Joyn 19:17 - The New Testament in the Babanki language

¹⁷ Ghə̀ byèʼè kəntò kə wen to fa wen a ngeŋ ə lyɨ̀ dyʉ̀ nə̀ kəwenkə akəshi yi a və toŋtə la kəwuʼlə̀ kə Kətʉ, və toŋtə kəshi na kì a gaʼa ə Hibùlù la, “Golgotà.”

Joyn 19:17 ပူးပေါင်းရင်းမြစ်များ

Matìyò 10:38

A wʉ̀sə no ndo ke bwèʼè kəntò kə wen ə dzɨ̀mtə̀ mò, ko ghə̀ lə kwʉʼ ə ndiʼ ndzɨ̀mtə̀ ghom.

Matìyò 16:24

Yesò gàʼ a lì mù gàʼ à ndzɨ̀mtə̀sə bàm wen la, “No ndò a ghə̀ kòŋ ə ndzɨ̀mtə̀ mò diʼi tyen wenə wen, bwèʼè kəntò kə wen ə dzɨ̀mtə̀ mò.

Matìyò 27:37

Vəwenə nyòʼ kənyʉ̀ kì a vəwenə ngàʼà la ghə̀ mbyɨ̀sə lì a kəbàŋ kə fəkòʼ vì bàntə a wen a kətʉ kə kəntò. Və nyoʼo la, “GHÈN DIʼ YESÒ FÒN VƏJEW”

Ŋwàʼlə̀ Mak 10:21

Yesò ki wen alə̀ nə̀ kòŋə mù gàʼ à wen la, “kənyʉ̀ kə mùʼ kə diʼ a wù ko təmə̀ nè. Dyʉ̀ baʼlə fo vyə no tsèm ə̀ ku ko yi à viʼi kəmfem, ndi lu kiʼi ghoʼo a kàŋ. Wù nè a lì, wu vì ə̀ dzɨ̀mtə̀ mò.”

Ŋwàʼlə̀ Mak 15:26

Və ne bantə wen mè, ə nyòʼ kənyʉ̀ kì a və ngàʼà la ghə̀ ne lì a kəbàŋ kə fəkòʼ ə̀ bayntə a wen a kətʉ kə kəntò la,“FÒN VƏJEW.”

Ŋwàʼlə̀ Mak 15:32

“Shiʼi fa kəntò a Klistò ə̀ fòn viʼi Islel! ndi yès yen ə̀ byɨmə à wù.” Viʼi vi vəbò a və mbantə wen wenə̀ vəwenə lì bè sə telə̀ wen.

Ŋwàʼlə̀ Mak 8:34

Yesò dzàŋtə̀ nòyn viʼi vi bènə̀ ndzɨ̀mtə̀sə bàm wen ə̀ gàʼ à vəwenə la,“No ndò a ghə̀ kòŋə ədzɨ̀mtə mo, mu ghə̀ diʼi maʼa ngə̀ŋ kətʉ wen ə byèʼè kəntò kə wen ə dzɨ̀mtə mo,

Ŋwàʼlə̀ Luk 14:27

No məndò a ghə̀ sətsèn faŋ ke byèʼè kəntò kə wen ə dzɨ̀mtə mo, ghə̀ zì kò ghə̀ lə ndiʼ ndzɨ̀mtə̀ bàm ghom.

Ŋwàʼlə̀ Luk 23:26

Vəwenə mù lyɨ̀ Yesò ə lù nə̀ wen, sə ndyʉ̀ a jì bwùmtə̀ wùtsen a və ndzàŋ wen nə̀ Simon a ndiʼi wù Silen. Ghə̀ lu fa tyì Loʼ sə̀ vì, vəwenə ghaʼa wen ə nè ghə̀ byèʼè kəntò kə Yesò sə̀ dyʉ̀ fa wen a bàm.

Ŋwàʼlə̀ Luk 23:33

Vəwenə nè dyʉ̀ ə zaʼa kəshi kətsenkə a və ndzàŋ nə̀ kəwuʼlə kə kətʉ ə bayntə wen bènə̀ viʼi kwaʼtə təsoʼ vyi tsu a kəntò və bayntə ghə̀ muʼ a kəntò à wenə̀ kwòŋ to ghə̀ nə̀ ghə̀ tsen a wen kwòŋ nàkwè.

Ŋwàʼlə̀ Luk 23:38

Vəwenə bè nyòʼ Gàʼà tsen ghə̀ bayntə à wen a kətʉ kə kəntò la “Ghèn diʼ fòyn və Jus”

Ŋwàʼlə̀ Luk 9:23

Yesò gàʼ alì mù gàʼ à nòyn viʼi vyi a və nvì lì la, “No məndò a ghə̀ kəŋ dzɨ̀mtə̀ mo, ghə̀ diʼi tyen ngə̀ŋ kətʉ wen ə byèʼè kəntò kə wen no məntsi ntsèm ə dzɨ̀mtə̀ mo.

Joyn 19:13

Balèt ə zhʉ̀ ali, ə lyɨ̀ fʉ̀ vì nə̀ Yesò ə nyʉ̀ʼmə a kəkɨ yi a və vi nyʉʼ, tyinə nsòʼ sə tsu li “Fənsàm fə nguʼ,” və toŋtə a gaʼa ə Hibùlù la, “Gabatà.”

Joyn 5:2

Kətsèm kə tsèn kə ndiʼ a Jelusalèm boʼsə a chʉ Mbàyn Byisə, və toŋtə la Bèsaydà a gaʼa ə Hibùlù, mu və bwòm li nkaʼsə nə̀ tətotə a yi ben, tə tàyn.

Shwèʼ 7:58

ə gùf wen ə̀ fʉ̀ nə̀ wen fà a ntə̀ʼ ayì ə̀ zìtə̀ sə temlə wen nə̀ ngùʼsə. Andìʼ a lì mu viʼi vyi a və ndì a nə̀ viʼi və yenəvə ntsuʼtə li vədàlə və vəwenə ə̀ ghʉ̀ a shɨ wàyndyə nkùŋ tsen, a zhiʼ wen ndìʼ Saul.