Joyn 17:18 - The New Testament in the Babanki language

¹⁸ Ma tɨm li vəwenə a mbyi, ndə̀ŋndəŋ ando wù tə tɨmə mo la mà dyʉ̀ a mbyi.

Joyn 17:18 ပူးပေါင်းရင်းမြစ်များ

Matìyò 10:5

Yesò ə nlu sə ə tɨm viʼi a venə njʉ̀sə̀ bò ə gàʼa a vəwenə la, “Kə ghə̀ŋ dyʉ̀ a əloʼ kətɨm; kə ghə̀ŋ dyʉ̀ a ntə̀ʼ Sàmalìyà no əmùʼ.

Matìyò 23:34

Mà mù sə gàʼà à ghə̀ŋ la mà ne tɨm nshə̀ʼtə̀sə nə̀ viʼi və tofəvə bènə̀ ndìʼsə̀sə kɨ la ghə̀ŋ ne a zhwilə vətsenvə ə bantə vətsenvə a kəntò be ghom vətsenvə fà ghə̀ŋ a aloʼ ntsèntə̀sə, be ndzɨ̀mə̀ vətsenvə no fa ntə̀ʼ ko a vəwenə dyʉ̀ tsu.

Joyn 17:21

Ma jɨ̀mə̀ a Tìʼ ghom la vəwenə tsèntə ndiʼ to a kənyʉ̀ kə mùʼ no və tsèm to ndə̀ŋndəŋ ando yowù diʼ to a kənyʉ̀ kə mùʼ. Nè vəwenə faŋ a yowù ndiʼ viʼi mbyi venə byɨmə la à tɨm wù tɨm ə mo.

Joyn 17:23

Ma jɨ̀mə̀ ə ndiʼ to kənyʉ̀ kə mùʼ yo vəwenə, yowù diʼ to a kənyʉ̀ kə mùʼ ndiʼ vəwenə kaʼkə ndiʼ to a kənyʉ̀ kə mùʼ no fa vəwenə ngeŋsə, ndi nè la mbyi kɨ la wù tə ə tɨm mo, ə kòŋ vəwenə to ndə̀ŋndəŋ ndo wù kòŋ mò.

Joyn 17:25

Tìʼ ə jùŋ yi a wù soʼo to ji tɨmə, viʼi mbyi ko kɨ wù ali ma kɨ, venə a wù kù a mò lə̀, kɨ la à tɨm wù tɨm mo.

Joyn 17:3

Ə kiʼi ntsìnə̀ yì a ghə̀ ko lu mè, a diʼ la, vəwenə na kɨ wù yì a wù diʼ Nyìngòŋ mùʼ yi a ghə̀ diʼ nəmwèʼè, be kɨ Yesò Klistò yi a wù tɨmə lì.

Joyn 17:8

byìʼì ando mà shə̀ʼtə li ntɨm ə wù yì a wù tə ku la mà ku a vəwenə, vəwenə zhʉ̀, ə byɨmə. Vəwenə tə ə kɨ nəmwèʼè la mà lù fa wù ben, byɨmə la à tɨm wù ntɨm mo.

Joyn 20:21

Yesò ə gaʼa li ə kwʉ̀ʼsə a ndzɨ̀mtə̀sə bàm wensə la, “Mbwaʼmə ndiʼ a ghə̀ŋ! Ma tɨm ghə̀ŋ ndə̀ŋndəŋ ando Tìʼ ghom tə tɨm mo.”

Joyn 3:17

Nyìngòŋ ə ko ə ntɨm wàyn wen a mbyi la ghə̀ vi byɨbsə viʼi mbyi, ghə̀ ntɨm la ghə̀ vi, ghə̀ bwòŋsə viʼi e chò fa wen.

Joyn 4:38

Ma tɨm li ghə̀ŋ la Ghə̀ŋ fʉ̀ pfi ə fozhɨvə fa sɨm ko andiʼ la ghə̀ŋ tə shyèʼ. Viʼi kədyàŋ tə ə shyèʼ, ghə̀ŋ sədiʼ ə pfì.”

2 Kolìntyàns 5:20

A lə ji yì, a yès lyɨ kəshi kə Yesò, Nyìngòŋ sə gàʼà chò fa yès. Yès sensə ghə̀ŋ a əzhiʼ ə Yesò la ghə̀ŋ baʼtə̀ ntsìnə̀ shəŋsə wyè və Nyìngòŋ.

Efisyàns 3:7

Ma ə nzìtə̀ shə̀ʼtə̀ ə ntɨm ə jùŋ a ghèn mu à ku Nyìngòŋ əku kədyòʼ kə wen la mà nè. Nyìngòŋ ne alə̀ byìʼì ətyɨm ə jùŋə ghə̀ ə wen.