Joyn 17:1 - The New Testament in the Babanki language

¹ Yesò ə gàʼ mwetə nyʉ̀ na venə ə ki kuʼsə nə̀ kaŋə ə jɨ̀m la, “Tìʼ, əzhʉ̀ kʉʼʉ li luwen. Nè viʼi yen kədyòʼ kə kaynə kə ə wàyn wù ndiʼ ghə̀ nè, viʼi yen kyəkə,

Joyn 17:1 ပူးပေါင်းရင်းမြစ်များ

Ŋwàʼlə̀ Mak 14:41

Ghə̀ nè bwènə̀ vi a ndiʼ aghayn à taʼ ə̀ gàʼ à vəwenə la, “Ghə̀ŋ bò bʉnə̀ tò bʉnə zhʉ̀tə̀ à? Kə ghə̀ŋ be bʉnə! zhʉ kwʉʼʉ̀ li ə və ku Wàyn Wìʼ à viʼi nè nyʉ̀ byɨvə.”

Ŋwàʼlə̀ Luk 18:13

Wìʼ yì a ghə̀ tinə kənsè lì sə jɨ̀mə ti tò kəghaf, kò ghə̀ lə kòŋ əki kuʼsə nə̀ kaŋə ali ghə̀ ghʉ kəvu kə wen a wen kədʉʼ tò a nshinsə a nshinsə jɨ̀mə̀ gàʼà la, ‘Nyìngòŋ, kusə shinsə à mò, mà diʼ wù nyʉ̀ byɨvə!’

Ŋwàʼlə̀ Luk 22:53

A ndiʼ a tʉʼ a ma ndiʼi vəghəŋ a tyì ngə̀ŋ Nyìngòŋ kò ghə̀ŋ lə ghaʼa mo; alì ghèn diʼ zhʉ a Satan tì nfɨnə̀ soʼo tsu.”

Joyn 11:4

Yesò zhʉ̀ ntɨm na yi ə gàʼ la, “Ghə̀ kwaʼa tèbe ali, ko ndiʼ la ghə̀ a pfʉ̀. Əkwaʼa na yi ə vi ndi Nyìngòŋ ə diʼ kədyòʼ kə wen. Wàyn Nyìngòŋ na diʼ kədyòʼ ki a ghə̀ kù a wen chò fa kwaʼa na ghèn.”

Joyn 11:41

Ghə̀ gàʼ ali, və mu lyisə ngùʼ ayì. Ghə̀ ki kuʼsə nə̀ kaŋə ə gàʼ la, “Ma ku kəzòŋ à wu a Tìʼ byìʼàndo wù nə̀ zhʉtə mò,

Joyn 12:23

Yesò ə gàʼ a vəwenə la, “Əzhʉ kʉʼʉ li luwen la Nyìngòŋ ə kuʼsə kwoŋ ə Wàyn Wìʼ akàŋ.

Joyn 13:1

Andiʼ ando əchʉʼ ndiʼ ne layn və zhɨ̀ kətsi kə Məzaʼsə, mu Yesò sə kɨ la zhʉ̀ kʉʼʉ li la ghə̀ lu fa mbyi ashə ə dyʉ̀ a ben Tìʼ. Ghə̀ kòŋ viʼi wen vyi a və ndiʼ a mbyi, faŋ sə kòŋ vəwenə ə zàʼa ando ghə̀ moʼtə mbyi ghèn.

Joyn 16:32

Əzhʉ ne vì, ma gàʼà ali mu à sə diʼ to no wenə ghə̀ lə, ghə̀ŋ diʼ ə ghəsə ə no ndò ə phwò. Ghə̀ŋ wʉ̀sə mò, a mà sə diʼ to mo nyɨŋ, ali ko ma laynsə diʼ to mò nyɨŋ byìʼì ando Tìʼ ə diʼ yo wen.

Joyn 7:30

Ghə̀ gaʼa ali, və sə kəŋ ə ghaʼ wen, ali wìʼ ko ə mwomsə byìʼàndo zhʉ yi a Nyìngòŋ ə nghʉ la və lu ghaʼa wen ə ko təmə kwʉʼ.

Joyn 7:39

Yesò ə ngàʼa lə kumə Kəzhwì kì a və ndiʼ ə ku a viʼi vyi a və byɨmə a wen. A ndiʼ ali, Nyìngòŋ ko təmə ku kəzhwì kə wen na kì byìʼàndo ghə̀ ko təmə lùsə kùʼsə Yesò akàŋ ə ku kədyòʼ a wen.

Joyn 8:20

Yesò ə nziʼi nyʉ̀ na venə, ashə a ngə̀ŋ Nyìngòŋ yi a və ghʉ kəku tsu. Alì, ko wìʼ nghaʼli wen byìʼàndo əzhʉ̀ yi a Nyìngòŋ ghʉ̀ la və ne ghaʼa wen nko təmə kwʉ̀ʼ.

Shwèʼ 3:13

Nyìngòŋ a vətìʼ və vəghəŋ və mbì a ndiʼì Ablaham, Izìk nə̀ Jàkob ə nkuʼsə li wù shyèʼ wen Yesò yì a ghə̀ŋ ə̀ nghaʼa wèn ə̀ kù à viʼi ə̀ bè mo wen a shɨ Bilate no tè ando Bilate nghʉ li la yì a mòʼtə wen ə ghə̀ dyʉ̀.

1 Bità 1:21

A diʼ byìʼì Yesò na ghèn a ghə̀ŋ byɨmə a Nyìngòŋ a ghə̀ ə lùsə wen fa pfʉ, ə ghʉ̀ wen akəshi kə ŋaŋtəkə, kənyʉ̀ na kì ə nè, ghə̀ŋ ə sə kiʼi əbyɨmə, be ki kə̀ʼtə̀ to Nyìngòŋ.