə̀ nə̀ viʼi a və ko kiʼ ngyàmtə̀. Ghə̀ a ə nè tò a lì əzaʼa fa zhʉ a ghə̀ a temə ghoŋ wenə̀ mbi ə zhɨ ə mu ghʉ soʼ tɨməghə.

Matìyò 19:30

Kənyʉ̀ a ghə̀ŋ diʼi be kɨ dìʼ la, nghoʼo viʼi a və diʼì luwèn a mbì lu ndiʼ a bàm, nghoʼo viʼi a və diʼ a bàm luwèn lu ndiʼ a mbì.”

Matìyò 2:11

Vəwenə kwen a ngə̀ŋ ə yen wàyn ayì wenə lò wen Mèli, ə gwʉ̀ʼtə alwi vəwenə à wen ashɨ ə kuʼsə wen, ə bòʼtə̀ mbò vəwenə ə shìsə kəku fa tsu a ndiʼi gul, nə̀ silva bènə̀ məzhiʼ mə tsen a və ndzàŋ nə̀ miyif ə ku à wen.

Ŋwàʼlə̀ Mak 16:1

Andìʼ ando kətsi kə zhʉ̀təkə nchò li, Mèli wù Magdala, Salomè bènə̀ Mèli Lì Jems zen njʉ̀sə̀ əzuʼ ə wen ədyʉ̀ əzuʼ kəmpfʉ kə Yesò tsu.

Joyn 12:3

Mèli lyɨ̀ ndyʉ̀ nə̀ məzhiʼ məlemtəmə mu və shɨtə nə̀ nkàyntə̀ nat, a diʼ no məzhiʼ mə jùŋə mə, mə lèmtə bòŋ no alə̀, əko yi to no nànto ə zùʼ aghʉ Yesò ə zhès nə̀ nyɨŋsə kətʉ wen. Ando ghə̀ zuʼ lì, kəlèmtə̀ kikə ə chiʼ ngə̀ŋ no tsèm.

Joyn 12:7

Ghə̀ gaʼa ali, Yesò ə gàʼ la, “Ghə̀ŋ moʼtə wùwì na ghèn fu,” ə be gàʼ la, “Ghə̀ tə ə ghʉ̀ məzhiʼ na mèyn lə zùʼ mo a kətsi yi a və bvɨmə mo tsu.