Joyn 18:20 - The New Testament in the Babanki language

²⁰ Yesò ə bwensə gàʼ la, “Mà tə gaʼa fa kəghaf no a viʼi və tsèm, ziʼi a loʼ ntsèntə̀ tèbè a ngə̀ŋ Nyìngòŋ ə ghoʼo, a diʼ shi, a viʼi Jus vi tsèntə̀ tsu. Ma ko tɨmə nyoʼtə nyoʼtə gàʼa kənyʉ̀.

Joyn 18:20 ပူးပေါင်းရင်းမြစ်များ

Matìyò 24:26

A lù sətsèn a gàʼ tè ndò à ghə̀ŋ la, “Ghə̀ yi a nse zɨm, kə wìʼ à fʉ̀ ədyʉ̀ tsu, ko wìʼ gàʼ la, ‘Ghə̀ ghèn a tì ngə̀ŋ a shə̀ kə wìʼ a byɨmə.’

Matìyò 26:55

Yesò mù gàʼ à nòyn yi la, “Ghə̀ŋ fʉ sə vì nə̀ nyisə bènə̀ mbàŋsə əvì ghaʼ mo sə mà dìʼ tsoŋ ale? Gaʼa kò mà tə nzhʉsə̀ tò vəghəŋ à tì ngə̀ŋ Nyìngòŋ ghoʼo dìʼsə̀ kò ghə̀ŋ lu nghaʼa mò byìʼì ghò?

Matìyò 26:65

Kətʉ akì ghaʼ bàs ndisə wen tò fa wen a ngə̀ŋ gàʼà la,“Ghə̀ telə li Nyìngòŋ! Vəghəŋ be kəŋə əzhʉ fa chʉ̀ ndò? Gaʼa kò ghə̀ŋ zhʉ li nyʉ̀ byɨvə kùmə̀ Nyìngòŋ a ghə̀ gaʼà fà wen a chʉ̀.

Matìyò 4:23

Yesò sə̀ jèʼè fa loʼ Galìlì no tsèm ziʼi a aloʼ ntsèntə̀ vəwenə, shə̀ʼtə̀ ntɨm jùŋə byìʼì soʼo fòyn Nyìngòŋ, be chʉʼʉ no nkì kwaʼa kò a viʼi nkiʼi.

Matìyò 9:35

Yesò ə sə jèʼè kwenə a ntə̀ʼ sə ghoʼkə sə nə̀ sə tyetəsə, ziʼi a aloʼ ntsentə ə vəwenə, shə̀ʼtə̀ ntɨm ə jùŋ byìʼì əfòyn ə Nyìngòŋ, bè chʉʼʉ tənkyì tə kwaʼa tò tə tsèm.

Ŋwàʼlə̀ Mak 8:32

Yesò nè gàʼ ə̀ laynsə à vəwenə a lì no a zhʉ̀ kò, Bità gùftə̀ wen a bàm, ə̀ kənkə wen gàʼà la, “Kə ghə̀ be à gàʼ a ji ghèn.”

Ŋwàʼlə̀ Luk 21:37

Yesò nziʼi a ngə̀ŋ Nyìngòŋ a mətsi ayì tʉʼ ne jɨ ghə̀ pfwo kuʼ tsi a kwi pfen olìf.

Ŋwàʼlə̀ Luk 4:15

Ghə̀ nè sə njèʼè ziʼi a aloʼ ntsentə Nyìngòŋ və Jus, no məndo sə kuʼsə wen.

Joyn 18:21

Wù bèmtə̀ no nyʉ̀ venə a mò byìʼì ghò? Wu bèmtə̀ a viʼi vyi a və tə ə zhʉtə gàʼà ə ghomə. Vəwenə ə kɨ nyʉ̀ vyi a mà tə ngàʼà.”

Joyn 6:59

Yesò ə ngàʼa ali, ando ghə̀ nziʼi viʼi a ngə̀ŋ ntsèntə̀ ə viʼi Jus a Kàbanùm.

Joyn 7:14

To ando mə ntsi mə kəzhɨ na kenkə ə ngə̀li a kə ntìntìn, Yesò kuʼ dyʉ̀ a kəbəŋ kə ngə̀ŋ Nyìngòŋ ə ghoʼo, ə sə ziʼi viʼi tsu.

Joyn 7:26

Wìʼ ghèn sə gaʼa to no ashɨ ə viʼi, wìʼ ə ko gàʼ kənyʉ̀ a wen! wù gaʼa tʉtʉ mu lutə sù kɨ luwen la à diʼ to no wen yì a və Ntsuʼ li a?

Joyn 7:28

Və ə ngàʼa ali, Yesò ə bo ziʼi to viʼi a kəbəŋ kə ngə̀ŋ Nyìngòŋ. Ghə̀ be gàʼ a gɨ to la, “Ghə̀ŋ kwòʼtə̀ la ghə̀ŋ kɨli mò, kɨ kəshi kì a mà lù fa tsù a? Ma ko vi ashə fa mo ngeŋ. A tɨm wìʼ tɨm mo, ko ghə̀ŋ kɨ wen, ghə̀ gaʼa tò nəmwèʼè,

Joyn 7:4

Wìʼ ə mù sətsèn ə kòŋ la və nə̀ kɨ wen, ko ghə̀ lù ə nyòʼò ə nyòʼò nè ənyʉ̀. Ando wù sə nè nyʉ̀ venə lə, kə bòŋ la wù nè, mbyi ə tsèm ə kɨ wù.”

Joyn 8:2

Ətʉʼ ə be ne sə laynə mu ghə̀ sə be diʼ a kəbəŋ kə ngə̀ŋ Nyìngòŋ, viʼi vì ŋwʉʼtə ə kaʼsə a wen a ben, ghə̀ shiʼi nyʉ̀ʼmə ə sə ziʼi vəwenə.

Joyn 8:26

Ənyʉ̀ ə diʼ to kədə̀ŋ a mà zizi mà gàʼ kumə ghə̀ŋ be ku ngəʼ a ghə̀ŋ fa tsu, ali ma ko ne tebè ali byìʼàndo wìʼ yi a ghə̀ tɨmə mo ə gaʼa to nəmwèʼè, ma gàʼa to kənyʉ̀ kì a ghə̀ gàʼa la mà gàʼ a viʼi mbyi.”

Shwèʼ 26:26

Fòn Aglibà, mà zì mà gàʼ kè nə̀ fanə à wù byìʼàndo wù kɨ nyʉ̀ a venə no tsèm ko à ndiʼ la kətsenkə nchò li fa tsu ke wù kɨ byìʼàndo və nko ncho a kənlyòmtə.