Joyn 19:34 - The New Testament in the Babanki language

³⁴ Sugyèʼ ə tsèn ə boŋsə lyɨ̀ ghoŋ ə sù shyə ə wenə wen mənlyuŋ koynmə ə sə fʉ̀, boʼsə nə̀ mu.

Joyn 19:34 ပူးပေါင်းရင်းမြစ်များ

Matìyò 27:62

Tʉʼ lan andiʼ kətsi kə zhʉ̀təkə, Tʉtʉ vəpfèm və ngə̀ŋ Nyìngòŋ bènə̀ viʼi Falàsi dyʉ̀ a Bilate,

Joyn 19:33

Alì ə sə vi a Yesò, ə yen mu ghə̀ sə diʼ mù ghə̀ pfʉ li kò və lə kwaʼtə afuwen ə wen.

Joyn 20:20

Ando ghə̀ ngàʼa li ə mu dìʼtə̀ avu wen nə̀ mbyɨ̀sə̀ bèm wen a vəwenə. Ndzɨ̀mtə̀sə bàm wen yenə wen ə sə saŋlə no nànto.

Shwèʼ 22:16

Luwèn lə̀, kə be a zhwi zhʉ, lu shì mu ə̀ sènsə Bobo la ghə̀ lyesə nyʉ̀ byɨvə wù.’

1 Kolìntyàns 1:30

Alì à ne Nyìngòŋ la ghə̀ŋ ə ntsi byìʼì Yesò Klistò. Ghə̀ tə ne la ghə̀ ndiʼ ətof ə vəghəŋ, ə ne la vəghəŋ ə diʼ viʼi kənyʉ̀ kətɨməkə chò fa wen, ə be nè la vəghəŋ ə̀ laynə, ə zen kətʉ kə vəghəŋ.

1 Kolìntyàns 6:11

Viʼi vətsenvə fa ghə̀ŋ a ntìntìn ndiʼ to lə, ali luwen sə diʼ mù və shʉ li mbyɨ shəŋsə ə ne ghə̀ŋ sə laynə, ə be nè ghə̀ŋ sə diʼ viʼi kənyʉ̀ kətɨməkə a shɨ ə Nyìngòŋ. Ənyʉ̀ a venə ə̀ diʼ mu və fʉ̀ byìʼì kədyòʼ kə Bobo Yesò Klistò mu à nè Kəzhwì kə Nyìngòŋ a vəghəŋ.

Efisyàns 5:26

Ghə̀ ə mpfʉ̀ ə shʉ̀ viʼi və byɨməvə la və laynə ə ku a Nyìngòŋ, chò fa a ntɨm ə jùŋ ə wen.

Taytùs 2:14

Ghə̀ nku li ə̀wen ə wen ə̀ zèn ətʉ vəghəŋ fa mbyɨsə no sətsèm ə̀ bè nè la vəghəŋ layn ə̀ kwʉ̀ʼ ə ndiʼ viʼi wen a və kòŋə̀ ə nè tò ənyʉ̀ juŋəvə.

Hibùlù 9:13

A ndiʼ fa ambì, pfèm ə lyɨ̀ mənlyuŋ mə byi ko mə lɨmə nyàm mbuluʼ ko kəbʉ kə wàyn nyàm a və nyuʼ ghə̀ zoʼo a wenə viʼi a ntsìnə̀ loʼ ndiʼ la vəwenə ko nlaynə və mu nè wìʼ sə laynə to fa njòsə wen.

Hibùlù 9:22

A ndiʼ a tʉʼ a viʼi ntsi a tyi əsoʼ, a nfaŋ to a lə fo tsèm ndiʼ la və diʼi nè laynə a shɨ Nyìngòŋ to byìʼì mənlyuŋ. Kə diʼ to no nəmwèʼè la və sətsen faŋ ke chʉ̀tə̀ mənlyuŋ, ko və a lyesə ku mbyɨsə viʼi.

1 Bità 3:21

Mu na mèyn a vəwenə ə lyeʼə fa yi akwi ə bwòŋ lə ə diʼi shi a mu yì a ghə̀ŋ shi luwen əbwòŋ chò fa Yesò Klistò ə diʼ la ghə̀ŋ maʼa li mbyɨ shəŋsə. Ma ko gàʼa kumə tèbè mu mì a ghə̀ŋ shʉ əwenə ghenə tsu, ma gàʼa kumə kənyʉ̀ a ghə̀ŋ ghʉ li la tətyɨm ə təŋtə ne laynə ashɨ Nyìngòŋ. Mu a mèyn ə bwòŋsə ghə̀ŋ chò fa məlù yi a Yesò Klistò ə lùli fa pfʉ.

1 Joyn 5:6

A dìʼ Yesò Klistò aghèn a ghə̀ ə nlu fa kàŋ ə̀ vì a nse, ə̀ shì mu ə̀ bè pfʉ ə̀ chʉ̀tə̀ mənlyuŋ mə̀ wen. Ghə̀ nko shì tò mu ə̀ sè, ghə̀ mbe pfʉ ə̀ chʉ̀tə̀ mənlyuŋ mə̀ wen.

1 Joyn 5:8

Viʼi və yenəvə diʼ vətaʼ, kəzhwì kə ŋwoʼkə, mu, nə̀ mənlyuŋ; viʼi vətaʼ avenə byɨmə a kənyʉ̀ kə mùʼ.

Kəmwetə 1:5

Boŋə tyɨm bènə̀ mbwaʼmə̀ be diʼ à ghə̀ŋ fà Yesò Klistò ə wu yenə nəmwèʼè, à dìʼ mbì wìʼ a və nlùsə wen fa əpfʉ, à be soʼo wen soʼo təfòn tə mbi tèntə. Ghə̀ kòŋə̀ vəghəŋ. Ghə̀ shisə̀ li vəghəŋ fà vəghəŋ ə mbyɨsə chò fa wen ə mənlyuŋ a ghə̀ mpfʉ a kəntò ə̀ shʉ̀ʼ.

Kəmwetə 7:14

Mà bwènsə̀ à wen la, “Ba, à kɨ̀ tò wù.” Ghə̀ mù gàʼ à mò la, “Venə diʼ viʼi a və cho li fa tì ngəʼsə sə̀ fàynsə sə̀. Vəwenə nshʉ li vədàlə və vəwenə ne mənlyuŋ mə wàyn bi ənjɨ̀ və sə fəfə fəfə.