Joyn 17:22 - The New Testament in the Babanki language

²² Ma ku li əbayn ə ghoʼoghə a vəwenə, a diʼ yi a wù tə kù a mò ndi vəwenə ə ndiʼ to a kənyʉ̀ kə mùʼ, to ndə̀ŋndəŋ ando yowù diʼ to a kənyʉ̀ kə mùʼ.

Joyn 17:22 ပူးပေါင်းရင်းမြစ်များ

Ŋwàʼlə̀ Mak 6:7

Ghə̀ dzàŋ ndzɨ̀mtə̀sə bàm wen njʉ̀sə̀bò ə̀ tɨ̀m vəwenə tò vəbò vəbò bè kù àdyoʼ à vəwenə a kətʉ ə̀ zhwì byɨvə.

Ŋwàʼlə̀ Luk 22:30

ndi ghə̀ŋ zhɨ bè nyʉ a mò kəchiʼ a mò soʼ fòyn, ghə̀ŋ be ne ŋwʉʼʉ a foyn ngwàʼsə Islel shìsə njʉ̀sə̀ bò.”

Joyn 1:14

Ntɨm Nyìngòŋ na ghèn ə kaʼkə li sə diʼ wìʼ, ə vi tsitə a vəghəŋ a ntìntìn. Yès ə yen li kədyòʼ kə kaynəkə ə wen, kədyòʼ a ghə̀ kiʼi to nə̀ wàyn Nyìngòŋ a ghə̀ diʼ to əmùʼ li. Ghə̀ nlù fa ben ə Bobo ə vi kiʼi kusə nshinsə no mwènmwèn nə̀ no tèbe a ghò yi a ghə̀ diʼ nəmwèʼè kumə Nyìngòŋ.

Joyn 1:16

A diʼ fa kusə shinsə wen a ghə̀ diʼ no ghoʼ ə ghoʼ, a ghə̀ ne la vəghəŋ sə kiʼi ə mbwaʼməsə to ghayn a ghayn.

Joyn 14:20

A lə ndiʼ a kətsi na yi a mà bwenə vì a ghə̀ŋ, ghə̀ŋ kɨ la yo Tìʼ ghom diʼ a kənyʉ̀ kə mùʼ, vəghəŋ ə be diʼ a kənyʉ̀ kə mùʼ.

Joyn 17:24

“Ma kəŋ a Tìʼ ghom la yo viʼi a wù kù a mò lu ndiʼ to akəshi kə mùʼ ndi vəwenə yen əghoʼ ə ghomə, a diʼ yi a wù kòŋ mò ə ku a mò, mibu wù shɨtə mbyi.

Shwèʼ 5:41

Viʼi ntɨm ə̀ Yesò a vyi lù fa kəshi ayì nə̀ saŋlə ghoʼghə byìʼàndo Nyìngòŋ tsuʼ li vəwenə la vəwenə yen ngəʼ byìʼì zhiʼi wen.

Lumans 8:30

Ghə̀ dzàŋ li viʼi vi a ghə̀ sə diʼ mù ghə̀ tsuʼ li a wèn ə viʼi ə be ghʉ̀ viʼi na venə a ghə̀ dzàŋ a viʼi kənyʉ̀ kətɨməkə. Ghə̀ ə ghʉ̀ ali ə be boŋ gətə ku əbayn ə ghoʼo ghə̀ ə wen a vəwenə.

2 Kolìntyàns 3:18

Vəghəŋ vi a və byɨmə a Yesò və tsuʼ li kəbàs kə ndisə na ki ko kə mbe chiʼtə tebè əkə̀ʼ ə vəghəŋ, vəghəŋ sə diʼ nyenə əbaynə Bobo. Ali Bobo a diʼi kəzhwì nè la vəghəŋ ə kwʉ̀ʼʉ̀ ando Bobo kəŋ, ndiʼi kuʼsə dyʉ̀ to dyʉ̀ nə̀ əbaynə wen na yi. A lə shwèʼè ə Bobo yi a ghə̀ diʼi a kəzhwì.

2 Kolìntyàns 5:20

A lə ji yì, a yès lyɨ kəshi kə Yesò, Nyìngòŋ sə gàʼà chò fa yès. Yès sensə ghə̀ŋ a əzhiʼ ə Yesò la ghə̀ŋ baʼtə̀ ntsìnə̀ shəŋsə wyè və Nyìngòŋ.

2 Kolìntyàns 6:1

A nə̀ viʼi a və shwèʼè wenə və Nyìngòŋ amuʼ, yès ə sensə ghə̀ŋ la ando Nyìngòŋ ə diʼ li ə boŋ tyɨm ə wen a ghə̀ŋ lə, kə ghə̀ŋ a nè ə boŋ tyɨm ə wen a ghenə lè to kədyàŋ.

Efisyàns 2:20

Ghə̀ŋ diʼ ngə̀ŋ mu və bwom a ntsìnə̀ yì nə̀ əziʼi yì a viʼi ntɨm ə Yesò, nə̀ nshə̀ʼtə̀sə ghoʼkəsə ə ziʼi kùmə̀, ngùʼ bù ə ngə̀ŋ a ghèn adiʼ to no Yesò Klistò nə̀ wèn ə wen.

Filìbàyns 1:29

Ma gàʼà alə̀ byìʼì ando Nyìngòŋ ə diʼi li ə tyɨmə jùŋə ghə̀ a ghə̀ŋ ə ne la ghə̀ŋ byɨmə Klistò ə be yènə ngəʼ byìʼì wen.

Kòlòsyàns 1:24

Ma saŋlə luwen ando ma yenə ngəʼ byìʼì ghə̀ŋ. Ngəʼ na ghèn diʼ a mò wen alə byìʼì ando ma kəŋ ə myetə kənyʉ̀ ki a Klistò ə ndzɨŋ əyen a wenə wen a diʼi viʼi və byɨməvə.

1 Joyn 1:3

Yès ə gàʼà ənyʉ̀ a ghə̀ŋ a diʼi ənyʉ̀ a yès ə yen li ə bè zhʉ ndi vəghəŋ ə ntsèntə̀ diʼ a kənyʉ̀ kə mùʼ vəghəŋ və Tìʼ bènə̀ Wàyn wen ə Yesò Klistò.

1 Joyn 3:24

Viʼi vi no vətsèm a və ghʉ təsòʼ tə wen dìʼ a kənyʉ̀ kə mùʼ wenə və wenə. Vəghəŋ ə kɨ la ghə̀ dìʼ a kənyʉ̀ kə mùʼ vəghəŋ və wen ə chò fa kəzhwì kì a ghə̀ ku li à vəghəŋ.

1 Joyn 4:17

A ji aghèn, əkòŋ ə Nyìngòŋ ə kwʉ̀ʼ mè à vəghəŋ ə ntìntìn ndi vəghəŋ lu ə nti a nkàyn kətsi kə nsoʼ, byìʼàndo ntsìnə̀ vəghəŋ a mbi dìʼ tò nə̀ ghə̀ Klistò.

Kəmwetə 21:14

Ghə̀ ndiʼ mu və bwòm a kwi əkɨ ə ngə̀ŋ njʉ̀sə̀ bò, a diʼ no kəchɨ kə ngə̀ŋ kə kò mu və nyòʼò li zhiʼ ə wù ə ntɨm tsu, a diʼ viʼi vyi a və shyèʼ a We Njɨ̀.